EAJk eta Juntsek energia enpresa handiei ezarritako zerga ezabatu dute
Euskal Herriko eta Kataluniako indar eskuindarrek bat egin dute PPrekin eta Voxekin, zerga ez luzatzeko.
Repsolek irabazi du. Iberdrolak irabazi du. Espainiako Diputatuen Kongresuan egindako mehatxuek energia enpresa handiei ezarritako aldi baterako zerga berria bertan behera uztea lortu dute, azken bi urteetan enpresa gutxi batzuek ordaindu dutenaren luzapena izango litzatekeena. Juntsek eta EAJk Alderdi Popularraren eta Voxen eskuin muturraren botoekin bat egin dute energia enpresa handiak zergarik gabe uzteko.
Gobernuak emandako kontzesioek ere ez dute funtzionatu. Nazionalista katalanek eskatu zuten enpresa horiek egindako inbertsio berdeak desgrabatzeko zerga-figura berritik ordaindu beharreko zenbatekotik. Josu Imaz Repsoleko CEOak eta EAJko buruzagi ohiak La Vanguardia egunkarian “Industria o populismo” izeneko zutabe bat argitaratu ostean agertu ziren Juntsen eskakizunak. Artikuluan Imazek mehatxu egin zuen Tarragonan egitekoak ziren inbertsioak Portugalera eramateko.
Ogasun Ministerioak duela aste batzuk aurkeztutako eta asteazkenean bertan behera geratu den testuak jasotzen zuen Trantsizio Ekologikoko Ministerioak estrategikotzat jotzen zituen inbertsio berdeetarako zerga-arintzeen sistema bat. Baina badirudi kontzesio horrek ere ez dituela pozik utzi kontra bozkatu duten katalanak.
Euskal nazionalisten eskakizunen arabera, bilketa foru-ogasunetan geratzea nahi zuten, beste zerga batzuekin egiten den bezala. Baina lagapen hori ezinezkoa da zerga aldi baterakoa izanik. Zerga iraunkor bat garatzeko eta diseinatzeko zailtasunak eta denbora urria ikusita, zerga-bilketa EAEko erakundeetan laga ahal izateko, proposamen berriak aurreikusten zuen urteko azken hiruhilekoan zergaren ondorioak eta iraunkorra izateko aukera aztertuko zirela. Horrek ulertzera ematen zuen 2027an zerga iraunkorra izatera pasako zela, eta EAJk eskatzen zuen bezala banatzeko.
Baina EAJkoek ere ez dute testu berria onartu, ezta zerga beste urtebetez luzatzearen aukera ere. Energia enpresa handi horientzako zerga berri baten azterketa eta diseinuari atea ere ez dute ireki nahi izan. Segutzarra ez da hemen amaitu. Zerga aurrera ez ateratzeak eragin handiagoa du: Podemosek ohartarazi du ez dituela Estatuko Aurrekontu Orokorrak babestuko zerga aurrera ateratzen ez bazen. Aurrekontuak bigarren urtez jarraian aurrera ez ateratzeak porrot bikoitza bihurtu du asteazkeneko bozketa, koalizio gobernuarentzat mingarrienetakoa. 1.000 milioi eurotik gorako salmentak zituzten enpresen fakturazioa zergapetzen zuen indargabetutako zergak. Repsolek, Iberdrolak, Endesak, Naturgyk eta EDPk soilik ordaintzen zuten. Horri esker, Ogasunak 3.000 milioi euro inguru eskuratu zituen.
.png)
Gasetik sortutako elektrizitate ekoizpena bosgarren urtez jaitsi da, eta jatorri fosileko elektrizitate sorkuntza orokorra minimo historikoan dago, Ember erakundearen European Electricity Review txostenaren arabera.
GES-Global Energy Services enpresak eguzki bidezko energia sortzeko proiektua hasi du Erriberrin, Euskal Herriko handienetakoa. 50 MWp-ko potentzia izango du, eta 74.000 eguzki panel izango ditu guztira, instalazioak datorren urtea amaitu baino lehen martxan jartzea aurreikusten... [+]
Enpresek presio handia egin dute azken boladan eta “inbertsio estrategikoak arriskuan egon daitezkeela” mehatxu egin zuten. Iberdrolako presidenteak ordea, zerga honek bere kontuetan “oso gutxi suposatzen duela” adierazi zuen duela aste bi. Bankuen... [+]
“Araba ez dago salgai” eta “Makroproiekturik ez” lelopean egin dute deialdia. Urriaren 26an elkartuko dira 18:00etan “etekin pribatuak bermatzera” bideratuta dagoen eredu energetikoa eta “instituzioek jokatzen duten papera”... [+]
Israelek 2023ko urrian Gazako sarraskia hasi zuenetik, petrolioa jasotzen aritu da itsasoz munduko txoko askotatik, petrolio enpresa handienek hornituta. Petrolio horren zati bat armada hornitzeko erabiltzen da palestinarren kontrako erasoekin segi dezan.
Klimaren arazoa ingeniaritza kontu bat soilik ote da? Atmosferaren berotegi efektua indartu du munduaren industrializazioak, karbono dioxido kopuru erraldoiak isuri baititugu airera, gure biziraupena kolokan ezarri arte. Zergatik ez, beraz, karbono dioxido hori berriz harrapatu,... [+]
2021ean sartu zuen indarrean beherapena Espainiako Gobernuak, baina pasa den urtarrilean ekin zion hura goratzeari. BEZa igota, batez beste, %15 garestituko da urteko kostua. 2023an, inoizko emaitzarik onenak lortu ditu Iberdrolak.
Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
BP, Shell, Chevron, ExxonMobil eta TotalEnergies enpresek 100.000 milioi dolar (90.100 milioi euro) banatuko dituzte euren inbertitzaileen artean, inoizko ordainsari handiena. Ukrainako gerraren ondorioz, 2023 urtean etekinen errekorra gainditu dute burtsan kotizatzen duten... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.
Yasuni: Ez da teleberrien eta komunikabie erraldoien berri printzipala izan baina… Joan den abuztuaren 20an Ekuadorko Errepublikako herriak (17,8 milioi biztanle) baietz borobila (%59 alde) eman zion kontsulta konstituzional batean, hauteskunde presidentzialekin batera,... [+]
2030. urterako autoen %15 erabat elektrikoa izatea aurreikusi badute ere, horiek hornitzea ez dela errentagarria izango nabarmendu du Espainiako Estatuko Gasolina-Zerbitzuguneetako Enpresarien Konfederazioko buru Nacho Rabadánek, Iruñean egindako bilkura batean.