Lan-erreformaren kontra bozkatzeko eskatu die gehiengo sindikalak EAJ eta Elkarrekin-Podemosi
ELAk, LABek eta ESK-k EAJri eta Podemosi eskatu diete kaleratzeak bultzatzen dituen eta lan-harremanen esparrua errespetatzen ez duen lan-erreformaren aurka bozkatzea. Hala jakinarazi diete bi alderdi politikoei, gaur, urtarrilak 31, egindako bileretan. Bilera horiek EH Bildurekin urtarrilaren 28an izandakoaren jarraipena dira. Sindikatuen ustez, ez da nahikoa hitzarmen kolektiboen esparrua defendatzea, eta premiazkoa da kaleratzeen araudia ere aldatzea.
Bi alderdi horiei gogorarazi diete bi gai horietan aldaketak egiteko neurri eraginkorrena erreformaren kontra bozkatzea dela, eta, horrela, negoziazioak hastea, CEOEk ezarritako betorik gabe. Era berean, lan erreforma bertan behera uzteko emandako hitza betetzeko eskatu diote Podemosi, Langileen Estatuturako oinarri berri gisa. Bide beretik, ikuspegi zentralizatzailea baztertzea eskatu diote, eta nabarmendu dute negoziazio kolektiboaren euskal esparrua ezinbestekoa dela lan-baldintzak hobetzeko. Azkenik, gogorarazi diote kontzertazio sozialak langileentzako murrizketak onartzea baino ez dakarrela.
ELA, LAB, ESK, Steilas, HIRU eta Etxaldek, euskal gehiengo sindikalak, gogor kritikatu dute akordioa, PPk eta PSOEk 2010ean eta 2012an ezarri zituzten Lan Erreformak indargabetzen ez dituelako. Dekretu honen bidez, langileentzat kaltegarrienak diren neurriak mantendu eta betikotu egingo direla azpimarratu dute.
Kongresuan datorren ostegunean, otsailaren 3an, egingo den konbalidazioari begira, Madrilen ordezkaritza duten alderdi batzuekin bilera sorta hasi dute, eta euskal langileen ahotsa eta aldarrikapenak defendatzea eskatu diete, beren lan- eta bizi-baldintzak duintzeko behar dituzten aldaketak bultzatuz eta defendatuz.
Sindikatuek 2010 eta 2012 artean ezarritako hiru lan-erreformak indargabetzeko eskatu diete alderdiei. Erreforma horiek patronalari aukera eman zieten negoziazio kolektiboa alde bakarrez indargabetzeko, langileak merke kaleratzeko, malgutasuna ezartzeko, eta estatalizazioa edo mugikortasuna inposatzeko, besteak beste. Sindikatuek nabarmendu dutenez, langileen lan-baldintzak prekarizatzeko tresna diren heinean, behin desagertuta, lan-erreforma berri baterako negoziazioari ekin beharko zaio.
Helburua erreforma horiek erabat indargabatzea bada ere, berehala aldatu beharko liratekeen eta bereziki larriak diren gaien bi mahai sortu dira: batetik, kaleratzeko erraztasunak; eta, bestetik, lan-harremanen euskal esparrua erasotzen duen negoziazio kolektiboaren estatalizazioa.
Horrekin batera, txosten bat bidali da, aipatutako bi gaiak aldatzeko beharrezkoak diren proposamen teknikoekin, bi helburu zehatzekin:
1. Patronalak kaleratze objektiboak egiteko orain dituen erraztasunei izapideak egitea.
2. Gure negoziazio kolektiboa kanpoko esku-sartzerik gabe errespetatzea.
Konbalidazio horretan, eta betiere erabateko indargabetzearen bidean, bi gai horiek aldatu ezean, sindikatuek akontra bozkatzea eskatu dute.
Atzo, urtarrilak 30, euskal langileak Madrilgo akordioaren aurka mobilizatu ziren, aurreko lan-erreformek aplikatutako neurri atzerakoiei amaiera emateko. Otsailaren 2an beste mobilizazio-egun bat egingo da lantokietan.
Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
"Gerra inperialistaren eta Europako estatuen berrarmatzearen aurka" mobilizatuko da Langileon Nazioarteko Egunean.
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.
Inbertitzailerik agertu ezean, Iruñeko Merkataritza arloko lehen epaitegiari egin dio proposamena Molins eta Andres abokatu bulegoak, Altsasuko enpresaren hartzekodunen konkurtsoko administratzaileak. Dumarey Belgikako taldeak fabrika erosteko saiakerak egin... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]
Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]
“Beste alde batera begiratzea” leporatu diete erakunde publikoei, eta baita eskualdeko borroka defendatzea ere.
Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko... [+]
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.