Egungo trenbideak egokitzea eskatu dute Añanako bizilagunek, Burgos-Gasteiz AHTren aurrean
Burgos-Gasteiz AHT linearen proiektuaren ingurumen inpaktuaren adierazpena aste honetan argitaratu dute BOEn. Horren aurrean, Arabako Haranetako AHTrik Ez plataformak trenbide konbentzionalak egokitzeko eskaera berretsi du.
Espainiako Gobernuko Trantsizio Ekologikoaren eta Erronka Demografikoaren Ministerioak Burgos-Gasteiz Abiadura Handiko Linea proiektuaren ingurumen inpaktuaren adierazpena argitaratu berri du Estatuko Aldizkari Ofizialean (BOE). Horrela, 2018ko azaroan abiatutako ingurumen ebaluazioko prozedura amaitu da.
Hortaz, Garraio, Mugikortasun eta Hiri Agenda Ministerioak informazio azterlana behin betiko onar dezan aurretiko azken izapidea bete da. Behin betiko onespen horrekin amaituko da plangintza fasea, eta, orduan, obren proiekturako eta lanak gauzatzeko fasea hasiko da.
Azken urteetan plazaratutako kritiken ildotik, Arabako Haranetako AHTrik Ez, tren sozialari bai plataformak "makro-azpiegitura horren zentzugabekeria" salatu du, "benetako alternatiba bat" dagoela aldarrikatuz: trenbide konbentzionalen egokitzapena, alegia. Trenbide-sektoreko sindikatu guztiek eta Burgos-Gasteiz lineak kaltetutako zonaldeetako AHTren aurkako herri plataformek maiatzean aurkeztu zuten proposamen alternatibo horren inguruko akordioa; besteak beste, Bureba Etorkizuna Da, Miranda Trenbidearen Defentsan eta AHTrik Ez Arabako Haranak plataformek babestu zuten proposamena.
Gainera, proposamena bat dator Ingurumen Ministerioak eta Garraio, Mugikortasun eta Hiri Agenda Ministerioak defendatzen duten ildoarekin. Hugo Moran estatu idazkariak berak ziurtatu zuen Ministerioaren "planteamendu estrategikoa" egungo azpiegiturak hobetzea eta egokitzea dela. Gaur egun, apustu hori egin dute Castejon-Logroño eta Teruel-Zaragoza tarteetan (azken horretan 250 kilometro orduko abiadura lortuz), baita Hendaia eta Bordele artean ere, korridore atlantikoaren barruan. "Zati horietan, lehendik zeuden trenbideak egokitzen eta hobetzen ari dira, trenbide korridore paralelo berria eraiki ordez", azpimarratu du AHTren aurkako plataformak.
"Ingurumen inpaktua ahalik eta gehien murriztuko lukeen irtenbide bat da", aldarrikatu dute Añanako bizilagunek. "Izan ere, azpiegitura korridore antropizatu batean mantenduko litzateke, non paisaiak trenaren egungo ibilbidea barneratu duen. Trenbide autobide paralelo bat eraikitzea, milaka milioi euro gastatuz, eskala handiko ustelkeria da. Eta hori planteatzen ari da PSOE eta Podemosen koalizio gobernua, ezkerreko alderdiek lagunduta, Eusko Jaurlaritzarekin batera".
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Atxik Berrituz giristino taldeak Kristauak Euskal Herriko bake prozesuan liburua argitaratu du Maiatz argitaletxearekin. Giristinoek euskal bake prozesuan zer nolako engaiamendua ukan duten irakur daiteke, lekukotasunen bidez.
Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko... [+]
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
EH Bilduk aurkeztutako mozioa onartu dute osoko bilkuran. Udalak egitasmoa sustatzen duen enpresari, Cañaveras Solarri eskatu dio proiektuak ez ditzala hartu balio estrategiko handiko gisa kalifikatutako nekazaritza lurrak, eta gune populatuetatik gutxienez 500 metroko... [+]
Duela egun batzuk iragarri zuen Puntueu-ek La Ligaren blokeoak euskal domeinuei eragiten dien kaltea monitorizatuko zuela. Asteburu honetan izan dira partiduak, hain zuzen, eta monitorizazioaren datuak hor daude, penagarriak dira.
