Durangoko Azokatik
Durangoko Azoka, aurtengo lehenengo eguna. Arroparik ederrenak jantzi, kolonia bota eta azken aldiz eskuak patriketan sartu ditut, badaezpada. Ezkerrekoan, aurreko egunean egindako zerrenda, zera dioena: bat, erosi nahi ditudan liburuen zerrenda; bi, liburu gehiegi erostea ekiditeko saihestu beharreko salmahaien zerrenda (Katakrak, Igela… badakizue). Eskumakoan, diru-zorroa, irakiten, hilabeteetan aurreztutako dirua xahutzeko prest. Arnasa sakon hartu eta Durangora abiatu naiz.
Azokaren kanpoaldera heldu eta zaleen ilara luzea ikusi dut. Abeslariren bat, noski, pentsatu dut. Salbatuak ginateke gure idazleek halako errenkadak sortuko balituzte. Akaso ez dira gure abeslariak bezain ederrak izango, otu zait. Tira, ondo pentsatuz gero, Cano, Jaio, Kirmen, Alberdi… ez da izango hautagairik ez dugulako. Eskerrak behintzat Sarrionandia dugula, euskal literaturako rock izarra, bere fanez beteriko ilara eta guzti. Halere, baliteke euskal literaturak idazle madarikaturen bat faltan izatea, hain dira denak zuzenak, hain garbiak. Non da gure Houellebecq atzerakoia? Non gure Zizek bitxia? Eta ustel ateratako gure J.K. Rowling? Ai, Mirande, zu behintzat izango bazintugu!
Azokaren kanpoaldera heldu eta zaleen ilara luzea ikusi dut. Abeslariren bat, noski, pentsatu dut. Salbatuak ginateke gure idazleek halako errenkadak sortuko balituzte
Behin barnealdean, harat-honat ibili naiz, ukondoka ibili ere, euskal kulturazale porrokatuen artean tokia egin nahian. Kostata bada ere, gozatzea lortu dudala uste dut. Lehenengo urrats gisa, Igela argitaletxearen salmahaira joan naiz, bizirik dirauela ziurtatzeko besterik ez. Lasai, Euskal Herria, bere horretan darrai. Ondoren Euskal Idazleen Elkarteko postura joan eta Hegats aldizkaria ezagutu dut (hurrengo egunean Elkarren aldizkaria erosten saiatuko naiz, baina ezingo dut, pertsona bakar batek azken lau zenbakiak beretzat erreserbatu dituelako. Berekoi zikina!). Ibiltzen jarraitu eta txikitako laguna topatu dut, zer eta mahaiaren beste aldean: abeslaria eta musikaria da! Laguna pozik eta harrotasunez agurtu ostean, ARGIA aldizkariko standera hurbildu naiz. Erosi nahi dudan kamisetarik ez dute, eta ez didate itzuli “unetxo baterako soilik” utzi diedan boligrafoa. Kaka! Ez hain pozik oraingoan, baina ibiltzen jarraitu eta Jon Maiarengana gerturatu naiz, nire Silvio kutunak euskaraz kantatzea posible egiteagatik eskerrak emateko. Hori bai fantasia! Azkenik, bezeroen arreta gunera joan eta kexa jarri dut: ez da euskal zutabegileen erakusmahairik. Galarraga, Enbeita, Aristi, Apaolaza, Etxarte… imajinatzen?
Etxera bueltako trenean, bat-bateko maiteminak jo nau. Neska polit bat ikusi dut elkarrizketa zaratatsu eta mugikorrez beteriko zurrunbiloaren erdian, irakurtzen. Ez pentsa, berehala hautsi zait bihotza, gazteleraz irakurtzen baitzegoen. Trenak sortzen duen dardara goxoak hartu nau. Bilbora heldu arte begiak ixtea erabaki dut.
Danel Abando Olabarri, irakaslea
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Duela aste pare bat Norvegiako zenbait datu plazaratu ziren. Ipar Europako herrialde hartan auto elektrikoak nagusitu dira, eta Tesla marka dute salduena; energia birziklagarriaz sortutakoa omen da han kontsumitzen denaren %90. Aldiz, Norvegiako enpresa publikoek ez dute inolako... [+]
.jpg)
Hauek izan ziren nire azken hitzak zure lo arnas sakonean eskutik helduta ginela joan zinenean. Aparteko minik gabe, xume, duin, geratu zen betiko zure bihotza. Zuk nahi eta eskatu bezala. Guk nahi eta errespetatu bezala.
Jada hilabete, neguaren atarian, gaurik luzeenak diren... [+]
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Asteartean eman zuten jakitera bost gazte lapurtarren kontrako sententzia. Hamabost hilabeteko espetxe zigorra gibelapenaz bi gazteri, 500 euroko isun banarekin; 140 orduko lan behartua eta 500 euroko isun bana beste bi gazteri; eta, azkenik, 1.700 euroko isuna beste... [+]
Lehengo batean, The Wire telesail sonatua berrikusten ari nintzela, etsipena gogora ekarri zidan eszena bat heldu zen. Bertan, The Baltimore Sun egunkariaren zuzendaritzak langileak bildu eta datozen aldaketei buruz ohartarazten die; hau da, kaleratzeez eta distira gutxiagoko... [+]
Bizi dugun kultura kontsumistak, erabiltzaile oro agintzen du gozamen neurrigabera. Slavoj Zizek dioen eran, Goza ezazu zure fetitxea, hiper-modernitatearen agindu ozena bihurtu da. Fetitxearen lekua betetzeko dauden gailu teknologikoen bidez gauzatzen baita egungo gozamena... [+]
Mamu batek zeharkatzen ditu sukaldeak: Karlosen mamuak.
Karlos ez da aurkeztu Master Chef Celebrity lehiaketara. Bere sukaldaritza-ondarea aztertuta, oso argi dauka ez duela lehiakideen aukeraketa gaindituko. Izan ere, hedabide eta gastronomiaren akademiaren ateak itxita izan... [+]
Euskadiko Selekzioa lortzea, ezbairik gabe, lorpen historikoa izan da. Baina horretan geratzen bada, euskaldun askorentzat –ni barne, nafarra bainaiz– egunik ilunena eta tristeena izango da. Lehenengo egunetako poza eta berotasuna gozatu ondoren, itzul gaitezen... [+]
Entzumen eta hizkuntza irakasleak (EHI) eta logopedak eskola publikoan zein kontzertatuetan lan egiten duten irakasle espezialistak dira. Horien funtzioen artean hizkuntzan eta komunikazioan zailtasunak dituzten ikasleei arreta zuzena ematea da, baina baita komunikazio sistema... [+]