ECDCren kartek erakusten dute COVID-19aren bigarren olatuak jada goia jo duela Europan
COVID-19ari jarraipena egiteko Prebentzio eta Kontrolerako Europako Zentroak (ECDC) egunero eskaintzen ditu Mendebaldeko Europako estatuek azken 14 egunetan 100.000 biztanleko metatu dituzten kasuak eta heriotzak, baina astero laburbiltzen ditu bi adierazle nagusion azken 14 egunetako metaketak Europako eskualde administratiboka mapa batean koloreztatuta. Aste honetako mapa aurrekoarekin alderatuta uler daiteke egunez egun okerragora jo duen pandemiaren bigarren olatuak dagoeneko goia jo duela Europan eta zenbait eskualdeetan arintzen ere hasi dela.
"Laster Prebentzio eta Kontrolerako Europako Zentroak (ECDC) kolore gehiagoz aberastu beharko du Mendebaldeko Europan COVID-19aren hedadura islatzeko erabiltzen duen margo-paleta" esan zen ARGIAn joan den urriaren 30ean eta hamar egun beranduago hala egin zuen ECDCk. Honen kartek orain askoz hobeto islatzen dute –bederen kutsadura tasari dagokionez, ez halare heriotzen kopuruari– pandemiaren une bakoitzeko egoera, ea hedatzen ari den –eta non– ala ahulagotzen. Oraingo formulan, ECDCk zazpi kolore darabiltza adierazteko, krema kolore lausotik marroi ilunera, honako kutsadura tasak: 0-20, 20-60, 60-120, 120-240, 240-480, 480-960 eta 960 baino gehiago.
Kronika honen lerroburuan doa nola dagoen gaur egun egoera, azaroaren 18ko datetan oinarrituta, eta paragrafo honen ostean ipini dugu aste bete lehenago azaroaren 12ko datuekin nola zegoen. Biak alderatuta, ikusten da azken astean okerrera egin dutela herrialde batzuek: Poloniak eta Suediak nabarmenen, baina baita Alemaniak eta Italiak ere. Hobera egin dute Islandiak, Txekiak eta Frantziako estatuak. Gainerakoak aurreko asteko antzeko kolore eta kopuruetan ageri dira, aurreko asteetan okerragorako joera kontrolatzea lortu dutela iradokitzen duena.
Kartetan erakusten dituen bezala kutsadura tasak –beti ere 100.000 biztanleko– Europako eskualdeetan, ECDCk tauletan eskaintzen ditu azken eguneko datuak herrialdeka. COVID-19az kutsatuen tasari dagokionez, azaroaren 20ko datarekin 100.000 biztanleko 1.209 kutsatu metatu zituen Luxemburgok azken 14 egunetan, Austriak 1.081, Esloveniak 958, Poloniak 869, Kroaziak 845, Txekiak 843, Italiak 801, Portugalek 794, Lituaniak 765, Frantziak 723, Hungariak 678, Bulgariak 658, Errumaniak 602, Suediak 572, Belgikak 556, Espainiak 501... Hobekuntzarik nabarmenena Belgikak egin du, zalantzarik gabe, duela hogei egun urriaren 28an 1.481 kutsatutan baitzebilen. Euskal Herriari dagokionez, EAEn kutsatuen tasa 753an dago eta Nafarroan 479an.
Heriotza tasa da, hala ere, neurgailu kupidagabeena, kutsaduren egoerak bi-hiru aste lehenago erakutsitako argazkia konfirmatzen duena. Azaroaren 18aren aurreko 14 egunetan Txekiak 100.000 biztanleren artean sufritu ditu 23,9 heriotza, Belgikak 22,5, Bulgariak 16,2, Poloniak 13,8, Hungariak 13,5, Italiak 12,7, Kroaziak 12,7, Franziak 12,1, Errumaniak 10,6, Portugalek 9,4, Austriak 8,7, Erresuma Batuak 8,5, Espainiak 8,1... Sail honetako kalkulurik ez dugu ikusi ez EAEn eta ez Nafarroan.
Beti jarraitzen baitu Suediak izaten COVID-19aren inguruko hainbat eztabaida pizten, bigarren olatuan badirudi segitzen duela lehenbizikoak lortu zituen emaitzak eskuratzen, alegia, inguru hurbileko Danimarka, Norvegia, Finlandia, Letonia eta Estoniaren aldean txarragoak, bai kutsatuen kopuruetan eta bai heriotzetan.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.