Ebru Timtik abokatu kurdua hil da, 238. gose greba egunean
Epaiketa justuaren aldeko borrokan galdu du bizia emakumeak. Herriaren Lege Bulegoa izeneko erakundearen bidez komunistak defendatzeagatik espetxeratu zuten. Turkiako Estatuan azken hilabeteetan zendu den laugarren gose grebalaria da.
Turkiako Auzitegi Konstituzionalak abuztuaren 14an atzera bota zuen Ebru Timtik eta Aytaç Ünsal abokatuen askatasun eskakizuna, bi gose grebalariek heriotza arriskuaren atalase kritikoa gainditu zutela kontuan hartu gabe. Gorteak argudiatu zuenez, "ez dago informaziorik beren bizitzetarako edo osotasun moral eta materialerako arrisku kritiko baten larrialdiari buruz”, horren ondorioz, Timtik ostegun honetan bertan hil da, bere borroka azken ondorioetara eraman ostean.
Timtik Herriaren Lege Bulegoa (Halkde Hukuk Bürosu, HKK) izeneko erakunde juridikoaren kide zen. HKK-k Twitterren iragarri duenez, Timtik laguntza medikua jasotzen ari zen bere bihotza gelditu ostean: "Pultsua gelditu egin da eta bihotzeko masaje bat jasotzen ari dela jakin dugu. Dei bat egin diegu gure lankide eta burkideei Bakla rköyko Sadi Konuk Ospitalearen aurrean elkartzeko". Beranduago, albiste eguneratu batean, Timtikek bizia galdu duela adierazi du HKK-k.
Hilabeteetako gose greba da Ebru Timtik eta Aytaç Ünsalena, eta halere, ez dute kartzelatik irtetea lortu, Medikuntza Auzitegiko Institutuak “espetxean egoteko gai ez direla” adierazi duen arren. Turkiako Auzitegi Konstituzionalean jarritako salaketa batek ere ez zuen arrakastarik izan. Bi abokatuak euren borondatearen aurka zeuden Istanbulgo bi ospitaletan, atxilotuta. ANF albiste agentziaren arabera, Ünsalek oraindik bertan darrai, egoera larrian.
Timtik eta Ünsalek Herriaren Lege Bulegoaren bitartez DHKP-C erakunde komunistako militanteak babesten zituzten haien aurkako prozesu konplexuan. Abokatuei ere espetxe-zigor luzeak ezarri zizkieten ordea, lege antiterroristetan oinarrituta. Abokatuek epaiketa justua izatea aldarrikatzen dute gose grebarekin.
Laugarren eroria
Yorum taldeko hiru musikari ere duela gutxi hil ziren Ankarako Gobernuaren jazarpen politikoa salatzen. Helin Bölek, Mustafa Koçak eta Ibrahim Gökçek zuten izena. Bölekek 288 egun bete zituen gose greban, Koçakek 297 eta Gökçekek, berriz, 323.
40 urtetik gorako espetxe-zigorrak eta 45.000 euroko zigor ekonomikoak eskatzen dituzte 'Leioako 5entzat'. 2016an Leioako campusean egindako ikasle mobilizazio baten harira auzipetu zituzten gazteak, eta berriz seinalatu dute EHUren erantzukizuna.
Ipar Euskal Herriko Kontseilu Sozialistak salatu du horrelako isunek "militantzia politikoa isun bidez itotzeko xedea" dutela.
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Sarek eta Elkartasun Eguna antolatzen dutenek 31 kilometroko ibilaldia prestatu dute, presoen, iheslarien eta deportatuen etxeratzea eskatzeko, eta Unai Paroten salbuespenezko egoera amaitzeko. Duela 31 urte preso sartu zuten Parot.
Urte batzuk badira Libertadea, arrantzaleen abesti zaharra ekarri nuela orri hauetara:
Libertadea eskatu diogu
herri hontako Alkate jaunari
eta jendea alegratzera
gaur gera gu honera etorri
Aurrenekoz entzun nuenean, Francoren garai ilunetako gaztetxoa ni, aldarri... [+]
Frantziako Gobernuari Segurtasun Globalaren lege proiektua edo Separatismoaren Kontrako Legea bertan behera uzteko eskatu du Stop Segurtasun Globala kolektibo sortu berriak. Martxoaren 20an manifestaziora deitu dute Baionan, Demokraziaren alde, lege libertiziden kontra lelopean.
Asteazken goizean deklaratu dute Espainiako Poliziaren aurrean. Migratzaileen hainbat kolektibok eta Sortuk urriaren 12an antolatu zuten ekitaldian erregearen eta kolonizatzailearen irudi bana bota zuten lurrera. Demokrazia falta salatzen eta Euskal Errepublika aldarrikatzen... [+]
Urriaren 19an makroepaiketa bat hasiko da Madrilgo Auzitegi Nazionalean. Hiru egunez Causa Galiza eta Ceivar antolakundeetako hamabi militante independentista epaituko dituzte, terrorismo delituak egotzita, legezkoak eta publikoak izan diren jardueretan oinarrituz. 102 espetxe... [+]
Kataluniako presidentea kargugabetu duen epaia ezagutzearekin batera, arduradun politiko ugarik adierazpenak egin dituzte hedabideetan edo sare sozialen bitartez.