Egeoan ez dela eskubiderik urratu dio Frontexek, legez kanpo itzuleren konplizetzat jotako agentziak
Iaz, hainbat hedabideak salatu zuten Egeo itsasoan migratzaileak legez kanpo itzularazten ari zirela, eta Muga eta Kostaldeetako Guardiaren Europako Agentzia (Frontex) horren konplize zela. Barne ikerketa egin du Frontexek, eta adierazi du giza eskubideen urraketarik ez duela antzeman, hainbat dokumentuk baieztapena zalantzan jartzen badute ere.
Iazko urrian nazioarteko zenbait hedabidek argitara eman zutenez, Egeo itsasoan, Turkia eta Grezia arteko mugan, legez kanpoko prozedura ari zen gauzatzen: Greziako mugazainak hainbat migratzaile beren jatorrietara itzularazten ari ziren, asiloa eskatzeko eskubidea urratuz. Hedabideek legez kanpoko jardun horren “konplize” gisa seinalatu zuten Muga eta Kostaldeetako Guardiaren Europako Agentzia (Frontex).
Alemaniako Der Spiegel aldizkariak, Herbehereetako Lighthouse Reports eta Erresuma Batuko Bellingcat atari digitalak, eta Alemaniako ARD eta Japoniako Asahi telebista kateak bildutako dokumentazioaren arabera, Europako Batasuneko (EB) mugen zaintzaz arduratzen diren guardiak Greziako mugazainen “legez kanpoko ekintzen” jakitun dira. Hala, Frontex migratzaileak itzularazteko lanetan hein batean “inplikatuta” dagoela eman zuten ulertzera, horrek “konplize” bilakatuz agentzia. Plazaratu zenez, migratzaileak asiloa eskatzeko aukerarik eman gabe beren jatorrira itzularazten ari ziren, Europako legedia urratuz. Salaketa horien ondotik, Frontexek barne ikerketa abiatu zuen.
Gaur dira argia ikustekoak ikerketaren emaitzak, baina Herbehereetako NOS telebista kateak aurreratu duenez, Frontexek ez du antzeman giza eskubideak urratzen dituen jarduerarik. Ikerketak aztertu behar zuen ea Turkiara bueltan bidali aurretik migratzaileek aukerarik izan ote duten asiloa eskatzeko bidezko prozedura baterako; telebista kateak adierazi duenez, ez dute aurkitu Europako legedia hautsi izanaren ebidentziarik. Ikerketak jaso duen hutsune bakarra, dirudienez, Frontexen funtzionamenduari dagokio, aitortuz akatsak egin direla migratzaileen jarraipen sisteman eta txostenen aurkezpenean.
Frontexek giza eskubideak urratzen dituen prozedurarik aurkitu ez izana defendatu arren, badira hainbat dokumentu baieztapen horrekin talka egiten dutenak. Aipatu hedabideetako batek jasoa dauka ekainaren 8an Frontexen ontzi batek errefuxiatuen barku bat blokeatu zuenekoa. Bidea mozteaz gain, errefuxiatuak Turkiara bueltan bidali asmoz, abiadura hartuta olatuak sortzeari ekin zion ontziak, migratzaileen biziak arriskuan jartzeraino.
Herrialde berri batera moldatzeak dakarren astindu identitarioaz gain, migrazio-bidaietan eta berton aurre egin behar dieten indarkeriek oztopatzen dituzte etorkinen bizipenak. Psikoterapia da ondoeza sendatzeko bide bat, baina ez bakarra.
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Gutxienez 33 pertsonaz aprobetxatu da. Irunen jaso eta Ipar Euskal Herrira eraman ditu, dirua kobratuta.
Lehen ediziotik zortzi urte igaro direnean, salaketa eta elkartasun ekimen hau Balkanetako mugara abiatuko da datorren uztailaren 12an, 21 arte.
Aurten ere, Mugak Zabalduz karabanan ia ehun lagun abiatuko gara Euskal Herritik, Europaren migrazio politikak, eta aurten bereziki onartu berri duen Migrazio eta Asiloko Paktua, salatzeko asmoz. Aurten Balkanetako mugara joango gara, Bosnia Herzegovinako Bihac hirira; hor... [+]
Martutene auzoan lapurretak ugaritu direla aitzakia hartuta, iaztik, hainbat dira Martutene auzoan eztabaida eta polemikak. Segurtasun talde bat sortu zuten hainbat bizilagunek, “Ertzaintzak ezer egiten ez zuela iritzita”. Pauso bat urrunago joan dira orain, eta... [+]
Aita Mari ontzian salvamento marítimo humanitario izeneko gobernuz kanpoko erakundearekin lanean ari da Isa Egiguren kazetaria.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
Futbolarien agente bat dela antzeztuta, gazteei dirua eskatu eta Kolonbiatik migratzera bultzatu ditu iruzurgileak, sinetsarazita Euskal Herriko futbol talderen batek interesa izan zezakeela haiengan. Gutxienez 25 pertsona engainatu ditu, eta pilatuta izan ditu azpialokatutako... [+]
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Migrazio politikaren gogortzea dakarren dekretua izenpetu du ekainaren 4an AEBetako presidente Joe Bidenek eta asteazken honetan sartu da indarrean neurria. Testu horrek dio egunean 2.500 zeharkatze ilegalen langa gaindituz gero (asteko batezbestekoa eginez), muga erabat itxiko... [+]