Eba Blanco EAko buruzagi izendatu arren, urek nahasita jarraitzen dute alderdi barruan
EAk idazkari nagusi berria izendatu zuen astelehen goizean, baina ez dirudi horrek alderdi barruko bi sektoreen arteko gatazka apaltzeko balioko duenik.
Eba Blanco Eusko Alkartasuneko idazkari nagusi aukeratu zuten astelehenen goizean, sektore kritikoaren gaitzespenarekin. Korronte ofizialaren babesarekin hartutako erabakiak, ordea, ez du itxi EH Bilduren barruan dagoen alderdi historikoaren krisia.
Eusko Legebiltzarreko egungo presidenteordea izan da, hasiera batean, Pello Urizarren lekua hartzeko behar adina abal bildu dituen hautagai bakarra. Urizarrek joan den ekainean dimisioa eman zuen, alderdiak azken urteetan izan dituen barne desadostasunak konpondu ezinda. Aukeratua izan ostean egindako lehen adierazpenetan, Blancok azaldu zuen bere helburua "alderdia kohesionatzea" izango dela.
Ez da erraza izango, sektore kritikoak ez duelako haren izendapena aitortzen. Maiorga Ramirez hautagai alternatiboa primarioen prozesutik at geratu zen, beharrezko abalak bildu ez zituelako. Baina kritikoek onartzen ez duten erabakia da hori, Hauteskunde Antolaketarako Batzordeak hartu zuelako, eta sektore horren ustez EAko zuzendaritzaren esku dago organo hori. Beraz, ez litzateke inpartziala izango, kritikoen arabera.
Blancoren izendapena publiko egin bezain laster, Ramirezen hautagaitzak ohar bat kaleratu zuen, eta, bertan, nabarmendu zuen haren "izendapena baliogabea" dela eta guztia Berme Batzordeak erabakitzen duenaren menpe dagoela –kritikoek aurkeztutako helegiteei buruz ebatzi behar duen barne auzitegi moduko bat da organo hori–. Kontua da, kasu honetan, batzorde horren objektibotasuna aitortzen ez dutenak sektore ofizialekoak direla, Ramirezen esku dagoen organoa dela uste baitute.
Etorkizuna zaila da alderdiarentzat. Hasteko, hurrengo egunetan bi korronteek elkar ikusiko dute Gasteizko epaitegietan, kritikoek afiliatuen errolda eskuratzeko izan zituzten arazoen inguruan jarritako salaketa bat ebazteko.
Gatazkaren iturria EAk EH Bilduren barruan jokatu beharreko papera da. Duela bi urte koalizio subiranistak martxan jarritako estrategia defendatzen dutenei babesa ematen die Blancok: horren arabera, EH Bildu subjektu politiko propioa litzateke, zuzendaritza gutxi gorabehera autonomoa duena eta afiliatu propioak. Koalizioko alderdiek –Sortu, EA eta Alternatiba– beren rolari eutsiko liokete, baina ez hasiera batean adostu zuten formulan. Ramirezen ustez, ordea, diseinu horrek arriskuan jartzen du EAren existentzia bera.
Badirudi indarrak nahiko orekatuta daudela alderdi barruan. Sektore ofizialak Bizkaiko eta Ipar Euskal Herriko zuzendaritzen babesa du; kritikoek, berriz, Arabakoa, Gipuzkoakoa eta Nafarroakoa. Gainera, sostengu sinbolikoa dute: Carlos Garaioketxearena.
Zatituta zegoen EA azken urte hauetako uneren batetik aurrera, beharbada 2017an egindako bi kongresuetatik, edo 2019an huts egindako primaria prozesutik, edo honen harira sortutako borroka judizial gupidagabea hasi zenetik, akaso bost buruzagiren azken kanporaketatik... Berdin... [+]
EAko Nazio Batzorde Eragileak erabaki du lau urtez Maiorga Ramirez, Iratxe López de Aberasturi, Mikel Goenaga, Miren Aranoa eta Esther Korresen afiliazioa bertan behera uztea, “eskubide, betebehar eta diziplina Araudiaren urratze larriak egin dituztelako”.
Eva Blanco (Amurrio, 1973) 2019an izendatu zuten EAko idazkari nagusi, Pello Urizarrek dimititu ondoren. Barne giro liskartsuan eraman behar izan du aurrera bere agintaldia. Baina arazoak atzeragotik datoz, gutxienez 2017ko kongresutik. Familia barruko gatazkak dira mingarrienak... [+]
Joseba Elosegi gudaria zenaren omenez Donostiako EAk antolatutako ekitaldian, Carlos Garaikoetxea lehendakariak EH Bilduk koalizio gisa jarraitzearen alde egin du, alderdiko sektore kritikoarekin bat eginez.
Barne gatazka latza bizi dute Eusko Alkartasunako bi sektorek: batean egungo zuzendaritza dago, eta bestean haren kudeaketari kritika zorrotza egiten diona. Azken honetan dago Miren Aranoa (Buenos Aires, 1958), Nafarroako EAko koordinatzailea. Osasun egoera dela-eta,... [+]
Miren Aranoak Nafarroako Parlamentuan EH Bilduren ordezkari gisa duen eserlekuari uko egin dio. Abuztuaren 28an gauzatuko du erabakia. Jarduera instituzionalari uko egiteko arrazoiak "pertsonalak" baino ez direla adierazi du. "Ilusioz egiten diot aurre nire etapa... [+]
EAren sektore kritikoak Eba Blanco idazkari nagusiaren izendapenarekin lotuta epaitegietan jarritako salaketa atzera bota dute, ildo ofizialari arrazoia emanez.
Buruz buru aurkitu dira EAren sektore ofizialeko kideak eta ildo horrekin kritikoak direnak epaitegian. Eztabaidagaia: afiliatuen zerrendarako sarbidea. Alderdi barruko barne-gatazka politikoak azaleratu dira auzi horren inguruan eta soka luzeagoa da: alderdiaren gidaritza bera... [+]
Asteazken honetan EA alderdiko bi sektoreetako ordezkariak aurrez aurre jarriko dira epaitegietan. Alderdiko afiliatuen zerrendetara sarbidea edukitzea da auzi judizialaren muina, baina sakonagoko arazoak ere agerian geratzen ari dira azken hilabeteetan.
Eusko Alkartasunaren Hauteskunde Batzordeak astelehen goizean Eba Blanco de Angulo izendatu du alderdiaren idazkari nagusi, burutu berriak diren primarietan hautagai bakarra bera dela argudiatuta. Blancok adierazi du alderdia kohesionatzea izanen duela lehen helburu.
Aurkeztu dituen bermeak ez ditu ontzat eman alderdiko Hauteskunde Antolaketarako Batzordeak. Ramirezek “eskandaluzkotzat” jo du erabakia, eta salatu du batzordeko kide guztiak “sektore ofizialekoak” direla
Eusko Alkartasunaren (EA) batzar nazionalak erabaki du Pello Urizarren ordezkoa aukeratzeko hauteskunde primarioen prozesua abian jartzea. Alderdiko sektore kritikoa ez dago ados erabakiarekin.
Debako EAk joan den igandean egin zion omenaldi batean, Carlos Garaikoetxeak bere alderdiak Pello Urizarren dimisioaren ondoren abian jarritako barne-eztabaidari buruz hitz egin zuen.
Astelehenean aurkeztu du dimisioa, Eusko Alkartasunaren Kontseilu Nagusiaren bilkuran, arrazoi pertsonalak direla eta. Urizar geroz eta kritikatuagoa zen alderdiaren barruan, eta azkenean, 2017ko kongresuaren ostean adierazi bezala, ez du idazkari nagusi izateko epe guztia... [+]