“Hamar egun aisialdiko pantailarik gabe bizimodu hobea izateko eta norberak bere begirada kritikoa zorrozteko”. Erronka horri heldu diote maiatzaren 25etik ekainaren 3ra dozenaka ikastetxek Euskal Herrian. Kontsumo arduratsua sustatzea da helburua eta Frantzian eta Quebecen ere egingo dute, 75 hiritan.
Zeinek menderatzen du zein?
130 hezkuntza zentrotako 17.000 haur eta nerabek armairuan gorde dituzte telebista, bideojoko, tablet eta smartphoneak. Zabaltzen ari den sedentarismoari aurre egin eta pantailen kontsumoaz gogoetatzeko aprobetxatuko dituzte egun hauek, izan dadin haurra pantaila menderatzen duena, eta ez alderantziz.
“Teknologia bikaina da, baina alde bikoitza du”, diote ekimenaren bultzatzaileek. “Aukera berriak etengabe eskainiz, gure bizitza gero eta erosoagoa egiten du, baina haurren eta nerabeen garunaren eskuragarritasuna ez da inoiz hain preziatua izan”, datuen merkatua tarteko. Hala, egun batzuez deskonektatzeaz gain, konpainia handien eta pantailen gatibu izan ez daitezen horien gaineko kontrolean trebatzea eta eskaintzen diegun denbora orekatzea ere bada ekimenaren asmoa.
Sedentarismoa, egungo arazo handia
Gogoratu dutenez, “haurrak eta nerabeak berez mugitzeko diseinatuta daude, baina gaur egun sedentarioegiak dira eta ez dira fisikoki behar bezain aktiboak. Aisialdiko pantailen aurrean eserita edo etzanda igarotako denborak hartzen du parte. Zenbakiak astronomikoak dira eta osasun fisiko eta mentalean eragina iraunkorra da. Konektatutako objektuen eta gailu mugikorren ugaritzeak loaren kalitatea eta kantitatea ere oztopatzen du”.
Erronka kolektiboa
Egitasmoa urtero errepikatzen dute, maiatza edo ekainean. Nahi duten ikastetxeek har dezakete parte eta egun horietarako pantailak barne hartzen ez dituzten jarduera alternatiboak antolatzen dituzte. Aurten, Urruñako San Frantses Xabier ikastetxean egin dute inaugurazio ekitaldia. Erronka modu kolektiboan ulertzen dute eta ikasleei eskuliburu bat ematen zaie, egunero hainbat aldiz pantailarik gabe puntuak erraz irabazteko aukera ematen diena. Puntu horiek kolektiboki pilatzen dira eta ikastetxe batek milaka irabaz ditzake.
Informazio gehiago nahi izanez gero, lotura honetan eskuratu dezakezu.
Gaiari lotuta:
Pantailarik gabeko harremanak bultzatu nahi dituzten familien bila
Elon Musken proiektuen artean bada adimen artifizialeko bat ere, Grok, eta horretarako Musken jabetzako X edo Twittereeko erabiltzaileen jarduna ari dira baliatzen, LLM edo hizkuntza eredua handitzeko eta entrenatzeko. Izatez, Twitterreko zure ezarpenetan sistema hori... [+]
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Sionista hitza daukaten argitalpenak ezabatuko ditu, juduei edo israeldarrei erreferentzia egiten dieten kasuetan. Orain arte baino modu zabalagoan hartuko dute erreferentziak aztertzeko irizpidea, eta sionisten aurkako mugimenduei eragin diezaieke.
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
Otsailean atxilotu zuten Iturmendiko pertsona bat, eta bi urte eta erdiko espetxe-zigorra eskatzen dute bere kontra, sare sozialetako zenbait mezu direla-eta. Uztailaren 16an epaituko du Espainiako Auzitegi Nazionalak.
Alex Gabilondo software librearen zaletuaren gida batetik probatu dugu, eta ibili dabil: PDF eta ePubak euskaraz entzun mugikorrean (edo Android gailuetan zehatzago) audioliburuen gisa. Software libreko doako tresnekin, gainera.
Bada pertsonok geure ezagutzak eta esperientziak partekatzeko aukera dugun eredu bat, oso gogoko dudana; eredu honetan ikasi nahi duen edonor ongi etorria izaten da, beti ere komunitatearen izaerarekin errespetuz jokatzen badu. Ikasketa komunitate irekiak dira. Gogoko dut... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]
Lehengoan mezu bat idatzi nion METAri. Di-da, pentsatu eta egin. Mark Zuckerbergek ez du lorik egin ordutik, ez baitzen edozelako mezua izan, lehor samar idatzi nion. Borde, ia. Instagrameko bideo baten bidez jakin nuen METAk bere erabiltzaileek partekatutako informazioa... [+]
Asteburu euritsu honetan gaztarotik gordeta izan ditudan CD, disko gogor eta USB memoriak hartu eta barruak ikusten aritu naiz; gauza ugari aurkitu dut bertan: inoiz argia ikusi ez duten proiektuak, argazki zaharrak, testuak, antzinako programa piloa... Azken 20 urteetan... [+]
Haur eta gazteek duten pantaila kontsumoarekiko kezka nagusi den garaiotan, fokua helduongan jarri eta familia guztiarentzako gomendio baliagarriak bidali dituzte Zurriola ikastolatik, pantailek ez ditzaten udako oporrak baldintzatu.
María Chivite presidenteak lankidetza publiko-pribatua “beharrezkoa” ikusten du aurrerapen digitala lortzeko. Besteren artean, adimen artifiziala erabiliko du Microsoft Ibéricak, instituzioetako izapideak “arintzen laguntzeko”.
Ez dakit beste espezie batzuetan kapitalismoa bezalako sistemarik existitzen den. Sistema honetan, gure espezieko pertsona batzuen bizi indarra beste batzuen bizitzak sostengatzera bideratzen da. Kapitalismoan pentsatzen dudanean, Dragoi Bolako Freezer-en eztena datorkit burura,... [+]
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]