EAEko sektore publikoko greba egunaren baitan mobilizazio ugari
ELA, LAB, CCOO, ESK, SATSE eta Steilas sindikatuek greba eguna antolatu dute apirilaren 22 honetarako, Araba, Bizkaia eta Gipuzkoako sektore publiko guztian. Manifestazioak abiaturik dituzte Bilbon, Donostian eta Gasteizen.
Kalitatezko zerbitzu publikoak segurtatzeko gisan, lantaldeak egonkortzea eskatzeko eta gehiegizko behin-behinekotasun tasak salatzeko dira greban gaur Araba, Bizkaia eta Gipuzkoako sektore publikoko langileak. Karia horretara, abiatu dituzte manifestazioak Donostian, Bilbon eta Gasteizen:
Hasi dira manifestazioak. Bideoan Bilbo. APIRILAK 22 EAEko ZERBITZU PUBLIKOETAN #GREBA#ZerbitzuPublikoenAlde#Kontsolidazioa #PribatizaziorikEz
— STEILAS sindikatua (@STEILAS_) April 22, 2021
Batu mobilizazioetara pic.twitter.com/6lXR2LejaI
Greba mugimenduak "jarraipen zabala" duela zehaztera eman dute sindikatuek. "Enplegu publikoaren behin-behinekotasunaren arazo larriaren eta lanpostu publikoen suntsiketaren aurrean" premiazko neurriak har ditzala eskatzen diote ELA, LAB, CCOO, ESK, SATSE eta Steilas sindikatuek Eusko Jaurlaritzari. CNT sindikatuak ere mezu bera zabaltzen du, grebara deituz: "Bada garaia sektore publikoko prekarietatearekin amaitu behar dugula argi uzteko". Mobilizazio nagusiak 11:30ean izanen dira Bilbon, Donostian eta Gasteizen.
Sindikatuek deitoratu dute greba egun honen baitan Eusko Jaurlaritzak "inoizko gutxieneko zerbitzu handienak" ezarri izana. COVID-19aren birusa "aitzakia bihurturik" greba eskubidea urratu izana salaturik, Gutxieneko Zerbitzuen Aginduaren aurka dagokion errekurtsoa jarriko dute sindikatuek.
%38,7 dira behin-behinkekotasunean EAEn
Lan eremuaren malgutasuna eta honek dakarren prekaritatea dira neoliberalismoak ezinbesteko dituen bi osagai, definizioz sektore publikoarekin bat ez doazenak. EAEn ere hori errealitate dugu: publikoko langileen behin-behinekotasuna %38,7koa, arloka ezberdintasun handiak dituztelarik: %58 dira Osakidetzan, %56 administrazio orokorrean, %48 hezkuntzan, %44 Justizian, %30 udaltzainen artean eta Ertzaintzan adibidez ez da behin-behinekorik. Gainera, egoera prekario honek denboran irauten du, jakinik –beti ere sindikatuek emandako zifreen arabera– behin-behinekoen %50 inguru bost urtetik gora daramatela egoera honetan. Beste behin ere emakumeak dira gehien hunkiak: hamar langiletik zazpi emakumeak dira.
Europar Batasunak ere dio behin-behinekotasunarekin bukatu behar dela. Are gehiago, Europako Justizia Auzitegiak ere "administrazioen gehiegikeriak" salatu izan ditu. Zehazkiago,1999ko zuzentarau batek dio konponbide bat eman behar zaiola behin-behinekotasunaren gehiegizko erabilerari. Espainiako Gobernuak ez du zuzentaraua oraindik bere egin eta Bruselaren partetik ere jasotzen ditu zuzentaraua errespetatzeko eskaerak.
Eusko Jaurlaritzak iragarririk du ondoko lau urteetan 10.000 lanpostutarako eskaintza publikoa eginen duela, eta horrez gain, behin behinekotasuna murrizteko proposamen bat ere egina du, Kidego eta Eskalen legearen erreformarako egitasmoan. Egindako kritiken aitzinean, Espainiako Gobernuak Enplegatu Publikoaren Oinarrizko Estatutua erreformatzeko aukera zabaldu du eta horrek ukanen luke eragina EAEn ere, honen menpe daudelako erkidegoetako legeak. Oraingoz, ezer ez dutenez definiturik eta erabakirik, presionatzeko tresnatzat dute gaurko greba eguna langile-sindikatuek.
Arazo bera Nafarroan ere
Greba eguna ez badute ere, errealitate bera dute Nafarroako administrazioetan ere: "Enpleguaren egoera gero eta kezkagarriagoa da Nafarroako administrazioetan. Enpleguaren suntsitzea, ezegonkortasuna eta enplegu publikoa sortzeko borondate eza sintoma gero eta larriagoak dira, eta eragin negatiboa dute langile publikoen lan-baldintzetan. Zerbitzu publikoak modu kontzientean ahultzen ari dira urteetan zehar gobernuak. Hala, zenbagaitzak dira pribatizatuak izan diren zerbitzu publikoak. Administrazio guztietan dauden behin-behinekotasun mailak onartezinak dira", ELA, Steilas eta ESK sindikatuek apirilaren 21ean egindako irakurketaren arabera.
Dena dela, joera liberala orokorturik da eta Ipar Euskal Herrian ere mobilizatu ohi dira kalitatezko zerbitzu publiko baten alde.
Bezperako zentsura mozioa dela medio, Frantziako Gobernua erori izanak ez ditu herritarrak etxean geldiarazi eta jarraitua izan da CGT, CFDT, Unsa, FSU, Solidaires, CFE-CGC eta FA-FP sindikatuek, baita LABek ere deituriko greba eguna.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]
Arabako zahar egoitzen egoera lehen planora pasa da berriz ere azken asteetan. Zaintza Araba elkarteak Gasteizko Arabarren eta Laudioko San Roque erresidentzietako egoiliarrei ematen zaien tratua salatu dute, hainbat senideren testigantzak jaso ondoren. Langileen lan-baldintza... [+]
"Duintasuna urratzerainoko gertakariak" sarri errepikatzen direla seinalatu dute egoitza horretako senideek Arabako Foru Aldundiari bidalitako gutunean. Aldundiak dio egoera ez dela "hain larria".
Nafarroan hezkuntza publikoko milaka irakasle greba egitera daude deituta ostegun honetan eta mobilizazio ugari iragarri dituzte sindikatuek. Ratioen jaitsiera, plantillak egonkortu eta gainzama arintzea eskatzen dute, besteak beste: "Gobernuari dagokio hezkuntza publikoa... [+]
Aurreko urte bukaeran Elizondoko zahar-etxearen kudeaketa publifikatzeko jauzia eman zuen Baztango Udalak, eta geroztik, haren esku gelditu da egoitzaren antolaketa. Eskualdaketa horrekin batera, elikaduraren alorrean eraldaketa sustatzea izan da udalaren erabakietako bat... [+]
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Otsaila da iaz ekoiztutako pelikula uzten sari banaketaren hilabetea. Zinemara joateko aitzakiarekin, arkitektura eta hiria oinarri dituen Wim Wenders-en Perfect Days ekarri nahi dut hizketaldira.
Pelikularen sinopsi zabalduan irakurri daiteke komun publikoetan garatzen dela... [+]
Igande iluntzean bozkatu dute TUVISAko langileek udalaren azen eskaintza onartu edo ez. Eskaintza ez onartu eta grebari eustearen alde bozkatu du gehiengoak, baina, enpresa batzordearen lehendakariak azaldu duenez, “grebarekin jarraitzeko beharrezko portzentajera ez... [+]
Hirugarrenez hilabete gutxitan grebara joko dute sektore publikoko langileek lan baldintzak negoziatzeko "borondate politikorik ez dagoela" salatzeko. Martxoaren 12rako deitu dute lanuztea ELA, LAB, CCOO, Steilas eta ESK sindikatuek. Oraingoan Satse sindikatua ez da... [+]