“Udal gobernuaren esku dago Azkarateko hondakin gunearekin amaitzea”
Azkoitiko Maxixatzen hedabideak eman du albistea apirilaren 15ean. Azkoitiko EH Bilduk ohar bidez azaldu du Azkaraten hondakin gunea egin ahal izateko herriko arau subsidiarioak "aldatu" behar direla, gunea egin behar duten lurrak ez direlako "urbanizagarriak". Halaber, Javier Zubizarreta alkateak egindako adierazpenak ez ditu "ontzat" hartu koalizioak, eta hondakin guneari "planto" egiteko eskatu dio.
Azkoitiko EH Bilduk ohar bidez jakinarazi du Azkaraten egitekoak diren hondakin gunea aurrera eraman ahal izateko Azkoitiko arau subsidiarioak "aldatu" behar direla. Azken egunetan "ahalik eta informazio gehien" biltzen aritu dela azaldu du EH Bilduk, eta gaia aztertu ondoren eman ditu azken azalpenak. Koalizioak, bestalde, nabarmendu du gaur gaurkoz Azkarateko lur horiek ez direla "urbanizagarriak", eta aldaketa horiek egin ahal izateko udal plenoak onartu behar dituela "nahitaez".
Horri lotuta, Javier Zubizarreta Azkoitiko alkateak azken egunetan egindako adierazpenak ez ditu "ontzat hartu" koalizioak. "Lizentzia eman besterik ezin duela egin adierazi du alkateak, eta hori ez da horrela. Arau subsidiarioan aldaketa ez egitea aukera dezakete; beraz, proiektua geratzea posible da", nabarmendu du. Herriari "egia" esateko eta hondakin guneari "planto" egiteko eskatu du EH Bilduk, horretarako behar diren arau subsidiarioak "ez aldatuz".
EH Bilduk, gainera, adierazi du hondakin gunea egitekoak diren lurretan "baimenik gabeko lanak egiten ari diren susmoa" duela. "Jasotako eta aztertutako informazioak hori ematen dute aditzera", adierazi du. Hori horrela bada, lanak "berehala eteteko" eskatu du EH Bilduk. Koalizioak jakitera eman du, bestalde, erregistroan eskaera ofiziala egin diola Azkoitiko alkateari, "berehala" lanen ikuskaritza bat egiteko eta baimenik gabeko lanak baleude horiek "gelditzeko" eskatuz. EH Bilduk, gainera, dagokionaren aurka hartu beharreko "neurri zuzentzaileak" hartzeko eskatu du. "Oso larria izango litzateke horrelako instalazio baten lanak baimenik gabe hastea; udalaren ardura da hori zaintzea eta lan horien gainean egotea", nabarmendu du EH Bilduk.
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]
Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]
Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]
4.500 herritarrek eta Bergarako Udalak jarritako helegiteei muzin egitea egotzi dio Larramendiko Arnasa plataformak Eusko Jaurlaritzari eta manifestazioa antolatu du erraustegi proiektuaren aurka hilaren 19an, igandearekin.
Errausketaren Aurkako Mugimenduak eragile anitzen babesarekin antolatuta, martxa girotu batek Lasarte-Oria eta Zubietako erraustegia lotu ditu larunbat honetan.
Astearte honetan jakinarazi du albistea Bergarako Udalak, baina dioenez Jaurlaritzaren ebazpenak ez die erantzuten baimenik ez emateko udalaren argudioei eta helegitea jarriko dio Ingurumen Iraunkortasuneko Sailburuordetzaren ebazpenari.
Udalaren eta Behemendi elkartearen arteko elkarlanaren fruitu da ekimena. Herrian sortutako hondakin organikoaren zati bat Lartzandieta baserrian konpostatzen hasi dira.
Valogreene Paper BC SM enpresari emandako hirigintza-bateragarritasunari buruzko txostena baliogabetu du Bergarako Udalak, aipatutako txostena egiteko adierazitako jarduera ez datorrelako bat ez ingurumen-baimen integratua lortzeko proiektuan jaso den jarduerarekin, ezta... [+]
Eguzki Talde Ekologistak Donostiako gaikako hondakinen 2020ko San Marko Mankomunitateko datuak aztertu ditu. Azkenaldian, herritarrak kontzientziatzeko birziklapenaren aldeko kanpainak ugaltzen ari direla dio taldeak, baina “itxurakeria” eta... [+]
Zabortegien edukiera bikoiztu egin beharko da EAEn 2030 urtera arteko epean, Eusko Jaurlaritzak aitortu duenez. Horri aurre egiteko hainbat proiektu daude mahai gainean, egungo zabortegiak handitu eta berriak irekitzeko, hala jaso du Berria egunkariak.