AHTaren inguruan mugitzen ari den informazio publikoa ezkutatzea eta ilunkerietan ibiltzea egotzi dio EAJri AHT Gelditu! Elkarlanak. Herritarren geroz eta erantzun irmoagoari entzungor egin izana salatu eta klase politikoak gai publikoen berri eman dezan eskatu dute.
AHTeraikitzeko ustelkeria "ezinbesteko ardatz" dela adierazi dute Elkarlaneko kideek. PP alderdia zikindu duten "Barcenasen paperak" irakurriz azpiegitura handiarekin dagoen harremana baieztatu dutela gaineratu dute. Besteak beste, PPko zenbait kidek legez kanpoko kobraketak jaso dituztela AHTren lanetan diharduten FCC, Azvi, OHL, SACYR eta gisa bereko eraikuntza enpresen eskutik.
Madril eta Bartzelona arteko zatian Adif enpresako funtzionarioek, eraikuntza enpresak eta politikariek edukitako harreman ekonomikoak ere ez direla kasu isolatua uste du AHTaren kontrako plataformak, eta gogorarazi dute Tolosa-Hernialde tartearen eraikuntzaz arduratzen ari den Corvian-Isolux enpresak dagoeneko justifikatu gabeko 9 milioiko gain-kostua eragin duela.
Horrelako edo antzeko beste zenbait kasuren aurrean, honako galdera luzatu diote EAJri: "Eraikuntza enpresa hauek kontratatzen dituzten kudeatzaile politikoek hauen benetako jarduna zein den ezagutzen badute eta beraz, egiten dituzten eskaintza ekonomikoak sinestezinak direla baldin badakite, gerora gain kostu izugarrietan bilakatuko direnak, zergatik baimentzen dituzte?".
Duela hilabete inguru egin zuten bezala, ekainaren 11n kontzentrazioa deitu dute alderdi jeltzalearen egoitza nagusiaren aurrean, Sabin Etxean, 19:30ean. AHTren obrak geldi daitezela eskatuko dute.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]
Hamar euroko billeteak zabaldu dituzte Iruñeko Merkatuan, haien mezuarekin.
226,52 milioiko aurrekontuarekin, Eusko Jaurlaritza arduratuko da Abiadura Handiko Trenaren Bilboko sarrerako eraikuntza proiektua idazteaz.