EAJ-PSE ituna gauzatuz gero, EH Bildu sei alkatetza gabe gera daiteke
Maiatzaren 26ko udal eta foru hauteskundeen ondoren, EAJ eta PSE asteazken honetan bilduko dira akordioez hitz egiten hasteko. Bi alderdien arteko ituna berrestea da gertagarriena eta horren eraginez EH Bildu sei alkatetza gabe geratzea, baita PPk beste bat galtzea ere.
Asteazken honetako bileraren aurretik, bi alderdietako buruzagiek adierazi dute “egonkortasuna” bermatuko lukeen akordio orokor bat sinatzeko asmoa, duela lau urtekoaren antzekoa litzatekeena. Gainera, EAJk dagoeneko adierazi du PSErekin bakarrik bilatuko dituela akordioak udaletan eta batzar nagusietan.
Boterean dagoen blokea errepikatzeak botere handiagoa lortzen lagunduko lieke bi alderdiei, izan ere, EH Bildu zerrenda bozkatuena izan den hainbat udal kenduko lizkiekete koalizio abertzaleari: Gipuzkoan, PSEk Andoainen eta Pasaian alkatetza lortuko luke jeltzaleei esker eta EAJk berriz Lezon, Mendaron eta Soraluzen lortuko luke agintea. Araban berriz, Guardiako udala PPri kenduko liokete.
Paktu horri esker bakarrik mantendu ahalko lukete jeltzaleek pisu sinboliko handia duen beste alkatetza bat ere, Iñigo Urkullu EAEko lehendakariaren jaioterria den Alonsotegikoa, izan ere, azken bozetan EH Bilduk irabazi ditu hauteskundeak herri horretan.
Irunen beste formula bat komeni zaio EAJri
Bi alderdien arteko akordio-giroak baditu, ordea, salbuespenak. Andoainen gertatuko dena ikusteko dago eta, bereziki, Irunen jarrita daude begiradak: Gipuzkoako hiri horretan pasa den legegintzaldian jeltzaleen eta sozialisten arteko harremana asko gaiztotu zen eta legealdia amaitu aurretik EAJ oposizioa egiten aritu da Jose Antonio Santano sozialistaren aurka. Zenbakiek emango lukete udal-gobernua aldatzeko, EAJk EH Bilduren eta Elkarrekin Podemosen babesa jasoko balu.
Markel Olano Gipuzkoako ahaldun nagusiak Onda Vascan adierazi du kasu “berezia” dela Irungoa, “oso larria” izan zela herri horretan pasa den legegintzaldian gertaturikoa –Olanoren esanetan, Xabier Iridoy jeltzalea gobernu-taldetik bota zuen Santanok– eta “konfiantza haustura oso garrantzitsua” gertatu zela bi alderdien artean. Hala ere, bi partiduek “marko orokorra” ezarri ondoren Gipuzkoako negoziazio partikularrak egingo dituztela esan du.
Durango, Galdakao eta Elorrio
EAJ-PSE paktuek badute ifrentzua beste zenbait udaletan: EH Bilduk eta Elkarrekin Podemosek bat eginda Bizkaiko hiru herritan eskuratuko lukete agintea. Udal garrantzitsu berri batzuk lortuko lituzke ezkerreko abertzaleen koalizioak alderdi morearen babesarekin, besteak beste Durango (28.000 biztanle), Galdakao (30.000) eta Elorrio (7.000).
Lerrook idaztean, Nafarroako lauko berriak akordio programatikoa hitzartu berri du. Berria da laukoa, PSN sartu eta EH Bildu aterako delako. Bi-biak batera etorri dira, gainera: sozialistek betoa jarri diete Bildukoei, haiekin berba ere ez dutela egingo ziurtatu baitute orbe... [+]
Ez gaude ohituta politikarien artean soldata murrizketak ikustera, alderantziz baizik, udal eta foru hauteskundeen, bai eta europarren eta autonomikoen ondorioz erakundeetan aldaketak dauden bakoitzean hala gertatzen da. Horregatik, justua eta beharrezkoa da Durangoko Udalak... [+]
1977ko udan Iruñea inguruko Arazuriko soroetan sartu ginen Askatasunaren Ibilaldia-ko milaka lagun, zutabeetan antolatuta eta ikurrinaz josita, Nafarroa Euskadi da oihukatuz. Hogei bat urte geroago, aukera izan nuen Juan Cruz Alli elkarrizketatzeko, eta pasarte hura... [+]
Ada Colauk Kataluniako hiriburuko alkate karguan segituko du, hauteskundeen kanpaina aurretik imajinatzen zaila zen testuinguru batean: PSCren aldeko zortzi botoen, lehen ministro ohi Manuel Vallsen hautagaitzaren hiru botoen –orain arte Ciudadanosek sostengatua– eta... [+]
Lehengo ekainaren 19an, Nafarroako Parlamentu berria eratzeko bilkuran ari zen bitartean, pareko espaloian, 25-30 bat gizon ageri ziren pankarta baten gibelean. Ez ziren presoen senideak, ez kolokan dagoen enpresa bateko langileak, ezta etor litekeen gobernuarekin kezkaturiko... [+]
Eratu dira udal berriak eta ezin esan ezusteko handirik egon denik. Udal hauteskundeen emaitzekin eta ondorengo itun iragarpenetik, dena edo gehiena aurreikusia zegoen. Beste behin ere, ezustekorik izatekotan Nafarroako herriren batzutan izango zen.
Azken minuturaino ibili dira negoziatzen PSN eta Geroa Bai. Azkenean PSNk haren alde egin du eta Hualde atera da legebiltzarreko lehendakari. EH Bilduk ere mahaian sartzea lortu du. Horrela lehen lau indarrak, Navarra Suma, PSN, Geroa Bai eta EH Bilduk ordezkaritza dute Mahaian.
Zer da hauteskundeetan emaitza onak lortzea? Ideologikoki, statu quo-arekin bat datozen alderdiek botere instituzionala eskuratzea izan ohi dute xede, eta gainera analisi politiko guztiak horretara makurtzea hobesten dute. Hauteskundeetan saritzen da ondo eginda dagoena. Eta... [+]
Zerk eragiten digu bozka egiten dugunean? Zer ideia, asmo eta emozio daude deman? Pentsamendu politiko lausoak ala sakon hausnartu eta gero geure pentsakeran erro sendoak hedatu dituzten kontsiderazio landuak? Ingurukoekin partekatzen dugun ideologia jakin bat edo inorekin hitz... [+]
Jose Luis Abalos PSE alderdiko Antolakuntza idazkari eta Espainiako Gobernuko Sustapeneko jarduneko ministroak iragarri zuen Maria Chivite lehendakari izateko aurkeztuko balitz EH Bilduren abstentzioa onartuko lukeela. Hala, Diputatuen Kongresuan UPNren babesik ez duela nahi ere... [+]
Ferrazek bidalitako mezuekin aste osoan zehar argi geratu da PSOEk ez zuela begi onez ikusten PSN Nafarroako Gobernuko lehendakaritza lortzeko saiakeran aritzea. Filtrazioez gain, Carmen Calvo Espainiako Gobernuko lehendakariordea eta Jose Luis Abalos ministroak PSNren bidearen... [+]
Xabier Iridoi zerrendaburu jeltzaleak bere burua hautagai ikusten du Irungo alkate izateko. Horrek PSE-EEren haserrea eragin du eta Irungo alkatetza haientzat izatea jeltzaleekin ituna osatzeko baldintzen artean ezarri dute sozialistek.
Horixe adierazi du Ramon Alzórriz PSNko antolaketa idazkariak asteazken arratsaldeko lehen orduetan Geroa Baiko ordezkariekin egin duen bileraren ondoren. Bilerak ikusmen handia sortu du eta hedabide ugarik jarraitu dute Foru Legebiltzarrean egin den haren aurkezpen... [+]
Caparrosoko (Nafarroa) jarduneko alkate Aquilino Jiménezekin akordioa egin du PSNk, Adelante Caparroso Aurrera (ACA) plataforma aurrerakoiarekin egin zezakeen paktua baztertuz. Jiménez ezaguna da herriko plaka frankistak kentzearen aurka agertu izanagatik.