Eguberrietan hamar pertsona arteko bilkurak eta erkidegoen arteko mugikortasuna baimentzea proposatuko du Eusko Jaurlaritzak
Abenduaren 24, 25, 31 eta urtarrilaren 1 eta 6an pertsonak biltzeko muga seitik hamarrera igotzea eskatuko du Jaurlaritzak, baita abenduaren 24an eta 31n etxeratze agindua 1:00 arte luzatzea ere. "Gabonetarako" herrien mugikortasuna ahalbidetzea ere proposatuko du, baina ez du zehaztu ospakizun egun zehatz horietarako izango den, edo aste osorako. Abenduaren 9an berrikusiko dituzte egun indarrean dauden neurriak.
Azaroaren 30 arratsaldean egin dute Urkullu buru duen Babes Zibileko Planaren (LABi) Aholku Batzordearen bilera. Bilera osteko prentsaurrekoan Eusko Jaurlaritzako Osasun sailburu Miren Gotzone Sagarduik jakinarazi du asteazkeneko erkidegoen arteko bilerara proposamen bat eramango duela Eusko Jaurlaritzak.
Eguberrietan salbuespenak
Batetik, abenduaren 24, 25 eta 31n eta urtarrilaren 1 eta 6an pertsonak biltzeko muga seitik hamarrera igotzea proposatuko du Jaurlaritzak. Bestetik, abenduaren 24an eta 31n etxeratze agindua 01:00ak arte luzatzeko aukera planteatuko du. Herrien mugikortasun mugak kentzea ere proposatuko du, baina ez du zehaztu ospakizun egun horietan soilik edo aste osoan ahalbidetzea nahi duen. Neurri horiek estatu mailan adostu behar direla azaldu du sailburuak.
Gainontzeko neurriak eguberrietan indarrean mantentzearen aldekoa da Jaurlaritza Sagarduiren hitzetan, erkidego bakoitzak bere errealitatearen arabera moldaketak egiteko gaitasuna izanik. Besteak beste, komertzioari, azokei, zaharren egoitzei edo ostalaritzari begirakoak.
Abenduaren 9an berrikusiko dituzte neurriak
LABi batzordea abenduaren 9an bilduko da berriz, eta orduan erabakiko du egungo neurriak moldatu edo ez. Bitartean debeku eta mugak mantenduko dira kultur aretoentzako, kirol jarduerentzako, herrien arteko mugikortasunerako, ostalaritzarako edo etxeratze agindurako. Saltokiei begirako neurriak moldatuko direla aurreratu du, edonola ere: 150 metro koadro baino gehiagokoentzako gehienezko edukiera %60koa izango da; metro koadro gutxiagokoentzako, %75ekoa.
Hobekuntza bai, baina ez nahikoa
Sagarduik batzordeak egoeraz egin duen analisia laburbildu du: “Ongi goaz, baina ez gaude ongi. Egoerak kezkagarria izaten jarraitzen du”. Kutsatze datuek hobera egin dutela azaldu du, baina ospitaletan eta ZIUetan oraindik ere herritar gehiegi dagoela ingresatuta.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.