“Dramaren erabilerarekin zalantza etiko pertsonala dut”
Abenduaren 3an, Bilboko azken finalaurrekoan, Anttoniri eskean hasi eta honek “ea barrura zatozen” erantzun. Nori eta Amets Arzallusi, jokorako horrelako deirik alperrik galtzen ez duen azeriari.
Jokoan ez zegoen gutxi eta hasierako agurretan nabari zen nor zer gorputzaldirekin zetorren. Ze giro zenuten oholtzakideek?
Saioa baino ordubete lehenago elkartzen gara, beraz, denbora pixka bat pasatzen dugu elkarrekin.
Larunbatean talde giro oso ona izan genuen, halakoetan bakoitza berea egitera doa bere korapilo eta helburuekin, baina, taldeak garrantzia du eta elkar laguntzeko giroa zegoen. Ni banaiz batzuetan ixtekoa, nirean biltzen dena eta, alde horretatik, atzokoarekin oso eskertua nago.
Seigarren Txapelketa Nagusia duzu honakoa eta bosgarren finala. Lehen itzulian finalera sartzeko langa izan zara. Hala ere, inork gutxik jartzen zuen zalantzan finalean izango zinenik. Berdin bizi izan duzu hori?
Hori errazago ikusten da kanpotik barrutik baino. Hala ere, nik zalantzak irakurtzen nituen ingurukoen aurpegietan, ziurrenik nireak zirenak, neronek proiektatzen nituenak.
Beste aldera, Bilboko saiorako banuen ilusio baten sinesmena, esperantza nuen haria harrapatuz gero finalerako bidea egin nezakeela. Nire zalantza, ikara eta barne fronte askorekin, ez nintzen finalerako beroketa saio bat egitera joan, nire ustez, ez nuen finalik eskutan.
Zenbait bertsoalditan jolasti ibili zara, hala Donibane Garaziko bakarkakoan, nola Bilbon hamarreko txikian. Txapelketan jolaserako dirudiena baino leku gehiago dago, ala?
Txapelketa bertso txapelketa da eta ezin da jolasetik bereizi. Batzuetan, jolasak dena baino azalekoagoa dirudi. Agian tono serio eta arrazionaltasun lehorretan erortzen gara arrisku gutxiago ikusten diogulako, jolasak labainkorragoa dirudielako. Nire kasuan, jolasti banabil, ez dakit adinaren kontua den, arriskuak eragiten duen tentazioa edo gaiek horretara bideratu nautela sentitu dudalako unean. Behar bada, denaren nahasketa bat.
Mami aldetik, hasiera batean behintzat, epika askorik gabeko gaiak hautatu dituzu, marihuana probatu duen agurea, futbol taldetik kanporatu izana ulertzen duen jokalaria… Gertuko bertsokera baten bila zabiltza?
Donibane Garazikoa ez zen nire gustu osoz hautatua, kontsignari ez nion aurkitu besterik.
Bilbokoa, berriz, beste gai bat da, kontzientziatik gehiago zuen. Ez da txapelketako kontua, oro har, saiatzen naiz nire bizitzako gaiekin loturak aurkitzen eta hortik kantatzen. Dramaren erabilerarekin zalantza etiko pertsonala dut eta ez da ekiditea, baizik, eta drama txiki eta handiak daudela eta txikien artean pisuzko gaiak egon badaudela.
Dramaren desdramatizazioak badu jolas puntu bat eta hari horiekin josi nahi ditut bertsoak, nire terreno eta gogoetetatik.
Ze gorputzaldi utzi dizu BTN22-k biharamunean?
Oraindik Bilbokoa barneratu gabe dut, baina, gorputzaldi ona utzi dit, eta aurrera egiteko aukera, jakina. Egindako lan batzuekin gustura geratu naiz eta, saio bezala, uste dut, bizipen ederra izan zela. Atzera begira jarrita, finalak aipatzen dira eta final bat beti da berezia, baina, finalerdi batzuk memorian geratzen zaizkio bati eta hau horietako bat izango da.
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]
Ezin ekidin Nafarroa Arena BEC-ekin alderatzea. Publikoa otzanago antzeman da, olatuak ez dira berehala altxa eta burrunbatik ere, amaiera arte, gutxi. Behin lehertutakoan, ordea, uhin expantsiboa hedatu da plazan. Egun lantsua izan dela nabarmendu dute eguneko protagonistek... [+]
Goizeko eta arratsaldeko saioetan zortzi finalistak aritu ostean, Amets Arzallus eta Maialen Lujanbio pasatu dira buruz burukora. Saioa buruz burukoan lehertu da, eta bi txapeldunek lazo gorriz biribildutako saioaren ostean... Maialen Lujanbio Zugasti da berriz ere txapelduna. [+]
Goizeko saioaren ostean, eguerdia hankak luzatzeko eta indarrak hartzeko baliatu dute entzuleek. Bati eta besteari entzunaz, buruz bururako izen ugari jasoko ditu galdetzen duenak, eta Ametsek bi bider botatako "parte" hitzen interpretazio anitzak ere bai... [+]
Hona egun osoan zehar Dani Blancok harrapatu dituen hainbat momentu:
Hona Bertsolari Txapelketa Nagusiko finalean goizeko saioan kantatu dituzten puntu-erantzun guztiak.
Iruñea bertsoaren hiriburu bihurtu da egun oso batez. Lehen aldiz bertan aritu dira jokatzen Txapelketa Nagusiko finala. Maialen Lujanbiok bere txapeldungoa jokatu du honako bertsolariekin: Aitor Mendiluze, Alaia Martin, Amets Arzalllus, Beñat Gaztelumendi, Joanes... [+]
Orain dela hiru hilabete abiatu zen Bertsolari Txapelketa Nagusia eta gaur amaituko da Iruñeko Nafarroa Arenan. Ibilbide honetan finalean abesteko txartela honako bertsolari hauek lortu dute: Aitor Mendiluze Gonzalez, Alaia Martin Etxebeste, Amets Arzallus Antia,... [+]
Nafarroa Arenan elkartu dira gaur zortzi finalistak, abenduaren 18rako motorrak berotzeko. Lehen aldiz Iruñean egingo den Txapelketa Nagusiko finala handia izango da: 13.000 ikusle elkartuko dira, nazioartetik 30 gonbidatu izango dira eta 350 lagun arituko dira antolaketa... [+]