Duela bost urte baino %155 aldiz arma astun gehiago inportatzen ditu Europak
Ukraina da munduan arma gehien erosten dituen herrialdea; munduko erosketa guztien %8,8. Merkatuaren ia erdia kontrolatzen duena, berriz, AEB dira: Europak erosi dituen armen erdia baino gehiagok jatorri estatubatuarra dute.
Europa, berrarmatzeko plana iragarri aurretik ere, ari da armaz hornitzen. Bakearen Nazioarteko Ikerketa Zentro den Suediako SIPRIk egindako azken txostenak mahai gainean ipini ditu datuak: gaur egun, 2020an baino 2,5 aldiz arma gehiago inportatzen ditu Europak, %155eko igoera da aurreko bosturtekoarekin alderatuta. Arma astunak hartzen ditu kontutan txosten horrek, hala nola tankeak, ibilgailu militarrak, misilak eta droneak.
Erosketen atalean, igoerarik handiena Ukrainak egin du, 2020-2024 honetan ehun aldiz gehiago inportatu baitu 2015-2019arekin konparatuta. Mundu mailan, 2015-2019 aldian, erosi ziren arma astun guztien %0,1 erosi zituen Ukrainak, eta azken bosturteko honetan, berriz, %8,8. Gehien inportatu duena izan da, Indiaren eta Saudi Arabiaren gainetik.
Inportazioen atalean, munduko top-40a ikusita, ez da herrialde europarrik lehen baino gutxiago erosten duena: Poloniaren igoera %508koa izan da, Alemaniarena %334, Danimarkarena %311, Errumania %233, Herbehereak %220, Grezia %48, Norvegia %42 eta Espainia %29, besteren artean.
Salmentak, AEBen monopolio
2015 eta 2019 aldian arma gehien saltzen zituen herrialdea AEB baziren –salmenta guztien %35 berea zen–, nagusitasuna nabarmenagoa da azken bosturtekoan: gaur egun, saltzen diren arma guztien %43 jatorri estatubatuarrekoa da. Atzetik du Frantzia, %9,6rekin –horrek ere igoera izan du, %8,6 zeukan lehen–, eta hirugarren Errusia, aurreko bosturtekoan bigarrena zena.
Azken bost urteotan, merkatuaren %21 izatetik %7,8ra igaro da Errusia, jarritako betoak beto. Eta, bistan denez, AEBei erosi dizkiete armak herrialde europarrek, lehen baino gehiago gainera. Irakeko gerraz geroztik estreinako aldiz, AEBen erosle nagusia Europa da, Ekialde Hurbilaren gainetik.
Espainiak igo egin ditu salmentak –merkatuaren %2,3 kontrolatzetik %3ra–, eta Italiak ere, esaterako, indartu du industria: lehen saltzen zuenaren bikoitza baino gehiago saltzen du orain.
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Zedarriak enpresari taldeak armagintza sustatzera deitzeak eta Jaurlaritzak horrekin bat egiteak "haserrea" sortu diela diote sinatzaileek. Mundu mailako egoera "inoiz baino larriagoa" dela uste dute, eta "Euskal Herriaren etorkizuna oztopa dezakeen... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Joan den ekainaren amaieran bukatu genuen Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez sortzeko) liburuaren lehenengo zatiak Gerra badatorrela! du izenburu, bertan... [+]
.jpg)
Historia errepikatzen dela idatzi zuen Marxek, “lehenik tragedia gisa, gero fartsa moduan”. Armagintzaren eta militarismoaren inguruan errepikapen hutsa ez, espiralean goraka doan buklea ari gara bizitzen, fartsatik asko duena, eta tragedian amaitzeko gero eta aukera... [+]
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Orain dela 20 bat urte, berrikuntzaren inguruan master bat egin nuen. Bertaraturiko gonbidatu batek esan zigun gizakion historian berrikuntza teknologikoaren eragile handiena gerra izan zela. Gerra, halaber, eragile handia da botere harremanen berrikuntzan.
Berrikuntzaz ari... [+]
Defentsarako gastua handitzeko Europako herrialdeen apustuaren atzean, asko dago propagandatik, eta askoz gehiago interes ekonomikotik. Kontrakoa sinetsarazi diguten arren, XVIII. mendean Ingalaterran Industria Iraultza jaio zenean, armak eta gerra izan zituen oinarri, eta ez... [+]
Hitlerren armadak milioika sobietarren heriotza ekarri zuen Bigarren Mundu Gerran Sobiet Batasuna inbaditu zuenean. Gerra amaituta, Iosif Stalinen obsesioa zen Alemania eta Errusia artean babes herrialde-lerro bat osatzea; horra, besteak beste, Varsoviako Itunaren sorrera... [+]
Trumpen garaipenak, Ukrainako gerraren birkokatze geopolitikoa eragiteaz gain, Europaren apustu belikoa agerian utzi du.
Mikel Jauregi Industria sailburuaren ustez, euskal enpresek “lan ona” egin dezakete Europaren “segurtasun estrategia babesten”. Eusko Jaurlaritzako bozeramaile Maria Ubarretxenak, berriz, berrarmatze asmoek “aukera berriak” ekar ditzaketela... [+]
Europar Kontseiluak onartu du Ursula Von der Leyenek gastu militarrean proposatu duen 800.000 milioi euroko gastuarekin aurrera egitea. Horretarako bi arrazoi nagusi argudiatu ditu: Errusiari aurrea egitea eta Europar Batasunak aurrerantzean bere burua AEBen babes militarrik... [+]
Ursula Von der Leyen Europako Batzordeko presidenteak Europa berrarmatu plana aurkeztu du, kontinentea "erresilientea eta segurua" bihurtzea xede duena. Bost zati ditu planak, eta estatu kideek 150.000 milioi euro jasoko dituzte mailegutan. Arau fiskalak moldatuko... [+]
Euskal Herriaren industriaren etorkizuna ezin dela "heriotzaren, odolaren eta armen gainean" eraiki aldarrikatu dute mobilizazioaren antolatzaileek. Euskal erakundeen nahiz alderdi politikoen "isiltasuna" salatu dute.