Salatu dute EAEko Hezkuntza itunak ez duela publikoaren aldeko apustua egiten
Euskal Eskola Publikoaz Harro plataformak kontzentrazioa egin du legebiltzarraren aurrean. EAJ, PSE, Elkarrekin-Podemos eta EH Bildu alderdiek adostutako aurreakordioaren aurka egin du. Plataformaren ustetan “hezkuntza pribatuaren alde” egiten du testuak, segregazioaren aurkako neurriak ez dira eraginkorrak izango, eta euskaran “atzerapauso nabarmena” ematen du.
Legebiltzarrean gaur bildu da Eusko Legebiltzarreko Hezkuntza Batzordea, Hezkuntza ituna onartzeko. Legebiltzar kanpoan dozenaka pertsona batu da Euskal Eskola Publikoaz Harro plataformak deituta, 'Akordio hau ez da hezkuntza publikoak behar duena' lelopean.
Plataformak hainbat kritika egin dizkio itunari. Hasteko, “hezkuntza pribatuaren alde” eta hezkuntza publikoaren “kontra” egiten duela salatu du. “Abiapuntua ‘Euskal Hezkuntza Zerbitzu Publikoa’ izango da, ikastetxe bakoitzaren titulartasuna lausotzen duen kontzeptua, (...) Bi sareen sistema diskriminatzailea ez da gaindituko ‘Euskal Hezkuntza Zerbitzu publikoa’-ren parte izanik eta baldintza batzuk betez. Titulartasun pribatuko ikastetxeek ez dituzte inoiz baldintza horiek bete. Zergatik pentsatu orain beteko direla? Zer neurri, orain arte egon ez direnak, ezarriko dira bete daitezen?”.
Segregazioa eta euskara
Eskola segregazioaren aurka aurreakordioak jasotzen dituen neurriak ez direla eraginkorrak izango uste du plataformak: “Udal matrikulazio bulegoak ‘familiei matrikulazioa egiten laguntzeko’ izango dira, beraz, ikastetxe pribatuek familiak “filtratzeko” aukera izaten jarraituko dute”, azaldu dute, besteak beste.
Azkenik, euskararen alorrean aurrera egin ordez atzera egin dela azpimarratu dute: “Murgiltze eredua bertan behera geratu daiteke, ikastetxe bakoitzaren esku uzten baita hizkuntza proiektua sortzea”.
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Ekain amaieran, Hezkuntza Sailak ehunka irakasle funtzionario izendatu ditu: praktikaldia egitea falta dute, bai eta, irailetik aurrera, mediku-azterketa ere.
Azkeneko deialdian, mediku-azterketa azpikontratatu egin zuen Hezkuntza Sailak. Azpikontratatu zuenean,... [+]
Zein egitura behar ditugu herrian, haurrek herriko erabakietan parte har dezaten edota beharren bat badute bideratzen jakin dezaten? Galderari tiraka esperientzia pilotua egin dute lau herritan eta emaitza ezberdina izan da lauretan. Prozesua gidatu duen Oinherri Herri... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]