Euskaldunen komunitatera iristeko sustapen-tresna
ARGIA 2020ko Internet Saria babesle guztiei eskaini die Maite Rementeriak CodeSintax enpresako lantaldearen izenean. "Aste bakoitzeko sariak ematen zenbait ekimen izan ditugu sustatzaile, batzuk komertzialak, eta besteak herri-ekimenak, eta uste dugu komunikazio-bisibilitatea emateko tresna berri bat dugula esku artean; euskaldunen komunitatera iristeko sustapen-tresna bat izan daitekeela Egunean Behin jokoa".
Iazko udan 10.000 erabiltzaile zituen Egunean Behin jokoak, eta urtea amaitu zenerako, 60.000 lagunek jokatu dute. Argi dago zergatik, Rementeriaren hitzetan, "erabiltzaileak izan dira gure komunikatzaileak, ahoz ahoko prozesu bat izan da hau".
Galdera bat luzatu du Rementeriak: "Jarraituko ote dugu poz txiki bat ematen, egunean behin behintzat, dozenaka milaka laguni euskarazko kulturaren inguruko joko batekin? Asmoa horixe dugu, ea zortea dugun".
Jokoa berriro martxan jarriko da astelehenean, otsailaren 3an.
Usurbilgo Atxega jatetxean bazkaldu ostean, 2019an ARGIAren mendeurrena ospatzeko egin ditugun ekitaldien bideoa ikusi dugu, eta jarraian ARGIAko lantaldearen izenean diskurtsoa irakurri du Mikel Garcia Idiakez lankideak. Ondoren banatu ditugu ARGIA Sariak.
“Gladys eta antinuklearrez hitz egitea Euskal Herriko konplexutasunaz hitz egitea da”
Argia Sariek emandako aukera aprobetxatu nahi izan dute apustu-etxeen aurkako mugimenduko eragileek, euren mezua zabaltzeko: "Borrokan jarraitzea da arazoa amaitzeko bidea".
Hankak Lurrin irratsaioa, irizpiderik gabe, prestakuntzarik gabe, seriotasunik gabe, lanketarik gabe, ordenarik eta txukuntasunik gabe, teknikoa kristal baten atzera kondenatu gabe, eta ia nahi gabe egiten dela HL, eta saririk gabe ere berdin-berdin egingo zela, eta egingo dela... [+]
"Kultura egin nahi genuen, baina instituzio eta abarretatik esan ziguten behin eta berriz ezetz, gu ez ginela kultura, gu feriante ginela; azkenean feriante izatea erabaki genuen, eta oso pozik gaude –adierazi du Iker Galartzak umoretsu, saria... [+]
Bazkaldu baino lehen familia argazkia Atxega jauregiaren atarian. Familia argazkiaz gain, Argia Sarien ospakizuneko argazki-erreportajea egin du Dani Blancok.