Araba, Bizkaia eta Gipuzkoan garraio publikoaren deskontuak mantenduko dira, oraingoz
Eusko Jaurlaritzak eta Foru Aldundiek aurreratu dute helburua %50eko deskontuarekin jarraitzea dela, baina oraindik Espainiako Gobernuaren erabakiaren zain daudela finantzaketa ziurtatzeko.
.jpeg)
Arabako, Bizkaiko eta Gipuzkoako Foru Aldundiak eta Eusko Jaurlaritzak adierazi dute garraio publikoaren deskontuak mantenduko dituztela, oraingoz, nahiz eta Espainiako Kongresuak —PP, Junts eta Voxen botoekin— asteazken honetan ez duen onartu garraioaren laguntzak barne hartzen dituen dekretu-legea.
Gaur egun, EAEn garraio publikoaren deskontua %50ekoa da: %30 Espainiako Gobernuak finantzatzen du, %10 Eusko Jaurlaritzak eta gainerako %10 Foru Aldundiek eta udalek. Espainiako Gobernuak dekretua ez onartzean, ez dute finantzatuko %30eko deskontu hori, beraz oraindik zehaztu gabe dago aurrerantzean zenbatekoa izango den deskontua.
Gipuzkoako Foru Aldundiak baieztatu du printzipioz Gipuzkoako Lurraldebus zerbitzuetan aplikatzen diren deskontuak mantendu egingo direla. Baina, aldundiaren mugikortasun departamentuak adierazi duenez, ez dute zehaztu zenbat denbora iraungo duten deskontuek, nahiz eta beste erakundeekin koordinazio lanetan ari direla azaldu duten.
Bizkaian, Bizkaibus eta Bilbobus autobusetako deskontuak ere %50ean mantenduko dira, Bizkaiko Foru Aldundiaren Garraio Departamentuak adierazi duenez. Baina, deskontu horiek mantentzearen erabakia Espainiako Gobernuarekin dituzten elkarrizketen araberakoak izango dela azaldu dute.
Araban, Alavabus eta Tuvisa zerbitzuetan deskontuak mantenduko dira gutxienez urtarrilaren 31 arte. Espainiako Gobernuak laguntzak berriro Kongresura bidaltzeko bideak aztertzen dituzten bitartean.
Lakuako Mugikortasun Iraunkorreko Sailak EFE-ri adierazi dio Espainiako Garraio Ministerioarekin harremanetan hasiak direla, laguntzen inguruko egoera argitzeko eta deskontuen auziaren jarraipena bermatzeko.
Pilaketak saihesteko, Euskotrenek aparteko neurriak ezarri ditu Bat txartel pertsonalizatua tramitatzeko. Neurriaren lehen hilabetean, nahikoa izango da NANa edo familia-liburua aurkeztea doako garraioa eskuratzeko.
Urtarrilaren 6az geroztik autobus linea berriak daude Zuberoan, Nafarroa Beherean eta Lapurdin. Halaber, zerbitzuen maiztasuna ere hobetu da, Euskal Hirigune Elkargoko Mugikortasun Sindikatuak eta RATP konpainiak elkarlanean bultzatutako egitasmoari esker. Bestetik, 12 urtez... [+]
Garraio publikoaren %50eko deskontuak sei hilabetez luzatuko ditu Nafarroako Gobernuak, 2025eko ekainaren 30era arte. Espainiako Gobernuak garraio-txartelaren kostuaren %30 hartuko du bere gain, eta Nafarroako Gobernuak %20. Aurreko urtearekin alderatuta, 2024ean garraio... [+]
Garraio publikoak erdi prezioan jarraituko du datorren urtean ere, Espainiako Gobernuak bere hobarien parteari eutsiko diola iragarri ostean.
Garraio publikoaren prezioa handitzea eta deskontuak kentzea “onartezina” dela kritikatu dute dozenaka pertsonak, Jauzi Ekosozialak eta Euskal Herriko Eskubide Sozialen Kartak deituta. Langile klasearentzako “zama gehigarri bat” izango litzatekeela eta... [+]
Gipuzkoako Foru Aldundiak Avanza enpresarekin duen kontratua amaitzear denean, hura ez luzatzeko eta “zerbitzuan hobekuntzak” jasoko dituen kontratu berria onartzeko eskatu diote Debagoieneko alkateek.
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Garraio publikoa dohainik erabili ahal izango dute 12 urtetik beherako EAEko haurrek. Administrazio gehienek babestu dute neurria, eta datorren urteko urtarriletik aurrera sartuko da indarrean.
Japonian auto (pribatu) bat izateko aparkaleku (pribatu) bat izatea derrigorrezkoa da. Neurria polemikoa iruditu dakiguke, hemengo araudiak (hemengo balore sistemak) autoaren gordailua publikoa den espazioak hartzea onartzen duelako. Hau da: arazoa publikotasunaren... [+]
Garraio publikoaren zerbitzuaren gainbeheraren barruan, alde estetiko hutsa bada ere, ohikoa bilakatu da trenak margoturik ikustea eta, behingoagatik bada ere, ez da arrazoi ekonomiko hutsengatik, langileek azaldu dutenez.
Sektoreko gidarien "egoera prekarioa" salatu eta lan baldintzak hobetzeko premia azpimarratzeko egin dituzte deialdiak CCOO eta UGT sindikatuek. Hiru sindikatuak eskaerak "oso motz" geratu direla kritikatu du. Hego Euskal Herrian 50.000 langile inguru daude... [+]
Bilboko itsasadarraren bi aldeak ur azpitik lotu gura dituen tunela egiteko asmoa du Bizkaiko Foru Aldundiak, baina makroproiektuaren kalteak eta gastatuko den dirutza kritikatzen ditu Subflubiala Ez plataformak. Kanpaldia deitu dute asteburu honetarako, proiektua bertan behera... [+]