Haur eta nerabeen pobrezia arriskua handitu egin da Hego Euskal Herrian pandemiaren ostean
Araba, Bizkaia eta Gipuzkoako adingabeen pobretze prozesua hazi da gehien azken bi urteetan. Haurtzaroaren Plataformak "egiturazko arazoa" dela salatu du, eta gazteenen "beharrak eta osasuna" bermatzeko neurriak exijitu ditu.
Araba, Gipuzkoa eta Bizkaian adingabeen pobrezia maila igo egin da COVID-19 pandemiaren ostetik: haur eta nerabeen %12,2k pobrezia edo gizarte bazterketa sufritzen dute. Nafarroan ez da horrenbeste azkartu igoera, baina %9,8koa da pobrezia tasa. Haurtzaroaren Plataformak eman du asteartean datuon berri, INE Espainiako Estatistika Institutuaren inkesta batean oinarritutako txosten baten bidez.
Espainiako pobrezia datuak
EAEn Espainiako Estatuan baino gehiago hazi da pobrezia azken bi urteetan, baina ez dago maila berdinean oraindik: %33koa da Espainian. Europako Batasunean adingabeen pobrezia-tasa handiena duen bigarren herrialdea da Espainia, Errumaniaren atzetik. "EBko gainontzeko herrialdeetan baino pobrezia handiagoa dago, eta gainera, erritmo azkarragoan ari da areagotzen", azaldu du Joffre Lopez ikerketaren buruak, Naiz-ek jaso duenez. Gehiena Murtzian, Extremaduran eta Andaluzian dute: gazteenen %40 dago pobrezia egoeran.
Espainiak EBn adingabeen pobrezia-tasa handiena duen bigarren herrialdea da, Errumaniaren atzetik
Espainia mailako datuek erakutsi dute kaltetuenak 11 eta 17 urte arteko gazteak direla, eta gehienbat guraso bakarreko familietan bizi direnak. Halaber, atzerritik etorritakoek pobrezia sufritzeko arrisku handiagoa dute: 16 urtetik beherako adingabeen artean, Espainiako herritartasuna dutenen %21,7ez du bere beharrak asetzeko baliabide nahikorik; EBko beste herrialde bateko jatorria dutenen %40,3; eta EBtik kanpo heldutakoen %66,1.
Administrazioari neurri eske
Txostenaren egileek "egiturazko arazoa" dela ondorioztatu dute, eta administrazio publikoari irtenbideak exijitu dizkio. Besteak beste, eskatu dute familien diru laguntzak handitzea eta luzeagoak izatea –haurrak 3 urte egin arte da orain, eta sei urtetaraino luzatzea nahi dute–, edota 18 urtetik azpikoei hilean 100 euroko diru laguntza emateak "emaitza esanguratsuak" emango lituzkeela uste dute.
Horretaz gain, Bizitzeko Gutxieneko Diru Sarreraren laguntzak jasotzeko baldintzak malgutzea eskatu du Haurtzaroaren Plataformak, eta umeentzako zerbitzu publikoak zabaltzea: hala nola, jantokia, haur eskola ala osasun zerbitzuak.
.jpeg)
Paris 365 elkarteak 15 urteurrena ospatu zuen larunbatean Geltokin. 15 urte gosariak, bazkariak eta afariak egunean euro baten truke zerbitzatzen urteko 365 egunetan horren beharra duten guztiei. “Atsedenik gabe”, azpimarratu nahi izan zuten bezala. Horrez gain,... [+]
Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du,... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Kaleko Afari Solidarioak (KAS) egitasmoko kidea da Ixiar Gonzalez Gurrutxaga. Donostiako Udalak asteazkenean debekatu egin die behar dutenentzako otordu beroak eskaintzen jarraitzea. 18:00etan prentsaurrekoa deitu dute beren erantzunaren berri emateko. "Hiru aukera ditugu:... [+]
Donostiako Kaleko Afari Solidarioak (KAS) taldeak ezin izango ditu otorduak eman ostegunetik aurrera, Egian behintzat. Hala jakinarazi diete udaltzainek asteazken iluntzean, ahoz, antolatzaileei, baimenik ez dutela eta Donostiako Udalaren erabakia dela argudiatuta. Asteazken... [+]
Bizi garen mundu frenetiko zein zorabiagarri honetan, pixkanaka gertatzen diren gizarte-aldaketak batzuetan antzemanezinak, garrantzirik gabekoak edo hutsalak direla iruditzen zaigu. Hala ere, ez da horrela, eta jakitun izan behar dugu tentuz jokatzeko. Horren adibide, azken... [+]
Europako Funts Sozialen ataletik Elikagaien Bankuetara bideratzen zuten urtero dirua eurek bidera zezaten janaria behar gehien duten herritarren artean. Aldaketa iritsi da kudeaketara orain: adin txikikoak dituzten familiei diru-txartelak emanen dizkiete produktuak erosteko. 130... [+]
EAEko haurren %6,4ak eta Nafarroakoen %10,2ak ikusmen pobrezia du. Visión y Vida elkarte espaniarrak egin du estatuko azterketa. Txostenaren arabera, ikusteko arazoak dituzten haurren eragozpen larriena da ez duela minik egiten, eta familiek, baliabide ekonomikorik ez... [+]
Oxfam Intermon-en txostenak ohartarazi du planetak dituen erronka handienei, hala nola krisi klimatikoari, eta pobrezia eta desberdinkeria iraunkorrari aurre egiteko ahalegin globalak mehatxupean daudela. “Boterea ultraaberatsen eta megaenpresen eskuetan pilatzen ari... [+]
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.