Duela hamahiru urte alzheimerra diagnostikatu zioten Maribel Tellaetxeri, eta orduan argi utzi zuen bere borondatea, baina senideek ezin diote hiltzen lagundu, Espainiako Estatuan legez kanpokoa delako. Eutanasia despenalizatzeko lege proposamena Madrilgo Kongresura eramana zuen PSOEk, eta aurrera ateratzeko aukerak zituen, baina hauteskundeen aurrerapenak bertan behera utzi du bozketa. Kurioski, duela bi urte Podemosek egin zuen proposamena Kongresuan, eta orduan PSOE abstenitu egin zen, gaiaren inguruan “gizartean eztabaida patxadatsua” behar zela argudiatuta.
Maribel Tellaetxeren familiak egindako presioari esker, Portugaleteko Udalak eutanasia legeztatzearen aldeko deklarazioa onartu du eta 185.000 sinadura ere lortu dituzte senideek. Beste familia batekin batera, guztira 280.000 sinadura aurkeztu dituzte Espainiako Kongresuan, eutanasia legeztatzeko aldarrikatuz.
“Sufrimendutik salbatzea ere bizitzak salbatzea da”
Eskaerarekin bat egiten du Marcos Hourmann medikuak. Espainiako Estatuan eutanasia aplikatzeagatik kondenatutako lehenengo medikua da bera. Bizitzak salbatzeko medikuek duten betebeharrarekin eutanasia nola uztartzen den galdetuta, garbi du: “Sufrimendutik salbatzea ere bizitzak salbatzea da; pazientearen bizitzagatik ezer egin ezin daitekeenean, gutxienez minetik salbatzea. Nik pertsona bat salbatu nuen, beste ezer egiterik ez zegoenean”. Hourmannentzat, pazienteak aski dela dioenean, bere borondatea errespetatu behar da: “Ezin dugu pertsona batek bere bizitzaren gain hartu duen erabakiaren kontra egin. Esaten ari gara pertsonok ez dugula geure bizitzaren inguruan erabakitzeko ahalmenik, sistemaren arabera hil behar dugula”.
Gaiari lotuta:
Liberation eta La Croix egunkariei emandako elkarrizketan, eutanasiari bide emango dion lege proiektu bat bozkatzeko asmoa dutela iragarri du Frantziako presidenteak.
2022an 576 herritarrek eskatu zuten hiltzeko laguntza eta 288k lortu zuten Eutanasia Legearen babesa. 2021eko ekainean jarri zen indarrean legea eta, harrez geroztik, 749 pertsonak erabili dute. 2021ean 173 izan ziren eskaerak eta 75 izan ziren onartuak.
Osasunbideko arduradunek zehaztu dutenez, bermatu da eskubidea ahalik eta berme handienekin gauzatzea bai herritarrentzat, bai eskatzaileentzat, bai haien senitartekoentzat, eta baita osasun-profesionalentzat ere.
Eusko Jaurlaritzak jakinarazi du 34 eskaera jaso dituztela Eutanasiaren Legea ekainean indarrean sartu zenetik; hamahiru laguni hiltzeko laguntza medikoa eman diete, eutanasia egin aurretik hil dira zortzi, beste eskakizun bati uko egin diote eta gainerako hamabiak... [+]
Nafarroako Gobernuko Osasun sailak Erabakiak bizitzaren amaieran jardunaldiak antolatu ditu. Azaroaren 23an Baluarten izango dira eta saio bat herritarrei irekia izango da (izen-ematea zabalik da) eta beste bat profesionalentzat izango da.
Ogibidez mediku epidemiologoa da Concha Castells Carrillo (Bilbo, 1960), eta Osasun publikoaren kudeaketan ere jardun du zenbait urtez, zuzendaritza karguetan. Orain dela bost urtetik hona, Duintasunez Hiltzeko Eskubidea elkartearen presidentea da Euskal Autonomia Erkidegoan... [+]
Espainiako Kongresuak martxoan onartu ostean, ekainaren 25ean sartu zen indarrean Eutanasia Legea. Lehen prozedura uztailaren 23an egin zitzaion 86 urteko emakume euskaldun bati. Legea aplikatzen hasi eta hilabete geroago, Osakidetzak beren bizitzarekin modu duinean amaitu nahi... [+]
Espainiako Kongresuak martxoan onartutako legearen arabera, eutanasia eskatzen ahalko dute "gaixotasun larri eta sendaezina" edo "pairamen larri, kroniko eta ezintasun eragile bat" dutenek, horrek haien autonomian eragiten badu, eta "sufrimendu fisiko... [+]
Eritasun larri sendaezin batek gaztetatik jotako Alain Cocq famatua egin zen 2020an bi gose-greba egin zituelako, duintasunez hiltzeko eskubidea aldarrikatuz. Bizimodu oso nekeza eduki arren berehala hiltzeko arriskurik ez zuela-eta ukatua zioten eutanasiatua izatea eta, aldiz,... [+]
Hiru hilabete barru argitaratuko da Espainiako Aldizkari Ofizialean legea, eta, behin indarrean jarrita, osasun sistemaren barruan bideratzen ahalko da eutanasia.
Lerro hauek idazteko unean, hirurogei adineko hil dira dagoeneko Lleidako Fiella-Sant Hospital de Tremp Fundazioaren egoitzan, COVID-19aren agerraldi baten ondorioz. Horrek esan nahi du hilabete eskasean 143 egoiliarren %40 hil direla, Pallars Jussà hiriburuak dituen... [+]
Ohio (AEB), 1906ko urtarrilaren 23a. Estatuko Batzar Orokorretan eutanasiari buruzko lege proiektua aurkeztu zuten. Eutanasia legeztatzeko lehen ahalegina izan zen hura.
Madrilgo Diputatuen Kongresuak... [+]
Eutanasiaren lege proiektuaren aurrekaria onartu du ostegunean Espainiako Kongresuko Justizia Batzordeak, 36 kideetatik 22ren aldeko boto jaso ditu. PPko eta Voxeko ordezkariak izan dira kontra azaldu diren bakarrak.