“Egungo eredu kapitalista gainditzea ezinbestekoa da larrialdi ekologiko eta energetikoari aterabide bat aurkitzeko”
Gizartean gatazka sortzen duten proiektuak jai bezperetan onartzeko ohiturari jarraituz, abenduaren 20an onartu du Eusko Jaurlaritzak Energia Berriztagarrien Lurralde Plan Sektorialaren "behin behineko bertsioa". EH Bizirik-ek elkarretaratzea egin du Jaurlaritzaren aurrean abenduaren 23an eta hauek izan dira bere lehen hitzak: "Onartezina da herriaren ordezkari moduan lan egin beharko zenuten politikari profesionalok, beste behin, enpresen interesak lehenetsi izana energia bezalako arlo garrantzitsu batean".
Klima larrialdiari urgentziaz erantzuteko argudiopean ari da Eusko Jaurlaritza makroberriztagarriak sustatzen: bere logikaren arabera, argindar asko ekoitzi behar da eta aldi berean teknologia garatu behar da fosilean oinarritutako makinaria guztia elektrifikatzeko eta ondorioz, CO2 emisioak murrizteko. EH Bizirikek prentsaurrekoan adierazi du klima larrialdia "aitzakia" moduan darabilela Jaurlaritzak eta oroitarazi du Nafarroan bistan daudela orain Jaurlaritza proposatzen ari den bide horren emaitzak: "Nafarroan, dimentsio honetako 'berriztagarrien' zabalpenak berarekin dakarren lurraldearen suntsiketaz gain, ez dira egindako promesak bete; gaur egun herritarrek ez dituzte elektrizitatea eskuratzeko baldintza hobeak, Nafarroako hidrokarburoen kontsumoak gora egin du eta honekin batera CO2 isuriak. Horri gehitu behar zaio zaharkituak gelditzear dauden zenbait zentral eolikoren arazoa, ez baitago argi zein izango den emango zaien aterabidea. Beraz, argi dago aldaketa klimatikoari konponbide bat ematetik eta ongizate sozialerako aurrerapauso izatetik oso urrun gelditu dela Nafarroako lurralde plangintza".
Zentzu horretan, EH Bizirikek nabarmendu du plangintza hau aukera galdu bat dela: "Plangintza hau egun dugun larrialdi ekologikoari bere osotasunean aurre egiteko denbora eta baliabide xahuketa izugarria da. Onartu berri duten Lurralde Plan Sektorialak, enpresek makroproiektuak ezartzeko erraztasun gehiago izatearekin batera, lurraldearen suntsiketa eta herritarron bizi kalitatearen galera dakartza".
"Krisi ekonomikoari aurre egiteko modu bat da makroproiektuen 'inposaketa' hau"
EH Bizirikek prentsaurrekoan aditzera eman du Jaurlaritzak onartu berri duen berriztagarrien planaren helburua ez dela hainbeste klima larrialdiari aterabidea ematea, baizik jarduera ekonomikoa sustatzea: "Plan hau egun bizi dugun krisi ekonomikoarekin zuzenki loturik dago, eta zailtasun ekonomiko hauei aterabidea emateko saiakera moduan ulertu behar dugu makroproiektuen inposaketa hau". Plataformaren ustez, plana onartu duten alderdi politikoen asmoa horixe da: "makro mailako 'berriztagarrien' zabalpen bizkor eta masiboa emateko baldintzak ezartzea".
Makroberriztagarriak sustatzen dituen plana "aurkakotasun garbiko" giro sozialean onartu izana "onartezina" dela salatu du EH Bizirikek eta horren adibidetzat jarri du duela bi hilabete Gasteizen egin zuten manifestazio jendetsua.
Jaurlaritzaren planteamenduaren kontrako norabidean, eredua bera auzitan jartzea da klima larrialdiari aterabidea bilatzeko modua, EH Biziriken ustez: "Egungo eredu ekonomiko kapitalista gainditzea ezinbestekoa dela deritzogu, modu honetan soilik lortuko baitugu egungo larrialdi ekologiko eta energetikoari aterabide bat aurkitzea".
Martxoaren 22an manifestazio nazionala Gasteizen
Energia Berriztagarrien Lurralde Plan Sektoriala "bertan behera uztea exijitzeko eta egungo eredu ekonomikoa gainditu beharra aldarrikatzeko", manifestazio nazionala deitu du EH Bizirikek martxoaren 22an Gasteizen.
Gazpromekin zuen kontratua ez du berritu Volodymyr Zelenskyren gobernuak eta, asteazken goizean, Europa ekialdea hornitzeko gasaren fluxua eten du errusiar konpainiak.
Balio digu ilunabarrarekin azken erretratu hori ateratzeko. Edo istant batean ordaintzeko barrako zerbitzariari eskatu berri diogun marianitoa. Eta ze arraio, Levi’sak imitatu nahi dituzten praken atzealdeko poltsikoan ezin hobeto datoz. Horretarako ere balio du... [+]
Centre Tricontinental erakundeak kongoarren erresistentzia historikoa deskribatu du The Congolese Fight for Their Own Wealth (Kongoko herriak bere aberastasunaren alde borrokan dihardu) dosierrean (2024ko uztaila, 77. zk). Kolonialismo garaian, Belgikako Force Publique-k... [+]
Azaroaren 25ean hasi eta abenduaren 1era arte iraunen du Hego Koreako Busan hirian aitzina doan gailurrak. Petrolio ekoizle diren estatuak eta beraien lobbyak oztopoak jartzen dabiltza, ekoizpenaren mugatzerik ez dutelako nahi.
Sustrai Erakuntza fundazioak desazkundeari buruzko jardunaldiak egin zituen Iruñean urriaren amaieran. Han eman zuen hitzaldia Luis González Reyesek (Madril, 1974). Adrián Almazánekin batera 2023an argitaratutako liburua izan zuen oinarri:... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
Code Rouge mugimenduko ekintzaileek hainbatetan salatu dutenez, irabazi geroz eta handiagoak lortzearren Total Energies enpresak ingurumena kutsatu eta lekuko komunitateak kaltetzen ditu. Horregatik blokeatu dute Belgikako Feluy hirian duen fabrika, eta protestak egin dituzte... [+]
Azkenaldian bestelako argumentuak landu dizkigute, Euskal Herriko inguruetan makroproiektuak beharrezkoak direla konbentzitu gaitezen. Erakusgarria iruditu zitzaidan honekiko, Bizkaiko EHNEren webgunean Jauzi Ekosoziala ekimeneko partaide bati argitaraturiko artikulua: "Por... [+]
Joan den irailaren 3an, Nafarroako Aldizkari Ofizialean argitaratu zen Nafarroako Gobernuak Nafarroako Energia Planaren eguneraketa publiko jarri duela. Urrats garrantzitsua izan beharko luke horrek gure komunitatearen etorkizunerako, energiak zein beronen erabilerak gure... [+]
Nafarroako Energia Eraldatzen poligono berriztagarri handien aurkako koordinadorak trantsizio energetikoa birpentsatzeko hirugarren jardunaldien deialdia da. Topaketa horietan, energiaren arazoa eta gizarte egituraren desazkundearen beharrari buruz hausnartuko dute.
Dagoeneko ez dakit bero olatuek burmuina kolpatuta gauden, betiko hipokrisia den edo logika sistemiko hutsa den, baina dakigunaren, esaten dugunaren eta egiten dugunaren arteko arrakalak, kezkaz haratago, harridura ere sortzen dit, batez ere uda giroan. Albisteak, ikerketak,... [+]
Espainiako Sare Elektrikoak jakinarazi berri du ekaineko elektrizitate kontsumoa zein izan zen Espainiako Estatuan: 19.422 gigawat orduko. Hau da, 2004ko datuaren oso antzekoa: orduan 19.384 gigawat izan ziren.
Zigoitian 100 hektareako parke fotovoltaikoa eraiki nahi du Solariak, eta eskualdea gurutzatuko luke oso goi tentsioko linea batek ere. Urkabustaiz, Zigoitia eta Zuiako bizilagunek herritarren 5.540 helegite aurkeztu dituzte ingurua “mehatxatzen duten proiektuak gelditzeko... [+]