Eguzkiak etxebizitza erre du
Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.
Eguraldiak pista gutxi eman dizkigun arren, udara iritsi da. Agian sumatuko zenuen zure auzoko kaleetan barrena. Batez ere Euskal Herriko kostaldeko herri bateko bizilaguna bazara. Eta ez, ez naiz ari festa giroaz edo jendearen umore hobeaz. Urtetik urtera ageriagoa den beste faktore batez ari naiz. Konturatuko zinen turistak herrira iristen ari direla edo agian, hilabete guztietan ikusten dituzunez, ez duzu aldaketarik igarri. Edozein kasutan, hor daude berriz ere, neurrigabeko prezioak dituzten apartamentu turistiko eta hotelak betetzen. Eta zu gurasoen etxean, etsita, hotel konpainia handiek eta espekulatzaileek alokairua puzten duten bitartean.
Etxetik atera zara eta eskaileretan behera zindoazela maletak eskuetan zituen familia batekin egin duzu topo. Urteak dira lehenengo pisuan bizi zen bizilaguna hil zela eta seme-alabak etxea Airbnb-n iragartzen hasi dira. “Apartamento moderno y luminoso. Barato para la zona”, diote Interneten. Eta 30 urtetan erreformatu ez den etxe horretan modernoena ipurdidun telebista izango da. Argitsua, agian, lanparak piztean, eta merkea... hori oso subjektiboa dela esango dizute. “Es el mercado, amigos”, Rodrigo Rato bankariak esaten zuen bezala. Hala ere, ez izan jabeekin gogorrak, Interneten dena pixka bat apaindu behar baita. Eta gogorrak bazarete ere, ez dira gehiegi kezkatuko. Uda guztia beteta. Portalera jaitsi eta hor ikusi duzu: VT kartela, 'vivienda turística', alegia.
Taberna ostatu bihurtu da. Gau eta egun kafe eta kañak zerbitzatzetik, oheak jarri eta ia autozerbitzu bat eskaintzera. Ez da negozio makala
Herritik paseatzen ari zarela, orain dela hilabete batzuk itxi zuten tabernan mugimendua dagoela ikusi duzu. Gerturatu eta irekita zegoen leiho batetik burua sartzeko tentazioa izan duzu: gazte kuadrilla bat literen artean motxilak prestatzen. Taberna ostatu bihurtu da. Gau eta egun kafe eta kañak zerbitzatzetik, oheak jarri eta ia autozerbitzu bat eskaintzera. Ez da negozio makala. Kalean aurrera jarraitu, eta antzeko kasu bat antzeman duzu liburu denda zen horretan. Ate alboan teklatu bat du kode bitartez sartzeko. Horrek agian ez du langilerik ere izango.
Dagoeneko kontziente zara herriaren etorkizuna ekonomia turistikoaren esku dagoela. Ixten den edozein denda edo taberna hotel edo ostatu bihurtzen dela eta denak betetzen direla. Hori gutxi balitz bezala, geroz eta atari gehiagok dute VT plaka. Hasieran alde zaharretan edo herriko kale nagusietan. Orain auzotara zabaldu den plaga bat da. Eta bizilagunak ez daude pozik, baina zer egin dezakete? Gauza gutxi. Hutsik geratzen den etxebizitza bakoitza, errentagarritasun handiena lortzearen lasterketan sartzen da. Zertarako eskaini denbora luzeko eta prezio zentzuduneko alokairu bat udan kontu korrontea bete badezakete?
Hutsik geratzen den etxebizitza bakoitza, errentagarritasun handiena lortzearen lasterketan sartzen da. Zertarako eskaini denbora luzeko eta prezio zentzuduneko alokairu bat udan kontu korrontea bete badezakete?
Hori nahikoa ez dela, eta eraikitzen ari diren auzo berritik pasa zara. Aurreko urtean 300.000 euroko etxebizitza babestuen zozketan izena eman zenuen baina ez duzu zorterik izan. Zorte gutxi eta merkatu askeko 600.000 euroko pisu bat erosteko dirua oraindik eta gutxiago. Hala ere, etxeen alboan eremu huts handi bat dago. Hor eraikiko al dute zure etorkizuneko etxea? Ez. Hor sei solairuko hotel bat joango da, eta atikoan igerileku bat jarriko dute gauaren prezioa 300 eurotara iristeko. Zure herrian bizitza-proiektu bat egiteko aukerak itxaron beharko du. Agian, bizitza guztia egongo zara itxaroten.
Ibilbide luze honetan herriko plazara iritsi zara. Eta hor dago kuadrilla osoa. Gehienak gurasoen etxetik atera gabe eta besteren bat gurasoen laguntzaz lortutako etxeren batean. Hala ere, ez dute kezka handirik honen inguruan. “Lortuko dugu BOEren bat, lortuko dugu dirua etxea erosteko”. Bai, 1.200 euroko soldatarekin bi bizitza beharko zenituzke jabe izatera heltzeko. Ez dago kontzientziarik, ez dago kexarako gogorik. Beste gai bat dago gaurkoan. “3 eurotara igo didate zerbeza eta zerbitzariak udarako prezioa omen dela esan dit, lotsa gutxi daukate”. Merkatua da, lagunok.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]
Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.
Ez dugu gobernari ordezko baliogarririk sistema pendular hau aldatzen ez... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Zertarako irakaskuntza kontzertatua?
Eskola publikoko eragile gehienen kontra EAEn onartu den Hezkuntza Lege berriak irakaskuntza kontzertatuaren doakotasuna bermatzea du helburu, beti ere botere publikoen finantzaketaren bidez, jakina. Espainiako Estatuan ere gobernukideek... [+]
Azaroaren 15ean Errenteria-Oreretan Euskal Herria Digitala osatzen dugun eragileek antolatutako hirugarren jardunaldiak egingo ditugu. Autodefentsa digital feminista lantzeko tailer bat eta digitalizazio demokratikoa oinarri izango duen hitzaldi bat izango dira... [+]
Aste batzuk daramatzagu hedabide eta sare sozial guztietan Iñigo Errejoni indarkeria matxista batzuengatik egindako akusazioei buruzko iritziak entzuten. Horrekin batera, eztabaida asko sortzen ari dira: nola salatu behar dugun emakumeok, nolakoak izan behar duten gure... [+]
Badira hauteskundeek erabaki politikoei legezko izaera emateko baino ez dutela balio diotenak. Eta ez dira gutxi horrela pentsatzen dutenak. Bale, baina horrekin gauza asko esaten dira, besteak beste, benetako agintea, boterea, joko horretatik kanpo dagoela.
Baina –nire... [+]
Azken hamarkadotan euskalgintzan jardun izan dut, dela helduen euskalduntzean AEKn, dela hizkuntza-eskubideen defentsan Behatokian, dela euskararen normalizazioaren alde Euskalgintzaren Kontseiluan. Den-denetan egokitu zait euskalgintza edota herrigintza auzitan jartzen zutenen... [+]