Durango eta Kobane senidetzea ospatuko dute 25ean
Martxoaren 25ean Durango eta Kurdistango Kobane hiria senidetzea ospatuko dute, Plateruenean egingo den jaialdi bategaz. Izan ere, egun bat lehenago, barikuan, egingo dute senidetzeko ekitaldi ofiziala udaletxean. Kobanez gainera, Bartzelona ere senide lez hartuko du Durangok; hirurak bonbardatutako hiriak dira. Kurdistango ordezkari bat eta Jaume Asens Bartzelonako alkateordea etorriko dira.
Bonbardatuak ere badiren Elorrio, Otxandio eta Gernikako herriek babesa erakutsi diote ekimenari. Estaturik bako munduko herri handiena da Kurdistan, Turkia, Siria, Iran eta Iraken baitan zatitu zutena. Azkenaldian, Estatu Islamikoari (EI) aurre egitearren sona hartu dute, eta Siriako partean dagoen Kobaneko erresistentzia da adibide. Borrokaren eraginez, EIk hiria suntsitu zuen.
Durangaldeko lagun talde bi Kurdistanen egon ziren iaz, eta hortik dator senidetzearen ideia. Rojavan dago hiria, Siriako partean. Mikel Gandarias, Adrian Zelaia eta Jon Bingen Landabidea durangarrak bertan egon ziren, Markel Brouard bilbotarragaz batera.
Michel Allison Kurdistango kongresuko emakumeen ordezkaria izan zen uztailean Durangon. Allisonek eskerrak eman zituen egindako "harrera beroagatik". Azken 12 hileetako gatazkan, 7.000 lagun hil direla kontatu zuen, gehienak kurduak. Frankisten bonbardaketekin alderatu zuen: "Hemen orain 80 urte gertatu zena gertatzen dabil orain Kurdistanen". Elkartasun mezu horri heldu zion Aitziber Irigoras alkate durangarrak: "Zuen samina gertukoa da guretzat". Kobane berreraikitzen laguntzeko eta hango egoeraz informatzeko konpromisoa hartu zuen. Bestalde, euskal preso gaixoak askatzea eskatu zuen Allisonek: "Europako estatu demokratiko batetik espero daitekeena da Gorka Fraile bezalako preso gaixoak askatzea. Arazo politikoa humanoa ere bihurtzen da".
Martxoaren 25ean, 18:00etan hasita, Kurdistango kultura eta gastronomia ezagutzeko aukera egongo da.
Albiste hau Anbotok argitaratu du eta CC-by-sa lizentziari esker ekarri dugu ARGIAra.
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Maiatzean jarri zieten debekua, berriki salatu dutenez. Larunbatean, Palestinarekin elkartasunez mobilizatu ziren Hego Euskal Herriko parke denetako suhiltzaileak.
Uribe Kostako Palestinaren aldeko Khalas! elkartasun taldeko hainbat kidek salaketa ekintza egin dute Eusko Jaurlaritzak Bilbon duen egoitza barruan. Jaurlaritzak Israelekin dituen harremanak azaleratu eta salatu nahi izan dituzte.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
Herritarrok kalera irten gara behin eta berriro Palestinarekin elkartasuna adierazteko. Herriaren nahia argi utzi dugu. Hala ere, instituzioek gor eta tinko jarraitzen dute sionismoari arnasa ematen. Palestinar herriak sufritzen duen genozidioaren inguruko berriak (zaharregiak... [+]
Abenduaren 22an Azpeitiko herriko plazan egingo dute Gazako sarraskia salatzeko ekimena. Herritarrek bata bestearen atzetik irakurriko dituzte ahoz goran Israelek hil dituen dozenaka milaka palestinarren izenak.
Abya Yala historia zapalkuntzaz beteriko bizitza dela esan daiteke. Bertako aberastasun naturalek paper garrantzitsua betetzen dute munduko burgesiaren metatze prozesurako.
10 urte bete ditu historia modernoko lan hilketa handienetako batek. Bangladeshko bost mila langilek arropa-fabrika batean lan egitera behartu zituzten egoera penagarrian zegoen eraikin batean. Eta hala, apirilaren 24an Rana Plazako eraikin hori bertan behera erori eta 1.132... [+]
Europako, Ekialde Hurbileko eta Abya Yalako askapen borroken ezagutza euskal herriratzea izango da brigadisten lana. Askapenak azpimarratu du elkartasun internazionalista herrien arteko "ezinbesteko tresna" dela eta munduko beste herri langileei babesa eta elkartasuna... [+]