EHEk “euskararen errepublika independentea” aldarrikatuko du abenduaren 6ko manifestazioan
Euskal Herrian Euskarazek hiru aldarri izango ditu abenduaren 6an, Durangoko Azoka garaian, Landako gunetik abiatuko den manifestazioan: hizkuntza eskubideak defendatzea, euskararen aurkako erasoei aurre egitea eta Euskal Herri euskaldunaren alde egitea.
EHEk manifestazioaren deialdia egiteko argitaratu duen oharrean dioenez, larrialdi linguistikoan gaude. Ez du gutxiesten azken hamarkadetan euskararen normalizazioan egindako lana eta lortutako emaitzak. Harro egotekoa eta positiboki baloratzekoa dela uste du EHEk. Dena den, euskara normalizatu eta euskal hiztunon komunitatea berrosatzeko prozesua krisian dagoela diote.
Legeen bidez eta erabaki judizialen bidez, “euskalduntzean aurreratutako apurra mugatu eta inboluziora eramateko ahalegin betean” daudela bi estatuak salatu du EHEk. Hainbat adibide eman ditu. Lapurdin, Nafarroa Beherean eta Zuberoan murgiltze eredua ezartzea Parisen “erregutu” beharraz eta hango politikarien nahiek agintzeaz kexu da EHE. Nafarroan Gobernuak euskara baino alemana gehiago baloratzea salatu du eta Bizkaian, Araban eta Gipuzkoan epaitegiak hizkuntzaren normalizazioan emandako urratsak nola mugatzen eta debekatzen ari diren azpimarratu du.
Gaur egungo hizkuntza politikek eta marko juridikoek eman behar zutena eman dutela eta beste marko juridiko baterako jauzia emateko unea dela adierazi du mugimenduak. Burujabetza osoa eskuratzeko beharra azpimarratu du kanpo-eskuhartzerik gabeko hizkuntza politika garatzeko.
Euskaraz normaltasunez bizi ahal izateko “euskararen errepublika independentea” eskuratzea ezinbestekotzat jo dute.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Taldea ezagutarazteko eta proiektua finantzatzeko antolatu dute egun osorako egitaraua.
Euskal Herri euskalduna aldarrikatzeaz gain, euskararen aldeko borrokak kalean ikustaraztea eta indartzea izango du xedetzat.
Asteburuko egitaraua aurkeztu dute EHEko kideek. Besteak beste, sei tailer egingo dituzte bi txandatan, euskalgintzako pertsona esanguratsuekin.
Topaketak urriaren 7an eta 8an Villabona-Amasan izango dira. Euskara eta independentzia ardatz hartuta, zenbait gairen inguruko hausnarketak egingo dituzte.
Ehunka lagun elkartu dira Euskal Herrian Euskaraz-ek Iruñean egindako mobilizazioan. Zonifikazioaren legea alde batera utzi, eta Nafarroa osoan euskara ofizial izatea aldarrikatu dute.
Euskal Herrian Euskarazek aurrera egingo du baldin eta eraberritzen bada. Hala azpimarratu du mugimenduak egin berri duen barne-hausnarketan. Garai berrietara egokitutako EHE antolatu nahi dute orain. Independentzia beharra aldarrikatuko dute Euskal Herria euskalduntzeko tresna... [+]
Euskal Herrian Euskaraz herri mugimenduak garai berrietara egokitzeko ariketa egin duela adierazi du eta bere sorrera-printzipioak eguneratuta jaso dituen Ikusmira agiria aurkeztu du.
Euskal Herrian Euskarazek (EHE) salatu du 34 urte pasatu direla herrialdean zonifikazio linguistikoa ezarri zuen euskararen legea Nafarroako Parlamentuan onartu zenetik. Nafarren hizkuntz eskubideak urratzen dituen lege hori alda dadila eskatzeko ellkartu dira... [+]
Joan den urtarrilaren 30eko greba orokorrean grebalari batek jasandako Ertzaintzaren eraso eta hizkuntz eskubideen urraketa salatzeko, elkarretaratzea deitu du asteazkenean Durangoko Euskal Herrian Euskaraz (EHE) taldeak.
Asteazkenean deitu du elkarretaratzea Euskal Herrian Euskarazek. Iragan osteguneko greba egunean Ertzaintzak herritar baten hizkuntz eskubidea urratu izana salatuko dute.
Dozenaka lagun batu dira Bilbon Arkaitz Zarraga euskaltzaleari babesa adierazi asmoz. Honek epaiketa izan du ostegun goizean, 2018ko abuztuan hainbat udaltzainekin euskaraz mintzatzen saiatzeagatik. Mozal Legearekin zigortu zuten, 900 euroko isunarekin, "autoritateari... [+]