EAEko hezkuntzako sistemaren diagnostikoa aurkeztu du Jaurlaritzak: %6,5ekoa da bertan eskola-uzte goiztiarra, 2 urteko haurren %92,3 eskolatuta dago eta 16 urtez gorako ikasleen %97,9k derrigorrezko hezkuntzaren ondoko ikasketekin jarraitzen du. Pandemiak hezkuntzak izandako eragina ere aztertu du: ikasleen %72,3 desmotibatuago sentitu da ikasteko eta %65,4k uste du bere maila akademikoa jaitsi egin dela.
Jaurlaritzako Hezkuntza Sailak Euskal Hezkuntza Sistemaren Diagnostikoa egin du. Bertan eman dituzten datuen arabera, egun EAEn 1.222 ikastetxe daude, eta 387.000 ikasle inguru (Haur Hezkuntza, Lehen Hezkuntza, DBH, Batxilergoa, Lanbide Heziketa eta Helduen Heziketa). Hona hemen diagnostikoa aurkeztean eman dituzten hainbat adierazleren datuak:
- 2 urteko haurren %92,3 eskolatuta dago eta 3 urteko haurren %99.
- 25 urtetik 64ra bitarteko herritarren %53,4-k goi-mailako ikasketak dituzte.
- 30 eta 34 urte bitarteko biztanleen artean, %59,6k goi-mailako ikasketak ditu. "2020rako Europako helburua %40koa zen", Hezkuntza sailak ohartarazi duenez.
- DBHko graduatuen maila %86koa da.
- 16 urteko ikasleen %97,9k derrigorrezko hezkuntzaren ondoko ikasketekin jarraitzen du.
- EAEn %6,5ekoa da eskola-uzte goiztiarra. Jaurlaritzaren hitzetan, "alde handiz, eskola-uzte goiztiarraren tasarik baxuena duen Autonomia Erkidegoa da, Europak (%10,1) zein Estatuak (%16) dituzten portzentajeetatik behera".
- Ikasturtea errepikatu dutenen kopurua DBH-ko 4. mailan %3,9ko da, eta DBHko lehen eta bigarren mailetan %6,2koa.
Jaurlaritzaren arabera, "EAEk bere BPGaren %5,14 bideratzen du hezkuntzara, Europako batez bestekoaren gainetik (%4,7). Ikasle bakoitzeko kopurua 6.720 eurokoa da, Estatuko eta gainerako Autonomia Erkidegoetako batez bestekoaz oso gainetik. Zenbateko hori 9.415 eurora igotzen da sare publikoko ikasleen kasuan".
Hezkuntza Sailak ISEI/IVEI erakundearen bidez COVID-19ak EAEko Hezkuntza Sisteman izan duen eragina aztertu du, martxoan egindako Ebaluazio Diagnostikoa baliatuta. Kontuan izan beharrekoa baita aurtengo ikasturtean pandemiak baldintzatu duela presentzialtasuna eta aurreko ikasturteko azken hilabeteetan etxetik jarraitu behar izan zutela ikasleek eskola. Aurreko edizioetan ikastetxe guztiek derrigor egin izan dute Ebaluazio Diagnostikoa baina aurten borondatezkoa izan da eta Lehen Hezkuntzako 4. mailako ikastetxeen %32,3k eta DBHko 2. mailan gelak dituzten ikastetxeen %40,1ak hartu dute parte.
Hezkuntza sailak azaldu duenez, beste urteetako antzeko datuak jaso dituzte aurten Lehen Hezkuntzako 4. mailan, baina jaitsiera sumatu da DBHko 2. mailan. "Lehen Hezkuntzan, igoera txiki bat hauteman da aztertutako 6 arloetatik 4tan (arloak honako hauek dira: euskararako, gaztelaniarako eta ingeleserako konpetentzia; matematikarako konpetentzia; zientzietarako konpetentzia; eta ikasten eta pentsatzen ikasteko konpetentzia). DBHn, ia konpetentzia guztietan ikusten da jaitsiera txikia".
Ondorio akademikoez gain, eragin hauek izan ditu pandemiak ikasketa prozesuan:
- Pandemiaren eta haren ondorioen ondorioz, ikasleen %72,3 desmotibatuago sentitu da ikasteko. "Ez nago ikasteko motibatuta" esaldiaren aurrean, %39,6 pixka bat identifikatuta sentitzen da, %19,2 nahiko identifikatuta eta % 13,5 oso identifikatuta.
- Hiru ikasletik bik (%65,4) euren maila akademikoa jaitsi dela uste dute. %33,9 nahiko edo asko identifikatzen da esaldi honekin: "Nire maila akademikoa jaitsi egin dela konturatu naiz".
- "Antsietate edota estres handiagoa dut": %28,8 pixka bat identifikatuta sentitzen da, %18,5 nahiko identifikatuta eta beste %18,5 oso identifikatuta.
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Ekain amaieran, Hezkuntza Sailak ehunka irakasle funtzionario izendatu ditu: praktikaldia egitea falta dute, bai eta, irailetik aurrera, mediku-azterketa ere.
Azkeneko deialdian, mediku-azterketa azpikontratatu egin zuen Hezkuntza Sailak. Azpikontratatu zuenean,... [+]
Zein egitura behar ditugu herrian, haurrek herriko erabakietan parte har dezaten edota beharren bat badute bideratzen jakin dezaten? Galderari tiraka esperientzia pilotua egin dute lau herritan eta emaitza ezberdina izan da lauretan. Prozesua gidatu duen Oinherri Herri... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]