EBZk interes tasak igo ditu eta krisi ekonomikoaren kostua herritarren bizkar uzteko planarekin jarraitzen du
Europako Banku Zentralak interes tasak puntu erdia igo eta %3,5ean jarri ditu. AEBetako Silicon Valley bankuaren kiebraren ostean zalantzak zeuden Frankfurtek zer egingo ote zuen, baina inflazioa jaitsiarazteko jarritako bideorriari eutsi dio, eta krisi ekonomikoaren kostua herritarren bizkar utzi du beste behin.
Christine Lagarde Europako Banku Zentraleko buruak ostegun arratsaldean iragarri du interes tasak %0,5 igoko dituela, neurriak bankuen artean krisia sortzeko arriskua izanagatik ere.
Lagardek adierazi du adi daudela, eta egoera ekonomikoak esango duela hemendik aurrera interes tasak gehiago igoko ote dituzten. Pasa den uztailetik %3,5 igo dituzte interes tasak, horrek zuzenean Euribor indizea igoarazi eta hipotekak garestitu dizkie milioika herritarri.
Zalantzak zeuden banku zentralak zer egingo ote zuen, astelehenean AEBetako Silicon Valley bankuaren kiebrak finantza sektorean sorturiko lurrikararen ondoren; baina Frankfurtek jarraitzen du energia eta elikagaien prezioen gorakadaren kostua herritarren bizkar uzteko bere planarekin.
Inflazioaren jaitsiera eragiteko, kontsumo eskaria gutxitu nahi du EBZk, eta horretarako herritarren eros ahalmen maila jaistea du helburu neurriak, hipoteken eta langabeziaren igoeraren bidez
Inflazioaren jaitsiera eragiteko, kontsumo eskaria gutxitu behar du, eta horretarako herritarren eros ahalmen maila jaistea du helburu neurriak, hipoteken eta langabeziaren igoeraren bidez, batez ere.
Ostegun goizean Credit Suisse bankuak 50.000 milioi euroko likidezia eskatu dio Suitzako banku zentralari, Silicon Valleyren hondamendiak burtsetan eragindako beherakadari eta "merkatuen ezinegonari" ezin eutsirik zegoelako. Horrek zalantzak areagotu ditu Europako bankuen "osasunaren" inguruan.
Hala eta guztiz ere, Luis de Guindos EBZko lehendakariordeak adierazi du Credit Suissek kutsatze maila "mugatua" duela eta "Europako bankuen industria erresilientea" dela.
Beraz, Europako ekonomia finantzerioaren eragile nagusia denak jarraitzen du berearekin: dirua garestitu eta herritarrak pobretu, 2008ko krisiarekin egin zuen bezala.
Europako Banku Zentralak interes tasak jaitsiko ditu ostegun honetan, bi urtetako etengabeko gorakadaren ondoren. Diruaren garestitze edo merkatzeak zuzeneko eragina du Euriborrean eta herritarrek ordaindu behar duten hipoteketan. Baina nola nabarituko da aldaketa hori?
Erreserba Federalak interes-tasak bere horretan uztea erabaki du urtebetean lehen aldiz, orain arte etengabeko igoera egin eta gero. Argudio nagusia inflazioa jaitsi egin dela da, baina atzean badaude mamu gehiago, hala nola, atzeraldi ekonomikoa eragitea eta AEBetako finantza... [+]
Neurri progresibo eta eraginkorrak hartzeko ohartarazi dute EBZren blog batean hainbat ekonomialarik; bestela, murrizketa gogorrak egin beharko dira etorkizunean, edo inflazio altuari apropos eutsi, herrialdeen irabaziak zorraren gainetik mantentzeko.
Europako Banku Zentralak %2ra igo du ditu interes-tasak. Azken hilabeteetan hirugarren aldiz jarraian igoera handi bat egin du, inflazioari aurre egin nahian. Horrek, baina, hipoteketan eta herritarren poltsikoetan eragiteaz gain, atzeraldi ekonomikoa sor dezake aditu askoren... [+]
Diruaren merkatuko prezioa, interes-tasa, etengabe ari dira igotzen mundu osoko banku zentralak, baita Europan ere. Europako Banku Zentralak (EBZ) hainbat urtez dirua kasik doan eman ondoren, %0,50 igo zuen tasa hori uztailean eta %0,75 irailean, inoizko igoerarik handiena.
Europako jendartearen gehiengoa pobretu egin dela diote azken urteotako datu eta estatistika guztiek. Europako Banku Zentralak eta antzeko erakundeek darabilten politika ekonomikoak zerikusi zuzena du horrekin; eta desberdintasun soziala gehiago handituko da ondare apur baten... [+]
Espainiako Bankuko gobernadore Pablo Hernández Cosek Barakaldoko BECen egindako ekitaldi batean adierazi du Europako Banku Zentralak interes tasak %2,25 eta %2,5 artean igoko dituela aurreikusten ari direla.
Carlos Sánchez Mato Madrilgo Unibertsitateko ekonomia aplikatuko irakaslea da eta Ezker Batuko programazioa egitearen arduraduna. El Salto hedabidean idatzi duen artikulua euskaratu dugu. "Europako Banku Zentralak erabaki du diruaren prezioa 75 puntutan igotzea... [+]
Europako Banku Zentralak erabaki duen interes tipoen igoera historiako handiena da. Euriborra da interes aldakorra duten hipoteketan kuotak kalkulatzeko bankuek erabiltzen duten tasa eta irailaren 9an %2raino igo da. Honek ekarriko du milaka familiak etxebizitza ordaintzeko... [+]
Duela aste batzuk iragarritakoaren bikoitza igo ditu interes tasak Europako Banku Zentralak azkenean, %0,50. Hamaika urteko joerari buelta eman eta diru merkea eskaintzeari utziko dio, bere esanetan inflazioaren gorakadarekin eteteko.
Interes tasak %0,25 igoko ditu Europako Banku Zentralak uztailean, eta lehen aldiz hamaika urtetan zorra erosteari utziko dio. Prezioen gorakadari aurre egiteko neurria dela argudiatu dute bankuaren agintariek, baina horrela izango al da?
COVID-19aren ostean ekonomia suspertzeko iragartzen ari ziren neurri ekonomikoak ezbaian jarri ditu Ukrainako gerrak. Azken asteetan mota askotako erabakiak hartzen ari dira Europar Batasuneko agintariak. Horietako batzuek zuzenean eragingo dute herritar arrunten bizimoduan... [+]
Covid-19aren krisiari aurre egiteko Europako Banku Zentralaren zor publikoaren erosketa planean aldaketak iragarri ditu Christine Lagarde bankuko presidenteak: inflazioaren gorakadaren eta aurreikuspen hobeen aurrean, erritmo motelagoan erosiko dute zorra.
Greziako Finantza ministro ohia susperraldi-funtsaren inguruko negoziazioez mintzatu da El Diario.es egunkariari eskainitako elkarrizketan. Asteburu hontan egingo da goi-bilera, eta Europar Batasuneko herrialdeek koronabirusaren efektuak leuntzeko funts komuna jasotzeko... [+]