EAEko enpresen eta Israelen arteko negozioak %52 handitu dira, okupazioari esker
Araba, Bizkaia eta Gipuzkoako enpresen eta Israelen arteko negozioak 53 milioi gehiagotan handitu dira, iaztik aurtengo uztailera arte. 2022an estatu sionistak 200 milioi inguru gastatu zituen EAEko enpresetako produktuetan. Palestinako lurretan eraikitako kolonien harira negozio itzela egiten ari den CAF da horren buru. Hala, EAEko 20 erosle nagusietakoa bilakatu da Israel.
Euskal enpresek ia 200 milioi euroko produktuak saldu zizkioten Israeli 2022an, Australia edo Kanadaren mailan, Adrian Legasak Cronica Vasca atarian azpimarratu duenez. Eustatek uztailera arte landutako datuen arabera, zifra hori handituz doa aurtengo lehen erdian: iazko aldi horretan baino 53 milioi gehiago, %52 gehiago.
2023an 300 milioi inguruko negozio-bolumena aurreikusi dute, baina ikusteke dago palestinarren aurkako sarraskiak nola eragingo duen horretan. Zifrek ildo beretik jarraituko balute, Araba, Bizkaia eta Gipuzkoan egindako produktu gehien erosten dituzten 20 herrialdeetako bat litzateke Israel, Brasilen maila antzekoan, baina Alemania, Frantziako Estatua, AEBak, Erresuma Batua edo Italiatik urrun, uztailean 1.000 milioi baino gehiago gastatu zuen euskal enpresen produktuetan. Aldiz, 2022an Zisjordaniarako eta Gazarako salmentak bi milioi euro pasatxokoak izan ziren EAEn.
2020ko "Nazioartekotze Estrategia" txostenean adierazi zutenez, "Ekialde Hurbilean, Israel lehentasunezko bazkidea da ikasteko" Eusko Jaurlaritzarentzat.
Okupazioaren pagotxa
Israelgo apartheidarekin negozioak egiten dituzten enpresak askotarikoak badira ere, aurtengo igoeraren arrazoia Israelek okupatutako lurretan Beasaingo CAFek ezarri duen negozioa da. Uztailera arte EAEko enpresek Israeli egindako salmentetan lortutako 155 milioien erdia baino gehiago CAFi dagokio.
Palestinarren aurkako erasoa hasi ostean, CAFek adierazi du Israelen dituen negozioek ez dutela "kalterik" jaso, eta Israelen dituen langile guztiei –ehun langile baino gehiago– "telelana" egiteko eskatu die. Bi proiektu handi ditu esku artean CAFek palestinarrei lapurtutako lurretan, Saphir eraikuntza-enpresa israeldarrarekin batera: Tel Aviveko tren arinaren eraikuntza eta Jerusalemen eta lurralde okupatuetan eraikitzen ari diren kolonia israeldarrak batuko dituen tranbia polemikoa.
Hori dela eta CAFi kontratu honi uko egiteko eskatuz kanpaina abiatu zuten LABeko langileek lehenik, gero enpresa komite osoak eta gaur egun nazioarteko kanpaina bilakatu da. Palestina Askatzeko Erakundeak publikoki eskertu zuen CAFeko langileen jarrera. CAFek ez entzunarena egin die kritikei, negozioa lehenetsita.
"Brandalism" ekimena Donostian
.jpg)
ARGIAk jakin duenez, "CAFen hipokresia" salatzeko Donostiako bi markesinatan ekimena egin dute, Israelen erasoarekiko Beasaingo enpresaren atxikimendua erakusten duten bi publizitate-kartel paratu dituzte. Hebreerazko esaldian "Palestina Askatu" jartzen du.
ELAk eta LABek EREa baztertu eta berau erretiratzea galdegin dute. Sindikatu biek gogoratu dute 2023an antzeko neurriak geldiaraztea lortu zutela mobilizazioen bitartez
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Duela aste pare bat Norvegiako zenbait datu plazaratu ziren. Ipar Europako herrialde hartan auto elektrikoak nagusitu dira, eta Tesla marka dute salduena; energia birziklagarriaz sortutakoa omen da han kontsumitzen denaren %90. Aldiz, Norvegiako enpresa publikoek ez dute inolako... [+]
Sunsundegik “produktua eta merkatua” dituela azpimarratu dute Altsasun eginiko manifestazioan. “Nafarroarentzat enpresa estrategikoa” izan daitekeela defendatu dute langileek, eta itxiera “aukera gisa ulertzen ez dutela” ziurtatu.
.jpg)
Sánchez, 2019tik 2024ra Plangintza, Antolamendu eta Ebaluazio Sanitarioko zuzendaria izan zena, azaroan hasi zen Mutualia enpresako mediku-zuzendari gisa. 2024ko udan kargua utzi eta hiru hilabete eskasera egin zuen jauzia enpresa pribatura, Jaurlaritzaren oniritziarekin.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
Espainiako Industria Ministerioak antolatu du bilera, eta langileek jakinarazi dutenez, ez dituzte gonbidatua, "gure interesak ordezkatuko dituena Nafarroako Gobernuaren ordezkaritza izango baita". Langileek elkarretaratzea egingo dute ostiralean 12:00etan enpresaren... [+]
Abenduaren 16an iragarri zuen multinazionalak Nafarroako lantegiaren itxiera. Ekoizpenari “normaltasunez” ekitea eskatu die langileei Ezkirotzeko zuzendaritzak, baina sindikatuek “ezinezkotzat” jo dute. Lan Ministerioak bilera deitu du ostiralerako... [+]
Balio digu ilunabarrarekin azken erretratu hori ateratzeko. Edo istant batean ordaintzeko barrako zerbitzariari eskatu berri diogun marianitoa. Eta ze arraio, Levi’sak imitatu nahi dituzten praken atzealdeko poltsikoan ezin hobeto datoz. Horretarako ere balio du... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Ekintzailetza modan dago. Kontzeptuak indarra hartu du eta hiztegi ekonomikotik askoz harago zabaldu da. Just do it: egizu, besterik gabe. Baina ez dezagun ahaztu: propagandaren mundutik dator leloa. Erosle-ekintzaile aktiboak izatea ote da hitzaren mozorroa? Egungo enpresariek... [+]
Ia 24 milioi euroko ordainsaria jaso zuen Jesús María Herrerak, CIE Automotiveko zuzendari exekutiboak, 2023an. 2022an 20 milioi euroko aparteko prima jaso, eta sei bider handitu zuen urteko soldata. Iberdrolak ere lekua hartu du podiumean, eta 2023an, energia... [+]
Ribabellosan 300 megawatioko gaitasuna duen eskala handiko datu zentroa eraikitzen ari da Merlin Propertiers enpresa madrildarra. Milaka milioi euro ari da gastatzen Iberiar Penintsula osoan, ustez puntako teknologia “jasangarria” duten baina elektro-intentsiboak... [+]
Abenduaren 13an mobilizazioa antolatu dute Santutxun (Bilbo), enpresa amerikarra palestinarren aurkako genozidioaren parte dela salatzeko. Auzoko kideek azpimarratu dute ez dutela nahi auzoan sarraskiari sostengua ematen dion enpresa multinazionalik.
Gabonetan “mahaian sionistarik ez esertzeko” galdegin du taldeak. Boikotaren eraginez, supermerkatu kate frantziarrak behera egin du salmentetan, eta berriki Jordanian saltokiak itxi ditu.