Durangoko Azoka inoizko edizio arraroenerako prestatzen ari da
Abenduaren 5etik 8ra egingo da Durangoko Azoka. Koronabirusa elkarri kutsatzea eragozteko neurriek markatuko dute aurtengo edizioa, beharbada Azokak inoiz ezagutu duen bereziena. Kulturgintzan bizi den larrialdi egoerak markatuko du, baina antolatzaileek baikortasunari eutsi nahi diote.
2020ko Durangoko Azoka egin egingo da: hori da astelehen honetan Gerediaga Elkarteko kideek eman duten prentsaurrekotik atera daitekeen albiste nagusia. Hori bai, nola egingo den oraindik guztiz zehazteke dago, Nerea Mujika Gerediagako presidenteak eta Arantza Atutxa kudeatzaileak aurreratu dutenez, gauza asko aldatu beharko baitira COVID-19aren pandemiak eragin duen egoeragatik.
Abenduaren 5etik 8ra egingo da Durangoko Azokaren 55. edizioa eta fisikoki Landako gunean antolatuko denarekin paraleloan, “azoka birtuala” ere egingo da. Azaldu dutenez, “egoera berri honetan jarraitu beharreko osasun eta segurtasun neurriak betetzeko, protokolo berezia lantzen eta diseinatzen dabil” Gerediaga elkartea, Durangoko Azoka osatzen duten ekosistemako gainontzeko eragileekin bilduz eta guztien ekarpenak jasoz.
Programazioa murriztuta eta sarean ere azoka
Egitarauan eragin zuzena izango du koronabirusaren aurkako neurrietara egokitu beharrak. Zuzeneko emanaldi, aurkezpen eta ekitaldi gutxiago, ikusle kopuruak murriztuta eta espazioen edukierak kontrolatuta: beste leku askotan ere ohikoa bihurtzen ari dena ikusi beharko da aurten euskal kulturaren plaza nagusian. Programazioan izango den galera hori konpentsatzeko, streaming emanaldiak izango dira Durangoko Azokaren webgunean.
Beste mota bateko galerek ere kezka sortu dute: Landakon jende askoz gutxiago ibili ahalko dela kontuan izanda, salmentak jaitsiko direla aurreikustea ez da zaila. Zenbait argitaletxe eta kultur ekimenentzat urteko fakturazioaren zati inportantea galtzea esan nahi luke horrek. Kolpe hori biguntzea ere bilatuko du Gerediagak: Durangoko Azokaren webgunea online erosketak egiteko lekua ere bihurtuko da abenduaren 5etik 8ra bitartean.
Mezu baikorra
Konfinamenduan kulturak bete duen zeregina azpimarratu du Mujikak asteleheneko agerraldian. Bere esanetan, “salbatu egin” gaitu etxetik atera ezinda egon garen denboran. Sektore kaltetuenetarikoa da kulturarena eta, aldi berean, martxotik aurrera bizi izandakoak balio izan du ohartzeko “zeinen beharrezko ditugun” kulturgintzan dihardutenak.
Hori guztia kontuan izanda, eta egoera xamurra ez den arren, mezu baikorra plazaratu nahi du Durangoko Azokak. Hortik aurtengo leloa: “TaupaDA!” izango da 55. edizioari lagunduko dion eslogana.
Amaitu da 55. edizioa eta balorazioarekin batera, Gerediaga Elkarteak datuak eman ditu: 7.800 erosketa, 27.758 produktu salduta eta 50.000 lagunek jarraitu dute egitaraua, gehienak streaming bidez. Lehen aldia izan da webgunearen bidez bideratu dituztela salmentak eta erronka... [+]
Urte gogorra izan da ARGIA egiten dugunontzat ere. Historiaren gurpila azkartzen sentitu dugu eta lurralde ezezagunera garamatzan fenomeno erraldoi hau periodistikoki jorratzen galtza bete lan izan dugu. Hala ere, ezin dugu ahaztu kazetaritza independentea egiteko aukera badugu,... [+]
Durangoko Azoka birtualki egingo da aurten, eta ostegunean egingo da publiko denda digitala. Produktuen salerosketaz gain, 100 ekitaldiko kultur egitaraua ere antolatu dute.
“Durango efektuak” mobilizatuko ditu kulturzaleak topaleku fisikorik gabe? Inkognita horren erdian Bingen Zupiria Eusko Jaurlaritzako Kultura eta Hizkuntza Politikarako sailburuak herritarrei eskatu die “modu kolektiboan” erantzuteko. Alegia, erosteko,... [+]
Durangoko Azokak iragarri du Euskal Herriko hainbat lekutan kontzertuak antolatuko dituela abenduaren 5etik 8ra. Helburua: pandemiaren aurkako neurrien eraginez Durangora joaterik izango ez dutenei ere Azokako giroa hurbiltzea. Gainera, urtarrileraino luzatuko dute Durangorekin... [+]
Testuingurua mesedegarri izan ez arren, Durangoko Azokaren 55. edizioa egitearen alde agertu dira antolatzaileak. Gerediaga elkarteak ostegunean eman ditu aurtengo azokaren lehen xehetasunak: ez da erakusmahairik egongo, eta zuzeneko zein aurkezpenetarako aldez aurretik eman... [+]
Kultur sortzaileak Durangoko Azokatik Euskal Herriko plazetara gerturatuko ditu Ahotseneak, Amurriora tartean. Urriaren 18an izango da eskualdeko emanaldia, Aresketa Ikastolak antolatutako Araba Euskaraz ekimenaren baitan.