EH Bai Frantziako Legebiltzarrari so, “Euskal Herriko borroka eta alternatibei ahotsa” eman nahian
Ipar Euskal Herriko hiru hautesbarrutietan aurkezten da ezkerreko koalizio abertzalea. Egoitz Urrutikoetxea izanen da 4. hautesbarrutiko hautagaia, Terexa Lekunberri duela ordezko; 5. bozka eremuan Mathilde Hary, Sylvain Aime duela ordezko; eta 6. eremuan Peio Dufau, ondoan duela Françoise Gallois.
"EH Baiko diputatuak lortzea Parisen Ipar Euskal Herriaren ahotsa segurtatzea da. Azken bost urteetan, Korsikako hiru diputatuek zein Paul Molacek erakutsi bezala, garrantzitsua da bertakoen interesak defendituko dituzten diputatuak lortzea". Arrazoi hori argudiatuta dabil ezkerreko koalizio abertzalea Frantziako Legebiltzarrerako hauteskundeei begira.
Ekainaren 12 eta 19an iraganen dira, eta Lapurdi, Nafarroa Beherea eta Zuberoari dagokionez, hautagaitzak aurkezten ditu aldi honetan ere EH Bai-k. Egoitz Urrutikoetxea izanen da 4. hautesbarrutiko hautagaia, Terexa Lekunberri duela ordezko; 5. bozka eremuan Mathilde Hary, Sylvain Aime duela ordezko; eta 6. eremuan Peio Dufau, ondoan duela Françoise Gallois. "Ipar Euskal Herrian eramaten diren borroka eta alternatiba guztiei ahotsa ematea" du helburu hautagaitza abertzaleak.
Programa aurkezterakoan, klima larrialdia lehentasunetan dutela iragarri dute, eta etxebizitzaren arazoa ere dute esku artean harturik. Horrez gain, gatazka politikoaren konponketa zein euskara, Euskal Herriko auziak lehen lerroan kokatzen ditu EH Bai-k. Ezkerretik eramanen du bere kanpaina: "Gizarte-emantzipazioaren aldeko beste neurri batzuk ere defendatuko ditu EH Bai-k, guztiok bizitza duina izateko eskubidea, askatasun indibidual eta kolektiboak errespetatuz".
Gaur egun eta 2002az geroztik, Jean Lassalle da diputatu 4. hautesbarrutian –Behe Nafarroa, Zuberoa eta Biarnoaren zati bat– ; Florence Lasserre 5. eremuan –Angelu, Baiona, Hiriburu, Bastida eta Bidaxuneko kantonamenduak–, aitzineko hauteskundeetan garaipena lorturik; eta Vincent Bru 6. hautesbarrutian –Miarritze, Ezpeleta, Hendaia, Ezpeleta eta Donibane Lohizuneko kantonamenduak–, berdin, 2017az geroztik. Azken biak Emmanuel Macron Frantziako lehendakariaren alderdikoak dira.
2017an ere aurkeztu zen EH Bai eta 4. hautesbarrutian botoen %8,51 jaso zuen (3.912 boz); 5. eremuan %5,66 (2.675 boz) eta 6. hautesbarrutian botoen %12 (6.191 boz).
Ttipi-ttipia nintzenean Le Penek bi boto biltzen zituen ene sorterrian. Hauteskunde oro bi boto, eta bistan da, ehun bat biztanleko –75 bat hautesle– herria izanik, bagenekien zein etxetakoak ziren. Hauteskundeak jin hauteskundeak joan, 2002an ere bi zituen, lehen... [+]
Jean-Luc Melenchonen Frantzia Intsumisoa alderdiak akordioa lortu du Europa Ekologia Berdeak alderdi ekologistarekin, Alderdi Komunistarekin eta Alderdi Sozialistarekin. Baturik aurkeztu behar lukete beraz Legebiltzarrerako hauteskundeetan, gehiengoa lortzeko bidea irekiz.
Ekainaren 12 eta 19an iraganen dira Frantziako Legebiltzarreko hauteskundeak. Orain arte Emmanuel Macronen Gobernuak zuen hor ere gehiengoa, eta xede zituen erreformak aitzina eraman ahal izan ditu azken bost urteetan. Bere politika neoliberala blokeatzeko asmoz, bozketa horiek... [+]
Frantziako lehendakaritzarako bigarren itzulia irabazi du orain arteko presidenteak, botoen %58,6 lorturik, 2017ko bigarren itzuliari alderatuz, ia bi milioi boto galdu arren. Parean zuen eskuin muturreko Marine Le Pen, hauteskundez hauteskunde indartuz doana –duela bost... [+]
Frantziako hauteskundeen bigarren itzulian abstentziorako hautua azaldu zuen kazetarien aurrean Lassalle Zuberoa eta Baxenabarreko diputatuak.
Botoen %58,2 lorturik, Frantziako presidentzialetarako hauteskundeak irabazi ditu Macronek. Parean, eskuin muturreko Marine Le Penek %41,8 lortu du, duela bost urte baino ia zortzi puntu gehiago. Abstentzioa %28,2koa izan da, 1969az geroztik ez zen ikusi parte hartze hain apala... [+]
"Eskuin muturrari ez, justizia eta berdintasunaren alde" leloa lehen lerroan jarri eta ostegunean manifestazioa antolatu dute CGT, FSU, Solidaires, Solidaires Etudiant eta SAF sindikatuek, arrazakeriaren kontrako MRAP mugimenduak, Giza Eskubideen Ligak, Ligue de... [+]
Duela bost urtekoa errepikatuko da apirilaren 24an: Emmanuel Macronen eta Marine Le Penen artean izanen da lehia. Haatik, lehen itzuliko emaitzei begiratuz gero, aurreikustekoa da alde estuagoa izanen dela bien artean.
Ipar Euskal Herrian ere lehen atera da Emmanuel Macron, botoen %28,7 jasot. Haatik, Frantziako Estatuan ez bezala, Jean-Luc Melenchon kokatu da bigarren, %18,26 eginik, eta hirugarren, berriz, eskuin muturreko Marine Le Pen –botoen %15,67 jasota–.