Egia nola akabatu
Garela deritzogunak bagina, eskandaluaren irakinean egon behar genuke oraintxe bertan. Baina orduek aurrera egin ahala, apenas txintik ere entzuten den: oihartzun apalena baino ez da agertzen interneten –pentsa, kopiatu eta itsatsiaren garai hauetan!–. Eta jatorrizko albistea, bere bakardadean, gero eta beherago dago hura argitara eman duen hedabidearen lehen orrialde kilometrikoan.
Hala ere, derrigorrezko irakurgaia izan behar luke informazioaren lanbidearekin zerikusia dugunontzat. Baita berrien kontsumitzale arduratsu samarra denarentzat ere...
Igande arratsaldez, futbolarekin asetzen ez denik ere badela ebatzita edo, eman zuen argitara The Guardianek: «CNN staff say network’s pro-Israel slant amounts to ‘journalistic malpractice’». Titularra ez da kazetaritza-eskoletan gogoraraziko denetakoa, eufemismoen irakaspenerako ez bada. McGreal kazetariak ere hanka-puntetan idazten duela esan liteke; ez da harritzekoa: etxekonekoen simaurra sardekatu behar duenak, gogoan izango du etxeko kortan duena. Izan ere, alde handia ote dago CNNk eta beste hedabide mendebaldar ospetsu batzuek –The Guardianek, demagun– Gazako sarraskiari eman dioten trataeran?
Horixe baita 4.500 hitzeko kontakizun luzearen mamia: CNNko kazetari eta langileek, barnetik kontatuta, albiste-katearen eguneroko jardueran “Israelen aldeko alborapen” larregia edukitzera eraman omen dituen neurri, agindu, gomendio eta debekuen ilara. Profesional batzuek gogotik eta deliberatuki ontzat eman bide dutena. Jake Tapper, Anderson Cooper, Sara Sidner, Hadas Gold, Tim Langmaid... CNNko aurpegi ezagunen eta arduradun gorenetako hainbat agertzen dira “alborapen” horren lekukotasun argiak eskaintzen.
Eta guztien gainetik, Mark Thompson, editore nagusia eta zuzendari betearazlea, aurretiaz BBCn hala moduzko aztarnak utzi zituena... Eta kasualitatez edo, urriaren 7kotik bi egunera ardura goren horretarako izendatu zutena.
Itxura guztien arabera, datuak eta azalpenak beste hedabide bati –susmagarria dela esan ezingo denari– filtratzea baino aterabide duinagorik aurkitu ez duten kazetari eta langile batzuk leudeke ifrentzuan.
Emaitza: hedabide ospetsu bat gerra-propaganda hitserako tresna nola bihurtu den da kontakizuna. Edo esamoldea eguneratu nahi baduzu: gerra kognitiborako tresna.
Gerra batean, lehen hildakoa egia izaten dela dio aburu zaharrak. Baina gutxitan aurkitzen da hain zehatz kontatuta nola akabatzen duten egia haren zerbitzari izan behar luketenek. Bada beste egia akabatzeko modu bat, eta gogotik ikusi dugu hura ere Gazan: 120 kazetari eta hedabideetako langile baino gehiago hil dituzte jada Gazan lau hilabete hauetan.
Gerra kognitiboa ere ez delako odolik gabea.
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen... [+]
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Hondakinen artean oraindik identifikatu gabe dauden Palestinarrak ere ikusarazteko helburupean egin dute. Israelek Gazan 18.000 adingabe hil ditu urriaren 7az geroztik. BDZko Elisa Huarteren arabera, “zerrendetan oraindik ezezagunak diren izenak irudikatzen dituzten marra... [+]
Gutxienez 201 dira 2023ko urriaz geroztik Israelek Gazan hildako kazetariak. Abenduaren 26 honetan hildako azken bostak Al-Quds telebista katean zebiltzan lanean.
Palestinarren genozidiorako Israelek erabiltzen duen arma nagusietako bat gosea da. Alde batetik, Gazara elikagaiak sartzeko debekuarekin, eta, bestetik, Palestinako elikadura-burujabetza ezabatuta.
Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Ehunka pertsona mobilizatu dira ostiralean Santutxun ireki berri dutenMcDonald’s jatetxearen itxiera eskatzeko. Enpresa amerikarraren aurkako boikot kanpainan aktiboki parte hartzea eskatu du mobilizazioa deitu duen Bilbo-Palestina herri ekimenak.
Israelgo Atzerri Ministerioak igandean iragarri du Dublinen daukaten enbaxada itxiko dutela, Irlandak iragarri eta gero bat egingo duela Hegoafrikak Israelen aurka jarritako salaketarekin.
Abenduaren 13an mobilizazioa antolatu dute Santutxun (Bilbo), enpresa amerikarra palestinarren aurkako genozidioaren parte dela salatzeko. Auzoko kideek azpimarratu dute ez dutela nahi auzoan sarraskiari sostengua ematen dion enpresa multinazionalik.
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Gabonetan “mahaian sionistarik ez esertzeko” galdegin du taldeak. Boikotaren eraginez, supermerkatu kate frantziarrak behera egin du salmentetan, eta berriki Jordanian saltokiak itxi ditu.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]