EA alderdi gisa desagertzeko arriskua dagoela adierazi du Garaikoetxeak
Debako EAk joan den igandean egin zion omenaldi batean, Carlos Garaikoetxeak bere alderdiak Pello Urizarren dimisioaren ondoren abian jarritako barne-eztabaidari buruz hitz egin zuen.
1980tik 1985era EAEko lehendakari izandako politikariaren hitzak jaso dituzte Noticias taldeko egunkariek. Horien arabera, Garaikoetxea triste agertu zen EAk bizi duen egoeragatik, alderdia desagertzeko arriskua ere badagoela adieraziz, “egoera bere onera ekartzeko lema-kolpe bat ematen ez bada”.
“Bide-orri argia” ezarri behar dela uste du Garaikoetxeak eta horretarako ezohiko kongresua egin beharko lukeela alderdiak, ez bakarrik buruzagi berriak aukeratzeko, EH Bildu koalizioa birplanteatzeko baizik, “2011ko terminoetan”.
Sortu, EA, Aralar eta Alternatiba alderdien koalizio gisa sortu zen EH Bildu urte hartan, baina alderdi horietako zuzendaritzek 2017an “berezko nortasuna eta militantzia duen subjektu politikoa” izateko konpromisoa hartu zuten Iruñean egindako ekitaldi publiko batean sinatutako agirian.
Geroztik, koalizio eredu horrek eztabaida eragin du EAn. Garaikoetxearen ustez, koalizio izaera mantendu beharko luke EH Bilduk, “eta ez integrazio bat”. Lehendakariaren esanetan, “pixkanaka pausoak eman dira integrazio hori geroz eta handiagoa izan dadin”. EAk erakundeetan 2011. Urtean, 2015ean eta gaur egun dauzkan ordezkariei begiratuta ondorioztatu du hori.
Garaikoetxeak Debako agerraldia baliatu zuen duela 33 urte EA sortzeko arrazoiak eta balore fundazionalak gogora ekartzeko, baita ETAren amaieran bete duten papera azpimarratzeko ere.
Zatituta zegoen EA azken urte hauetako uneren batetik aurrera, beharbada 2017an egindako bi kongresuetatik, edo 2019an huts egindako primaria prozesutik, edo honen harira sortutako borroka judizial gupidagabea hasi zenetik, akaso bost buruzagiren azken kanporaketatik... Berdin... [+]
EAko Nazio Batzorde Eragileak erabaki du lau urtez Maiorga Ramirez, Iratxe López de Aberasturi, Mikel Goenaga, Miren Aranoa eta Esther Korresen afiliazioa bertan behera uztea, “eskubide, betebehar eta diziplina Araudiaren urratze larriak egin dituztelako”.
Eva Blanco (Amurrio, 1973) 2019an izendatu zuten EAko idazkari nagusi, Pello Urizarrek dimititu ondoren. Barne giro liskartsuan eraman behar izan du aurrera bere agintaldia. Baina arazoak atzeragotik datoz, gutxienez 2017ko kongresutik. Familia barruko gatazkak dira mingarrienak... [+]
Joseba Elosegi gudaria zenaren omenez Donostiako EAk antolatutako ekitaldian, Carlos Garaikoetxea lehendakariak EH Bilduk koalizio gisa jarraitzearen alde egin du, alderdiko sektore kritikoarekin bat eginez.
Barne gatazka latza bizi dute Eusko Alkartasunako bi sektorek: batean egungo zuzendaritza dago, eta bestean haren kudeaketari kritika zorrotza egiten diona. Azken honetan dago Miren Aranoa (Buenos Aires, 1958), Nafarroako EAko koordinatzailea. Osasun egoera dela-eta,... [+]
Miren Aranoak Nafarroako Parlamentuan EH Bilduren ordezkari gisa duen eserlekuari uko egin dio. Abuztuaren 28an gauzatuko du erabakia. Jarduera instituzionalari uko egiteko arrazoiak "pertsonalak" baino ez direla adierazi du. "Ilusioz egiten diot aurre nire etapa... [+]
EAren sektore kritikoak Eba Blanco idazkari nagusiaren izendapenarekin lotuta epaitegietan jarritako salaketa atzera bota dute, ildo ofizialari arrazoia emanez.
Buruz buru aurkitu dira EAren sektore ofizialeko kideak eta ildo horrekin kritikoak direnak epaitegian. Eztabaidagaia: afiliatuen zerrendarako sarbidea. Alderdi barruko barne-gatazka politikoak azaleratu dira auzi horren inguruan eta soka luzeagoa da: alderdiaren gidaritza bera... [+]
Asteazken honetan EA alderdiko bi sektoreetako ordezkariak aurrez aurre jarriko dira epaitegietan. Alderdiko afiliatuen zerrendetara sarbidea edukitzea da auzi judizialaren muina, baina sakonagoko arazoak ere agerian geratzen ari dira azken hilabeteetan.
EAk idazkari nagusi berria izendatu zuen astelehen goizean, baina ez dirudi horrek alderdi barruko bi sektoreen arteko gatazka apaltzeko balioko duenik.
Eusko Alkartasunaren Hauteskunde Batzordeak astelehen goizean Eba Blanco de Angulo izendatu du alderdiaren idazkari nagusi, burutu berriak diren primarietan hautagai bakarra bera dela argudiatuta. Blancok adierazi du alderdia kohesionatzea izanen duela lehen helburu.
Aurkeztu dituen bermeak ez ditu ontzat eman alderdiko Hauteskunde Antolaketarako Batzordeak. Ramirezek “eskandaluzkotzat” jo du erabakia, eta salatu du batzordeko kide guztiak “sektore ofizialekoak” direla
Eusko Alkartasunaren (EA) batzar nazionalak erabaki du Pello Urizarren ordezkoa aukeratzeko hauteskunde primarioen prozesua abian jartzea. Alderdiko sektore kritikoa ez dago ados erabakiarekin.
Astelehenean aurkeztu du dimisioa, Eusko Alkartasunaren Kontseilu Nagusiaren bilkuran, arrazoi pertsonalak direla eta. Urizar geroz eta kritikatuagoa zen alderdiaren barruan, eta azkenean, 2017ko kongresuaren ostean adierazi bezala, ez du idazkari nagusi izateko epe guztia... [+]