EAEko Hezkuntza Publikoan greba eguna dute gaur
ELA, CCOO eta Steilas sindikatuek mobilizazioak deitu dituzte astearte honetan Euskal Autonomia Erkidegoko hiriburuetan, Euskal eskola publikoko lan-baldintzak “hobetzea” helburu izanik. UGT eta LABek ez dute lanuzteekin bat egin. Deitzaileek jakinarazi dute langileen %55 baino gehiagok egin duela bat grebarekin.
Greba babestu duten langileen kopurua %55 baino altuagoa izateaz gain, "milaka langilek parte hartu dute EAEko hiru
hiriburuetako manifestazioetan", sindikatuek nabarmendu dutenez. "Hori guztia kontuan hartuta Eusko Jaurlaritzak ezarritako gutxieneko zerbitzuak gehiegizkoak izan direla: milaka langileri greba eskubidea ukatu zaie, eta greba bera
baldintzatu dute gutxieneko zerbitzuek".
29.000 langile zeuden grebara deituak
Unibertsitateaz kanpoko eta hezkuntza bereziko irakasleak daude deituta gaurko grebara, bai eta sukaldeetako eta garbiketako langileak ere. Mobilizazioak deitu dituzte Gipuzkoa, Bizkaia eta Arabako hiriburuetan, zerbitzu publikoak indartu eta lan-baldintzak hobetzea eskatzeko. Sindikatuek adierazi dute deialdi honek “bat egiten duela” EAEko sektore publiko osoan urriaren 25erako eta abenduaren 19rako deitutako bi greba egunekin. UGT eta LABek, ordea, ez dute deialdiarekin bat egin.
Aldarrikapen nagusien artean kokatzen dira langileen lan-karga arintzea –ordutegietan kudeaketa orduak handituta–, egungo ikasleen errealitateari erantzuteko baliabideak ematea eta azken urteetan galdutako erosahalmena berreskuratzea –dagoeneko galera hori %20ra iritsi baita–. Horrez gain, lantaldeak gaztetzea, lanpostuak egonkortzea, LEP eredua eguneratzea eta benetako behin behinekotasuna %8ra murriztea dira eskakizunetako batzuk.
Sindikatuek adierazi dute, finean, langileei eta ikastetxeei arreta emateko zerbitzuak “ez duela funtzionatzen”. “Hezkuntza saila bunkerizatu egin da eta albo batera utzi ditu langileak eta ikastetxeak”, azpimarratu dute sindikatuek eginiko agerraldian.
Salatu dute EAEko Hezkuntza Legearen proiektuaren testuinguruan lan baldintzei dagokienez publiko egin diren akordioak “ez direla nahikoak”, eta zehaztasunik ez izateaz gain, aldarrikatzen dituzten edukiei ez dietela erantzunik eman. Eusko Jaurlaritzako Hezkuntza Sailari eskaera garbia egin diote: “bertan behera utz dezatela pribatizatzen eta prekarizatzen duen hezkuntza politika”. Sindikatuen helburua da planteatzen dituzten “hobekuntza” guztiak negoziatzea eta sektoreko hitzarmen berrietan jasotzea.
LABek ez du deialdia babestu
Publiko eginiko ohar baten bitartez adierazi du LABek ez duela “astearteko lanuzteekin bat egingo”. Adierazi du greba deialdi honetan jasotako aldarrikapenak “orokorrak” direla eta urriaren 25erako eta azaroaren 19rako deitutako sektore publikoko aldarrikapenetan txertatuta daudela. Hain justu, horietan jarri ditu “indarrak” LABek.
Erik Etxartek, Sophie Layusek eta Antton Etxeberrik osatutako lehendakaritzak ordezkatuko du Peio Jorajuria, 2019tik Seaskako lehendakari dena.
Scientia funts pribatuak Bilboko San Pedro Apostol eskola erosi, eta langileen eskubideak eta hezkuntzaren kalitatea hondatu dituela salatu dute. Bederatzi hilabete daramate langile batzuk soldatarik gabe, eta Eusko Jaurlaritzaren esku-hartze eza kritikatu dute.
Sortzen eta Ratioak Jaitsi 0-18 elkarteek Legegintzako Herri Ekimen bitartez egin dute eskakizuna eta alderdi guztiek agerraldia onartu dute. Europar Batasunak Foru Gobernuari ratioak murrizteko egindako gomendioan du oinarria nafar gurasoen aldarrikapenak.
Gabonen erroa kristaua dela jakinda ere, erreferentzia katolikorik ez duten kantuak abestea erabakia du (edo eztabaida horretan dihardu) gero eta ikastetxe gehiagok, eskolaren printzipioetako bat laikotasuna dela oinarri hartuta.
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Arratsaldeko lehen orduetan, 14:30ak aldera, Nafarroako ikastetxe publikoetako 30en bat langile sartu dira Iruñeko Nafarroako Hezkuntza Departamentuaren egoitzan eta sarreran eserialdia egin dute. Lehen ekintza gisa planteatu dute eta, adierazi dutenez, honen bidez... [+]
II. kongresuan aurkeztu duen berritasun esanguratsuenetako bat da. Orain arte Bigarren Hezkuntzara zuen bideratua bere jardun politikoa eta hemendik aurrera unibertsitateetan eta Lanbide Heziketan ere arituko dira. Euskal Hezkuntza Sistema Publiko Komunitarioa aldarrikatu du... [+]
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Ongi ezagutzen ditu eskola partikularretara doazen ikasleak Aitziber Ibarbiak. 25 urte inguru daramatza matematika, fisika eta kimikako partikularrak ematen, batez ere Batxilerrekoei. Irakasle on eta txarrez, ikasgelan sortzen diren erritmo ezberdinez, azterketak zuzentzeko... [+]
Gogoratzen al duzue? Legebiltzarreko %90ak onartu zuen Hezkuntza Akordioa duela bi mende –barkatu, bi urte–. Ezkerraren biltzarkideen erreakzioa euforiaren eta neurriko gogobetetasunaren artean mugitu zen. Onarturiko dokumentuaren arabera, zentro pribatuek diru... [+]