Durangoko Azoka aurrez aurre bisitatzeko erreserba egitea ezinbestekoa izango da
Landako Gunean egunero ordu eta erdiko bost txanda egongo dira, eta Plateruenako kontzertuetan ez da ostalaritza zerbitzurik egongo. Jaurlaritzak ezarritako osasun-neurrietara moldatu dute azoka.
Aurtengo Durangoko Azoka presentziala eta streaming bidezkoa izango da, baina aurrez izena eman beharko dute Landako Gunera zein Ahotseneara joan nahi dutenek. Laster jarriko dute martxan erreserba sistema durangokoazoka.eus webgunean. Gerediaga elkarteak eta Durangoko Udalak adierazi dute azokaren lehentasuna izango dela “kulturzale guztien segurtasuna bermatzea”. Eusko Jaurlaritzak COVID-19ari aurre egiteko gogortutako neurrien arabera moldatuko dute Durangoko Azoka.
Antolatzaileek jakinarazi dutenez, Landako Guneko erakusmahaiak bisitatzeko bost txanda egongo dira egunero, 10:00etatik 20:00etara bitartean. Ordu eta erdiko txanda bakoitzean 1.200 lagun sartu ahalko dira. Guztira 220 stand edo postu egongo dira, horien artean ARGIArena. Plateruenan emango dituzten Ahotseneako kontzertuetan ere aforoa kontrolatuko dute aurretiko erreserben bidez. Gainera, ez da ostalaritza zerbitzurik egongo; ezingo da jan eta edan bi guneetan, eta uneoro maskararen erabilera egokia “derrigorrezkoa” izango dela ohartarazi dute.
Kulturzaleak Landako Gunerako hitzorduak hartzera animatu dituzte, iragarri duten txanda-sistemak ematen duen “segurtasuna bermatuz”. Halaber, bisitariei arduraz jokatzeko eskatu diete: “Euskal kulturaren plaza bizirik mantentzeko ezinbestekoa da denon babesa eta konpromisoa”. Nabarmendu dute kulturaren alde egitea eta osasun neurriak betetzea “gauza bera” direla.
Azoka digitala abenduaren 3an irekiko dute eta 7an itxi. Durangon bertan abenduaren 4tik 8ra arte egongo dira, eta ekitaldiak online jarraitzeko aukera egongo da.
“Barraka” abentura bideo-joko umoretsua garatzeko urtebete izango du Ibai Aizpurua diseinatzaile eta programatzaile irundarrak. Horretarako 15.000 euroko laguntza irabazi du Durangoko Azokaren laugarren sormen bekan.
Durangoko Azoka gainean dugu, eta ARGIA berriz ere bertan izango da bere proiektu komunikatiboa ezagutarazi eta produktuak eskaintzen. Horrez gain, interneten ere eskuratu daitezke liburu, kamiseta, jolas eta bestelakoak, azokak irauten duen egunetan bidalketa gasturik gabe... [+]
Osasun egoerak okerrera egin ostean Durangoko Azoka bertatik bertara bisitatzeko neurriak moldatu behar izan dituzte antolatzaileek. Azoka bisitatu ahal izateko txanda hartu beharko da. Ordu eta erdiko tartea edukiko dute bisitariek.
Aurtengo Durangoko Azokako Ahotseneako kontzertuak Plateruena antzokian eskainiko dituzte. 50 kontzertu emango dituzte abenduaren 4tik 8ra bitartean. Sarrera librea izango da edukiera bete arte.
Asteazkenean aurkeztu dute Durangoko Azokaren harira egingo den aurtengo DA! PROren egitaraua. Berrikuntzeko dator egitasmoa: egun bateko egitaraua izatetik lau egunekoa izatera salto egin du, eta disziplina anitzak bernebilduko ditu.
Aurrez aurreko azoka eta online denda uztartuko ditu 56. Durangoko Azokak. Abenduaren 3tik 8ra egingo da, "baDa!" lelopean, Durangoko Landako gunean eta durangokoazoka.eus webgunean.