EAk lau urtez eten du alderdiko bost kargudunen militantzia
EAko Nazio Batzorde Eragileak erabaki du lau urtez Maiorga Ramirez, Iratxe López de Aberasturi, Mikel Goenaga, Miren Aranoa eta Esther Korresen afiliazioa bertan behera uztea, “eskubide, betebehar eta diziplina Araudiaren urratze larriak egin dituztelako”.
Iazko irailean ireki zieten prozesua bi militantek jarritako salaketa aintzat hartuz eta orain Exekutiba Nazionalak erabaki du aipatutako bost pertsona horiei lau urteko afiliazio etenarekin zigortzea, “arau hauste oso larriak egin dituztelako”. Lopez de Aberasturi, Goenaga eta Aranoa Arabako, Gipuzkoako eta Nafarroako EAko koordinatzaileak dira hurrenez hurren. Esther Korres Iruñeko koordinatzailea, eta Maiorga Ramirez EH Bilduko foru parlamentaria.
Eskubide, Betebehar eta Diziplina Araudiko bost artikulu urratu dituztela dio EAk hitzez hitz:
Bat: “Kargu publikoaren lanetan alderdiaren edo alderdiak egin ditzakeen koalizioen estrategiaren aurka egitea”. Bi: Alderdiaren aurretiko baimena izan gabe adierazpen publikoak egitea, alderdiaren edo bere organoen irudia eta sinesgarritasuna kaltetzen denean, edo helburuak edo ideologia alderdiarenarekin kontraesan garbian sartzen denean”. Hiru: “Eusko Alkartasunako afiliatu, jarraitzaile, langile edo kargu publikoei hitzez edo egitez tratu txarrak edo errespetu eta begirune falta larria”. Lau: “Eusko Alkartasunako afiliatu, edo kargu publikoei eta alderdiko organoei egindako injuria edo kalumniak”. Eta bost: “Alderdiaren irizpideak haustea, alderdia kaltetzen bada”.
XIII. Kongresua otsailean
Kongresua noiz eta nola egin izan da, besteak beste, azken hilabeteetan EAko bi sektoreen arteko eztabaidagai nagusietakoa. Azkenean, otsailaren 19an eta 20an egingo dute. EAk jakinarazi duenez, afiliazio etena otsailaren 21etik aurrera hasiko da, zigortutakoek kongresuan parte hartu ahal izateko, besteak beste “zuzendaritzarako aurkezteko aukera izan dezaten”. Orain 30 eguneko epea izango dute alderdiaren Berme Batzordean helegitea aurkezteko.
Ramirez: “Eztabaidak demokratikoki konpondu behar dira”
Maiorga Ramirezek ostegun goiz honetan Euskadi Irratian adierazi duenez, zigortutakoek kongresuan parte hartuko dute, baina salatu du hainbat irregulartasuna ikusi dutela haren antolamenduan: “Jende askok ezingo du parte hartu, telematikoa izango baita". Bere ustez, “agerian geratu da ez dutela eztabaida demokratikoaren aldeko apusturik egin. Plan bat jarri zuten martxan, alegia, diziplina prozesu bat, arazoa erditik kendu ahal izateko. Oso tristea da. Oso irudi txarra ematen ari da zuzendaritza".
Iñaki Guridi kazetariak galdetu dio ea alderdia desagertze arriskuan egon daitekeen eta Ramirezek erantzun du ezetz.
Aranoa eta Blancoren elkarrizketak
2020an eta 2021ean elkarrizketak egin genituen ARGIAn bi sektoreko ordezkarietakoak diren Miren Aranoa Nafarroako koordinatzailearekin eta Eva Blanco idazkari nagusiarekin. EH Bilduren baitan EAk izan beharreko kokapena, kongresua eta barne ika-mikak izan genituen mintzagai nagusiki; haietan argi ikusten da gatazka zein sakona den eta konponbidea zein gaitza izan daitekeen, oraindik ere halakorik posible bada.
Zatituta zegoen EA azken urte hauetako uneren batetik aurrera, beharbada 2017an egindako bi kongresuetatik, edo 2019an huts egindako primaria prozesutik, edo honen harira sortutako borroka judizial gupidagabea hasi zenetik, akaso bost buruzagiren azken kanporaketatik... Berdin... [+]
Eva Blanco (Amurrio, 1973) 2019an izendatu zuten EAko idazkari nagusi, Pello Urizarrek dimititu ondoren. Barne giro liskartsuan eraman behar izan du aurrera bere agintaldia. Baina arazoak atzeragotik datoz, gutxienez 2017ko kongresutik. Familia barruko gatazkak dira mingarrienak... [+]
Joseba Elosegi gudaria zenaren omenez Donostiako EAk antolatutako ekitaldian, Carlos Garaikoetxea lehendakariak EH Bilduk koalizio gisa jarraitzearen alde egin du, alderdiko sektore kritikoarekin bat eginez.
Barne gatazka latza bizi dute Eusko Alkartasunako bi sektorek: batean egungo zuzendaritza dago, eta bestean haren kudeaketari kritika zorrotza egiten diona. Azken honetan dago Miren Aranoa (Buenos Aires, 1958), Nafarroako EAko koordinatzailea. Osasun egoera dela-eta,... [+]
Miren Aranoak Nafarroako Parlamentuan EH Bilduren ordezkari gisa duen eserlekuari uko egin dio. Abuztuaren 28an gauzatuko du erabakia. Jarduera instituzionalari uko egiteko arrazoiak "pertsonalak" baino ez direla adierazi du. "Ilusioz egiten diot aurre nire etapa... [+]
EAren sektore kritikoak Eba Blanco idazkari nagusiaren izendapenarekin lotuta epaitegietan jarritako salaketa atzera bota dute, ildo ofizialari arrazoia emanez.
Buruz buru aurkitu dira EAren sektore ofizialeko kideak eta ildo horrekin kritikoak direnak epaitegian. Eztabaidagaia: afiliatuen zerrendarako sarbidea. Alderdi barruko barne-gatazka politikoak azaleratu dira auzi horren inguruan eta soka luzeagoa da: alderdiaren gidaritza bera... [+]
Asteazken honetan EA alderdiko bi sektoreetako ordezkariak aurrez aurre jarriko dira epaitegietan. Alderdiko afiliatuen zerrendetara sarbidea edukitzea da auzi judizialaren muina, baina sakonagoko arazoak ere agerian geratzen ari dira azken hilabeteetan.
EAk idazkari nagusi berria izendatu zuen astelehen goizean, baina ez dirudi horrek alderdi barruko bi sektoreen arteko gatazka apaltzeko balioko duenik.
Eusko Alkartasunaren Hauteskunde Batzordeak astelehen goizean Eba Blanco de Angulo izendatu du alderdiaren idazkari nagusi, burutu berriak diren primarietan hautagai bakarra bera dela argudiatuta. Blancok adierazi du alderdia kohesionatzea izanen duela lehen helburu.
Aurkeztu dituen bermeak ez ditu ontzat eman alderdiko Hauteskunde Antolaketarako Batzordeak. Ramirezek “eskandaluzkotzat” jo du erabakia, eta salatu du batzordeko kide guztiak “sektore ofizialekoak” direla
Eusko Alkartasunaren (EA) batzar nazionalak erabaki du Pello Urizarren ordezkoa aukeratzeko hauteskunde primarioen prozesua abian jartzea. Alderdiko sektore kritikoa ez dago ados erabakiarekin.
Debako EAk joan den igandean egin zion omenaldi batean, Carlos Garaikoetxeak bere alderdiak Pello Urizarren dimisioaren ondoren abian jarritako barne-eztabaidari buruz hitz egin zuen.
Astelehenean aurkeztu du dimisioa, Eusko Alkartasunaren Kontseilu Nagusiaren bilkuran, arrazoi pertsonalak direla eta. Urizar geroz eta kritikatuagoa zen alderdiaren barruan, eta azkenean, 2017ko kongresuaren ostean adierazi bezala, ez du idazkari nagusi izateko epe guztia... [+]