EAEko gazteek etorkizunarekiko dituzten aurreikuspenek okerrera egin dute
Gazteek egungo egoera eta etorkizuna nola ikusten duten jakiteko, 15-29 urteko EAEko herritarrak galdekatzen ditu urtero Gazteen Euskal Behatokiak, eta azken edizioko emaitzetan nabaria da pandemiaren eragina. Ekonomiari, lanari eta aisiari lotuta, aurreikuspen txarrak egin dituzte gazteek.
2021eko abenduan egindako inkestaren emaitzak eman ditu Behatokiak. Bederatzi edizio ditu inkestak, eta gogobetasun pertsonalean emaitzarik txarrenak eman ditu azken honek. Egungo egoeraren balorazioak ere nabarmen egin du behera, gazteen artean.
Lana lortzea, zaila
Enplegua galtzeko edo lan-baldintzek okerrera egiteko gazteek hautematen duten arriskuak 6 puntuko beherakada izan du, aurreko urtearekiko. Enplegua aurkitzeko aurreikuspenak ere behera egin du: 2019ko erantzunekiko, 30 puntu behera.
Gurasoekin bizitzen
Azken boladako aurreikuspenak ez dira asko aldatu emantzipatzeko aukerari dagokionez. Urtebeteko epean beren kontura bizi nahi duten eta hori lortzerik izango ez dutela uste duten gazteen portzentajea %42koa da.
Etorkizunean konfiantzarik ez
Bost urteko epean egoera pertsonalak, gazteen egoerak eta EAEko egoerak izango duten bilakaera oso ezkor ikusten dute gazteek: etorkizunarekiko konfiantza-indizea serieko okerrena izan da.
2021eko abenduan, 15-29 urte arteko 4.356 gazte galdekatu zituen Behatokiak, inkesta bidez. Elkarrizketa sakonak ere egin zizkion hainbat gazteri. Pandemiaren seigarren olatuan murgilduta, horrek emaitzetan eragina izan duela diote txostenaren egileek, ez bakarrik lanarekiko pertzepzioan, baita osasun fisiko eta mentalean eta aisiaren eta gizarte harremanen esparruan ere.
Joan den uztailean, hilabete batez, 127 gaztek 400 kilometroko espedizioa oinez egin dute Euskal Herrian gaindi. Abenturazale haiek Jzioquitarrak deitzen dira eta 30 egunez, 27 herri bisitatu eta hainbat euskal eragile ezagutu dituzte. Aurten, EuskarAbenturako helburuak aise... [+]
Uztailaren 19an, 8:00etan zegoen gaztetxea husteko agindua emanda. Momentuz, lortu dute desalojoa atzera botatzea. Zestoako Gazte Asanbladak Bilboko Aresti Zentro Sozialistaren desaloa jasan zutenei elkartasun osoa adierazi die.
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Neska gazteok ez dugu zaintzen, guk ez dugu grebara joateko arrazoi garrantzitsurik. [...] Zeren “benetako” arrazoiak, “benetako” lana, “benetako” greba, “benetako” dena beste batzuena baita beti.
Gazte antolakundeak "amorrua anbizio bilakatzeko gaitasuna" azpimarratu du. Atxiloketa prozesuaren atzean dagoena salatzea ez ezik, Ernairen norabidea zehaztu du.