Dozenaka hil eta 150 bat pertsona zauritu ditu Estatu Islamikoak Kabulen, ebakuazioen erdian
Estatu Islamikoaren Afganistango atalak bere gain hartu ditu ostegunean aireportuan eta bi kilometrora dagoen hotel batean egondako atentatuak. Ebakuazioak aurrera doaz, baina asteartean bukatuko dira. Atzerriko indarrek herrialdea utziko dute talibanek mehatxupean emandako epemuga betetzeko.
80 pertsona baino gehiago hil eta ehunka zauritu dira Kabulgo aireportutik hurbil ostegun arratsaldean egondako bi eraso terroristetan. Estatu Islamikoaren Afganistango taldeak (ISIS-K) bere gain hartu ditu atentatuak. Pentagonoak azaldu duenez, lehen erasoa aireportuko Abbey Gate ateetan gertatu da. AEBko soldaduak sarrerako kontrola egiten ari ziren gizonezko bati, horrek aldean zeraman txalekoko lehergailuak eztandarazi dituenean. Bigarren erasoa aireportutik bi kilometrora dagoen Baron hotelean gertatu da, beste pertsona batek karga leherrarazi duenean. Kenneth McKenzie AEBetako Komando Zentraleko komandanteak adierazi duenez, erasoen ondoren, EIko kideek tiroak egin zituzten dituzte inguruetan.
Afganistango osasun saileko goi kargu batek 60 hildako eta 140 zauritu egon direla esan dio BBC hedabideari, baina komunikabide lokalek eta talibanen iturriek Reuters agentziari emandako zifrak altuagoak dira: 85 hildako zenbatu dituzte, horietatik 72 afganiarrak eta beste 13 AEBetako soldaduak. Tartean, 28 taliban zendu direla esan dute, baina Zabihullah Mujahid bozeramaileak adierazi du ez dutela hildakorik izan.
Bestalde, BBCk 150 zauritu kontabilizatu ditu. Ospitaleetan egoera “kritikoa” dela adierazi du Emergency GKEak. Rossella Miccio presidentea Italian dago, baina kontaktuan egon da elkarteak Kabulen duen ospitaleko osasun langileekin. Good Morning Britain programari azaldu dionez, gau osoan ibili dira lanean ebakuntza geletan, goizaldeko lauak arte. 60 lagun artatu dituzte bi ordutan.
AEBak eta Erresuma Batua
Mujahidek AEBei egotzi die gertatutakoaren errua Twitter bidez zabaldutako mezuan: “AEBetako indarrak segurtasunaren kargu zeuden gunean gertatu da atentatua”. Izan ere, talibanak kanpoko ingurua zaintzen ari dira, eta AEBek 5.200 soldadu dituzte aireportu barruko kontrola egiteko eta azken ebakuazioak burutzeko.
Momentuz, militar horiek bertan geldituko dira datorren asteartera arte, hori baita talibanek atzerriko indarrei Afganistan uzteko mehatxupean eman dieten epemuga. Joe Bidenen tropek 31ra arte jarraituko dute bertan, baina beste hainbat estatuk herrialdean zabaldutako indarrak erretiratzen hasiak dira, eraso gehiago egon daitezkeela uste dutelako.
Lucy Fisher Telegraph hedabideko kazetariak informatu duenez, Erresuma Batuak 100 tropa atera ditu Afganistandik erasoak gertatu eta gero (900 soldadu baino gutxiago daude orain). Ben Wallace defentsa idazkariak adierazi duenez, “ordu pare bateko kontua” izango da ebakuazioak amaitzea, alde egin nahi duten afganiar asko (1.100 inguru) bertan geldituko badira ere.
Zortzi aste falta dira azaroaren 5erako, Etxe Zuria hartzeko lehia hurbiltzen ari da azken txanpara, eta haren lorratzari iskin egiten dionak ere, edozein kantoitan egiten du topo kresalarekin. Azaroko hitzordu horrek argitzen baitu, adibidez, hiru urte hauetan isilpean egon den... [+]
Azken hamarkadetan Afganistanen izandako “lurrikara suntsitzaileenetarikoak” izan dira. 2.530 pertsonal hil eta 9.240 zauritu dira EITBk argitara eman duenez.
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Matiullah Wesa aktibista atxilotu dutela salatu du UNAMA elkarteak astelehenean eta Afganistango Gobernuari arrazoia argitzeko eskatu dio. Ekintzaile afganiarrak emakumeen hezkuntza errazteko Pen Pathen kanpainaren sortzailea da. Igandean bideo bat publikatu zuen hezkuntzarako... [+]
Argudiatu dute Gobernuz Kanpoko Erakundeen lantokietan emakumeek ez dituztela janzkera arauak errespetatzen. GKE ugarik salatu dute emakumeen lanik gabe ezin izango dutela osasun eta giza arreta eman. Joan den astean, talibanek debekatu egin zieten... [+]
Gudarako droneen teknologian milioika dolarreko inbertsioak egin ostean, “historiako aire kanpaina zehatzena” iragarri zuen Barack Obama, AEBetako presidenteak. 2014tik gaur arte Pentagonoak bildutako dokumentuak aztertuta, ordea, “aire guda hau inteligentzia... [+]
2001eko urrian, irailaren 11n World Trade Centerren aurkako erasoak gertatu eta hilabetera, Amerikako Estatu Batuetako Aire Armadako pilotu batek historia egin zuen: drone moderno batekin (The Predator) eraso hilgarria egin zuen lehen pertsona izan zen. Ordutik, droneak XXI... [+]
Valladolid probintziako lur zabal bezain idorrean gindoazela heldu ginen harresiz inguratutako Urueñara. Herri txiki bezain bitxia da: 200 biztanle ez baditu ere, zortzi liburu-denda daude, literatur museo bat, baita literatura unibertsaleko ipuin ezagunen txokoa ere... [+]
Hogei urte pasa direla, berriz ere boterea hartu dute talibanek Afganistanen. Nazioarteko estatuek gobernu berri horri begira hartuko duten postura erabakitzeko orduan talibanen pentsamolde eta politika basatiek izanen dute eragina. Alta, beste behin ere lurpean dagoenak izanen... [+]
