EHEk, lehen aldiz, Euskaltzale Independentisten Topaketak egingo ditu urrian
Topaketak urriaren 7an eta 8an Villabona-Amasan izango dira. Euskara eta independentzia ardatz hartuta, zenbait gairen inguruko hausnarketak egingo dituzte.
Euskal Herrian Euskarazek (EHEk) adierazi duenez, topaketen jatorrian Astindu barne prozesua dago (Hausnarketari buruzko elkarrizketa Haizea Ramirez de Alda eta Urko Aierberi, 2021ean). Gogoeta hartan, oinarri ideologikoa, antolaketa eredua eta etorkizuneko lan-ildoak berrikusi zituzten. Hausnarketa haren emaitzetako bat izan zen EHEk bere burua argi eta garbi eragile independentistatzat aitortzea.
Herri mugimenduaren ustez, Espainiako eta Frantziako estatuen menpe bizita, ezin da diglosia egoera gainditu, eta horregatik, Euskararen Errepublikaren aldeko apustua egin du. Hala adierazi dute prentsa-oharrean: "Atzera begira eta defentsiban nahi gaituzten honetan, euskaltzaleok aurrera begira eta herri eraikuntzarako perspektiban kokatzeko ekarpena egin nahi dugu".
Euskaltzale Independentisten Topaketetarako hiru helburu ezarri dituzte: batetik, gogoeta egitea ea nola elkar elika dezaketen prozesu euskaltzaleek eta burujabetzaren aldekoek; bestetik, euskalgintzaren erronka berriak aztertu eta Euskararen Errepublikaren norabidean kokatu; eta azkenik, euskaltzale independentisten komunitatea indartu.
Egitarauan gogoeta eta jai giroa uztartu dituzte. Mahai-inguru nagusian Amets Aranguren, Amets Arzallus, Eneko Bidegain, Estitxu Garai eta Lorea Agirre izango dira. Ekitaldi politikoaren ondoren, berriz, azaroaren 4ko manifestaziorako atxikimendu-argazkia aterako da.
Topaketetan parte hartzeko izena ematea eskatu du EHE-k.
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Euskaraz deklaratzea ukatu dio epaileak, eta erabaki du ez parte hartzea bere aurkako epaiketan. Auzitegi kanpoan babesa ematera joandako hamarnaka euskaltzaleren aurrean desobedientziarako deia egin du Torrek. Guztira 3.268 euro ordaintzera zigortu dute.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Taldea ezagutarazteko eta proiektua finantzatzeko antolatu dute egun osorako egitaraua.
Euskal Herri euskalduna aldarrikatzeaz gain, euskararen aldeko borrokak kalean ikustaraztea eta indartzea izango du xedetzat.
Asteburuko egitaraua aurkeztu dute EHEko kideek. Besteak beste, sei tailer egingo dituzte bi txandatan, euskalgintzako pertsona esanguratsuekin.
Ehunka lagun elkartu dira Euskal Herrian Euskaraz-ek Iruñean egindako mobilizazioan. Zonifikazioaren legea alde batera utzi, eta Nafarroa osoan euskara ofizial izatea aldarrikatu dute.
Euskal Herrian Euskarazek hiru aldarri izango ditu abenduaren 6an, Durangoko Azoka garaian, Landako gunetik abiatuko den manifestazioan: hizkuntza eskubideak defendatzea, euskararen aurkako erasoei aurre egitea eta Euskal Herri euskaldunaren alde egitea.
Euskal Herrian Euskarazek aurrera egingo du baldin eta eraberritzen bada. Hala azpimarratu du mugimenduak egin berri duen barne-hausnarketan. Garai berrietara egokitutako EHE antolatu nahi dute orain. Independentzia beharra aldarrikatuko dute Euskal Herria euskalduntzeko tresna... [+]
Euskal Herrian Euskaraz herri mugimenduak garai berrietara egokitzeko ariketa egin duela adierazi du eta bere sorrera-printzipioak eguneratuta jaso dituen Ikusmira agiria aurkeztu du.
Euskal Herrian Euskarazek (EHE) salatu du 34 urte pasatu direla herrialdean zonifikazio linguistikoa ezarri zuen euskararen legea Nafarroako Parlamentuan onartu zenetik. Nafarren hizkuntz eskubideak urratzen dituen lege hori alda dadila eskatzeko ellkartu dira... [+]
Joan den urtarrilaren 30eko greba orokorrean grebalari batek jasandako Ertzaintzaren eraso eta hizkuntz eskubideen urraketa salatzeko, elkarretaratzea deitu du asteazkenean Durangoko Euskal Herrian Euskaraz (EHE) taldeak.