EH Bilduren moderatze instituzionalak LAB darama berarekin, ELAren ustez
Ezaguna da ELAren eta LABen arteko harremanak ez direla onak azken boladan. Egoera ez da berria, eta ELAren ustez orain oztopo nagusiak hiru esparrutan dira: negoziazio kolektiboa, parte hartze instituzionala eta autonomia sindikala.
Ezaguna da ELAren eta LABen artean azken boladan duten harreman txarra. Apirilean LABeko koordinatzaile Garbiñe Aranburu eta Igor Arroyo gogor mintzatu ziren – ELAren prepotentzia, manipulazioa eta arduragabekeria– harreman horiez, eta hilabete honetan, ELAren Alda hilabetekarian horiez idatzi dute Amaia Muñoa Idazkari Nagusiaren albokoak eta Pello Igeregi Negoziazio Kolektiboko arduradunak, hauek ere ahoan bilorik gabe.
Historikoki bi sindikatuen harremanak ez direla samurrak diote ELAko goi karguek, are gutxiago ETAren garaian, baina zehazten dute beti izan dituztela elkarlan garaiak, hala nola, 35 orduen borrokan, Foro Sozialean, 2008ko krisialdiko sei grebetan, lan heriotzetan, euskararen eremuan edo Kataluniako kontsultan.
Hala ere, azken boladan, bi sindikatuen arteko desadostasun estrategikoa indartzen ari dela deritzote eta horren oinarrian hiru arrazoi nagusi ikusten dituzte: negoziazio kolektiboa, LAB parte hartze instituzionaleko organoetara itzultzea, eta autonomia sindikala.
LAB, CCOO eta UGT
Negoziazio kolektiboan azken boladan LABek CCOOrekin eta UGTrekin egindako akordioak aipatzen ditu, esaterako, Metaleko hitzarmenean Araban eta Gipuzkoan, edota Arte Grafikoetan Gipuzkoan. Horrelako asko daudela zehazten dute Muñoak eta Igeregik, eta horrek baduela ondorio nagusi bat: patronalari mesede egiten diotela, hark LABekin, CCOOrekin eta UGTrekin akordio merkeagoak lortzen dituelako eta, azken finean, lan hitzarmen eskasagoak sinatzen direlako.
Parte hartze instituzionala
Bigarren desadostasun handia parte hartze instituzionalari dagokio. LABek aurten erabaki du esparru horietara itzuliko direla. ELAren esanetan, ELAk eta LABek duela hamar urte erabaki zuten gune hori uztea, mahai horiek ez dutelako edukirik, eta enpresarien eta gobernuen neurrira egindakoak direlako. Igeregi eta Muñoaren ustez hori lotuta dago gaur egungo EH Bilduren moderatze instituzionalarekin, zeinak LABen ere eragina duen. Estrategia berri horretan, diotenez, euskal gehiengo sindikala dagoeneko ez da lehentasunetako bat.
Autonomia sindikala
Funtsean, hori litzateke ELAren ustez bi sindikatuen aldentzearen arrazoi nagusia. ELAren ustez, haiek autonomia sindikala ulertzeko moduak mugarik gabeko kontraboterea ahalbidetzen du: autonomiarik gabe ez dago kontrabotererik. Eta autonomiaz ari direnean, funtsean ELAK erreferentzia egiten die LABk Sortu eta EH Bildurekin dituen loturei.
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Berriz hasi dira laborarien manifestaldiak frantses estatu guzian. Sindikatu desberdinek aldarrikapenak hedatzen badituzte ere, entzun den lehena eta komunikabide nagusietan gomit izan dena, FNSEA "nagusia" izan da. Zer du saltzeko? Gezur andana bat ahal bezainbat boz... [+]
Botere sindikalaren inguruko bigarren azterlana argitaratu du Ipar Hegoa fundazioak. 2016an argitaratu zuen lehena eta, beraz, orain 2016 eta 2023 arteko eboluzioa ikus daiteke. Ondorio nagusien berri emateko prentsa agerraldia egin dute ostiral honetan LABeko koordinatzaile... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]
Grebak 27 egun iraungo ditu, urtarrilaren 6 arte. Gutxieneko soldata kobratzeko “365 egunez eta 24 orduz” lan-baldintza “jasanezinetan” lan egiten dutela salatu dute, eta lanaldiaren benetako zenbaketa egin dezan exijitu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.