EAEko frackingaren aurkako legeari helegitea jarriko dio Espainiako Gobernuak
Espainiako Ministro Kontseiluak haustura hidraulikoa oztopatzen duen EAEko legeari helegitea aurkeztuko duela iragarri du. Gobernuaren esanetan, Gasteizko Legebiltzarrak 2015eko ekainean onartutako legea ez da Espainiako Konstituzioarekin bateragarria, “meatzaritzari eta energiari buruzko Estatuaren oinarrizko araudia urratzen baitu”.
Beste autonomia erkidego batzuetako –Nafarroa barne– frackingaren aurkako legeei helegiteak aurkezteko erabilitako bide beretik jo du Espainiako Gobernuak. Kontuan izan behar da, ordea, aipatutako kasuetako legeek frackinga erabiltzeko debeku esplizitua ezartzen zutela, EAEkoak ez bezala. Gaur egun lege horiek indargabetuta ditu espainiar Konstituzio Auzitegiak.
EAEko legea onartu eta oso gutxira agertu zuen Espainiako Gobernuak helegitea aurkezteko asmoa. Nolanahi, asmo hori ez zuen berehala gauzatu. Hainbat hilabetez, Espainiako Estatuko eta EAEko administrazioen arteko Bitariko Lankidetza Batzordean arau berriaz eztabaidatzen jardun dute bi aldeek. Azkenik, ordea, helegitearen bidea hartu du Moncloak, horretarako epea agortzear zela, eta funtsean orain arte erabilitako argudio berberei eutsiz: frackingari buruzko EAEko legeak eskua sartzen du estatuari baino ez dagozkion eskumenetan.
“Herritarren burujabetasunaren aurkako erabakia”
Fracking Ez plataformak burujabetasunaren aurkako erasotzat jo du helegite iragarpena: “Gogorarazi nahi dugu Legebiltzarrak onartu zuen legea ez zela izan ohiko lege ekimen bat, baizik eta herritarren Ekimen Legegilearen inguruan bildutako gehiengo sozial baten isla”. Jarduneko gobernu batek halako neurri bat hartzea zentzugabekeria handia dela gaineratu dute, batez ere gobernu horretan dagoen alderdiak, PPk, Eusko Legebiltzarrean legearen alde bozkatu zuela kontuan izanda.
Fracking Ez-ek gogoan izan du, halaber, Maria del Carmen Lopez de Ocarizek 2015eko urriaren 29ko Legebiltzarreko osoko bilkuran EAJri egindako salaketa larria. Zehazki, Lopez de Ocarizek jeltzaleei leporatu zien Madrilgo Gobernuari deika aritzea, frackingaren aurkako legeari helegitea eskatzeko eskatuz, EAJk publikoki legea babestu arren. Ez alderdiak ez Jaurlaritzak ez zuten erantzun argirik eman gaiari buruz.
Azkenik, Fracking Ez-ek adierazi du haustura hidraulikoa EAEn arautzen duen legeari buruzko gorabeherak ez direla kontu “tekniko edo juridiko soila”. Aitzitik, eztabaidaren muinean frackingak duen babes soziala –zehazkiago, haren falta– jartzen du plataformak. Horregatik, Eusko Jaurlaritzari SHESAren bidez aurreikusita dituen zulatze proiektuak bertan behera utz ditzala eskatu diote beste behin, legearen etorkizuna edozein dela ere.
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Rapero ezaguna zen TíoBad gaztea Sayula de Aleman (Veracruz, Mexiko) herrian eta haren oihartzuna askoz urrunago ere heldu zen, Mexikon Barrena AEBetaraino. Bertsotan salatzen zituen narkotrafikatzaileekin elkar hartzen duten agintariak, kazetari eta ekintzaileen... [+]
Euskadiko Hidrokarburoak (SHESA) enpresa publikoak Espainiako Ingurumen Ministerioaren oniritzia jaso du Armentia 2 putzuan lanak hasteko. Zulaketak egiteko baimena eskuratzea Eusko Jaurlaritzaren, Arabako Aldundiaren eta Gasteizko Udalaren ardura dela adierazi du Fracking... [+]
Espainiako Biodibertsitaterako eta Ingurumen Kalitaterako Zuzendaritza Nagusiak egindako ingurumen-inpaktuaren azterlana aldekoa izan da Armentia-2 putzuan gasa erauzteko, txostenaren arabera zundak ingurunean ez baitu ondorio kaltegarririk eragingo. Horrenbestez, Espainiako... [+]
Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]
Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.
2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna... [+]
AEBetako epaitegi federal batek behin-behinetan gelditu egin ditu gasa eta petroleoa produzitzeko zulaketak 121.000 hektareako eremuan, Wyoming estatuko lur federaletan. Epaiak lehen aldiz aipatzen du Barne Sailak lizitazioa onartu zuenean ez zuela kontutan hartu jarduera hauek... [+]
Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.