Egoitzatik kanporatua izan da Donostiako Goizaldi dantzari taldea berriz ere
70 urtez bere egoitza izan den lokaletik kanporatu dute Donostiako Goizaldi dantzari taldea. Easo kalean, Francisco Escudero Musika Kontserbatorioak darabilen eraikin berean dago Goizaldi dantza taldearen lokala. Bart sarrailak aldatuta aurkitu dituzte Goizaldiko dantzariek.
Goizaldi dantza taldeak jakinarazi duenez "Abokatuaren bidez, gure lokalerako sarrera oztopatzeko eskumenik ez zuela adierazi" zioten Kontserbatorioko zuzendaritzari, baina hala ere, sarrailak aldatu eta kalean utzi dituzte dantzariak.
1948tik bertan
Goizaldi 1948an sortu zen eta bere sorrera aktaren lerroetan dagoeneko egoitza honi egiten zaio erreferentzia:
"Dos de febrero de 1948, lunes, en los bajos del Conservatorio Municipal de Música, situado en la calle Víctor Pradera n.º 39, hemos comenzado a aprender las danzas populares de Goyerri, conforme a las reglas de baile establecidas por Juan Ignacio de Iztueta en su libro «Gipuzkoa'ko Dantzak», editado en 1824, en la Imprenta Baroja, de San Sebastián."
Bere sorrera unetik beraz, 71 urtez, horixe izan du bere egoitza Goizaldi dantzari taldeak. Dantzarako gelaz gain, bertan izan ditu Goizaldik jantziak, tresnak eta baita bulegoa ere, Donostiako dantza talde adierazgarri honen historia biltzen duen artxiboa barne. Ez da hau lehen aldia Kontserbatorioa Goizaldi bere lokaletik kanporatzen saiatzen dena.
2004 eta 2005eko kanporatzeak
Orain 15 urte ere Musika Kontserbatorioak Goizaldi bere lokaletik kanporatzeko ahalegina egin zuen. 2004ko ekainean, Kontserbatorioaren zuzendaritzak sarrailak aldatu zituen abisurik gabe. Eusko Jaurlaritzaren ordezkaritzak esku hartu behar izan zuen Goizaldik bere lokala berreskuratu ahal izateko. Izan ere, eraikina udalarena bada ere, 1998tik Eusko Jaurlaritzaren esku utzi zuen udalak. 2005eko otsailean berriz ekin zion Kontserbatorioak, material eta tresnak lokaleko bazter batean pilatu zituen eta Goizaldiko kideei sarrera debekatu zien. Borroka gogor eginez, kalean agerraldiak eta dantzaldiak eginez, eta Eusko Jaurlaritzaren bitartekaritzarekin lortu zuten berreskuratzea lokala.
Francisco Escudero musika kontserbatorioak eraikinaren egoera kaskarra salatu du azken urteotan. Kabitu ezinda, insonorizazio egokirik gabe, entzutokirik gabe, irisgarritasun arazoak,... eraikinak ez ditu asetzen eskolak dituen premiak, eta egokitzapen eta handitze lanak oso mugatuta daude, estilo arrazionalistako eraikina izanik babestuta baitago.
Goizaldiren egoera
Une honetan 70 urtez egoitza izan duen lokalera sartu ezinik dago Goizaldi. Dantzari taldearen abokatuak jakinarazia zion Kontserbatorioko Zuzendaritzari ezin zuela Goizaldiko kideei beren egoitzarako sarrera-irteera oztopatu, baina hala ere, Goizaldiren ateko eta eraikinaren ate nagusiko sarrailak aldatu ditu kontserbatorioak. Abokatuarekin harremanetan jarri eta eman beharreko urratsak aztertzen ari dira Goizaldiko kideak.
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.
Kaskarotak eta maskaradak kasik urtearekin batera hasi dira eta jarraian etorri dira beste zenbait inauteri festa. Goiztiarrenak urtarrilean ari dira ospatzen, baina aurten inauteri gehienak datoz oso goiz. Otsailaren 8an izango da Ostegun gizena eta 13an Inaute asteartea. Hadi!... [+]
Urtarrileko lehen asteburuarekin atera dira kaskarot goiztiarrenak. Beskoitzekoak izan dira lehenak eta otsail hasierara arte larunbatez eta igandez astero ibiliko dira herriko auzoetan etxez etxe dantzan eta festan. Goiztiarrenak eta irteera gehiena egiten dituztenak dira... [+]
Dantzaria, koreografoa, abesbatzako zuzendaria, idazlea… 102 urterekin zendu da Filipe Oihanburu (Argeles-Gazost-Miarritze, 1921-2023) Miarritzeko bere etxean. Hain zuzen Miarritzeko Urrezko Domina jasoa zuen euskal dantzan eta musikan egindako lan guztiagatik. Segundo de... [+]
Baztango herrietako festetan Mutil-dantza parekideak egitea “mugarri garrantzitsu bat gainditzea” dela adierazi du Plazara Dantzara taldeak. Hala ere, azpimarratu du dena ez dagoela “irabazita” eta oraindik “bide luzea” dutela egiteko.
Azaroaren 4ean euskalgintzak deitutako manifestazioa eginen da Bilbon, 17:00etatik aitzina, Oldarraldiaren aurrean, euskararekin bat, euskaraz bat lelopean. Manifestazio jendetsua izatea espero da eta bukaeran, bestelako esku-hartzeekin batera, soka-dantzan aritzera... [+]
Zuberoako hainbat belaunalditako dantzariak bilduko dira jauzien erakustaldia egiteko larunbat honetan, urriak 28, Altzaiko plazan. 120 dantzari, 12 herri, 20 musikari eta kantari, xirulari, ttun ttun eta arrabitari elkartuko dira 15:00etan hasiko den emanaldian.
Urriaren 7an, Donostian, izango da Euskal Dantzarien Biltzarrak urriko lehen larunbatean antolatu ohi duen Euskal Herriko Dantzari Eguna. 50 dantza taldek hartuko dute parte eta bi donostiar omenduko dituzte: Gipuzkoako dantzen maisua izan den Juanma Oronoz eta EDBren logoa... [+]