Donostian hiru egunetik behin gai politikoekin loturiko isun bat jartzen dutela salatu dute
Prentsaurreko korala egin dute larunbat goizean hainbat herri mugimendu eta sindikatutako kideek Donostiako Trinitate plazan. Helburua: Piztu Donostia kanpaina aurkeztea. Azken bi urteetan hirian gai politiko zein sozialekin loturiko 289 isun jarri dituztela salatu dute, baita aurre egiteko proposamenak jendarteratu ere: erresistentzia kutxa, isunen protokoloa eta Eskubideen Behatokia. Mobilizazioak ere iragarri dituzte. Amaitzeko, Beñat eta Unai Gaztelumendik gaiaz idatzitako bertsoak ere abestu dituzte.
Erraustegiaren aurkako hiru pegatina jartzeagatik 400 euroko isuna herritar bati, G7aren aurkako pankarta bat jartzeagatik 400 euroko isuna beste bati, instituzioei komunikatu gabe biltzeagatik 100 eurokoa beste bati. Hiru adibide besterik ez dira, baina hiru egunean behin isun bat jarri dute Donostian azken bi urteetan. Udaleko iturriak aipatuz, datu hori eman dute Piztu Donostia kanpainaren sustatzaileek. 2018an 130 isun jarri zituzten eta 2019an 155. Urtebetean %17ko igoera, beraz.
"Errepresio politiko hau bideratzeko lege markoa bikoitza da hirian. Batetik, Espainiako Estatu mailako Mozal Legea erabiltzen dute; bestetik, Donostiako Udaleko Mozal Ordenantza. Biek helburu bera dute, kritika soziala eragoztea. Ertzaintza eta Udaltzaingoa Donostiako Polizia politikoak dira", salatu dute haserre.
"Hiria publizitate erraldoiz bete digutenek" halako isunak jartzea gaitzetsi dute, adierazpen askatasunarekin loturiko jardun gisa ikusten baitute. Donostian "oinarrizko eskubide demokratikoak murrizten" ari direla adierazi dute.
Adierazpen askatasuna, biltzeko askatasuna eta mobilizatzeko askatasuna errespetatzea lortzeko bide gisa ikusten dute otsailaren erdira arte luzatuko den "Piztu Donostia, mozal hiriari ez" kanpaina.
Gaiarekin loturiko "Ez dakit ahorik ixten" koplak sortu dituzte Gaztelumendi anaiek. Beñat Gipuzkoako Bertsolaritza Txapelketako irabazlearen ahotik abestu dituzte:
Donostiako Eskubideen Behatokia eta erresistentzia kutxa
Piztu Donostia kanpainarekin batera, hirian jartzen dituzten herri mugimenduek beraiek isunen kontaketa egin ahal izateko Eskubideen Behatokia sortu dutela jakinarazi dute. Abokatu eta laguntzaileez osaturiko taldea izango da eta datu base bat osatuko dute.
Erresistentzia kutxa ere sortu dute, isunak jaso eta ordaintzeko laguntza behar dutenei zuzendua. "Helburua ez da isuna jaso dutenei, besterik gabe, dirua ematea eta kitto, baizik eta jasotzen diren isunak ordaintzen laguntzea, beharrezkoa denean dirua aurreratuz eta aurreratutako dirua ahal den neurrian berreskuratzeko kanpainak proposatuz". Erresistentzia Kutxa osatzeko diru bilketa ugari bideratuko dituzte. Lehenengoa, grebarekin ados egon, baina egun horretan bat egin ezin duten langileei dei egin diete. Horretarako, beren egun bateko soldata bideratzeko eskatu diete, eta hori egin ahal izateko informazioa laster banatuko dutela jakinarazi dute.
Prentsaurrekoa baliatu dute urtarrilaren 30erako deituta dagoen greba orokorrarekin bat egiteko eta kanpaina hau honi egindako ekarpen gisa aurkeztu dute. Aurreikusten dute greba orokorraren prestaketan, garapenean eta etorkizunean isunak jasoko dituztela herritarrek, eta horien aurrean nola jokatu zehatuko duen protokoloa idatzi dute. www.piztudonostia.eus webgunean dago. Ondorengo asteetan hiriko eragile sozialei horren garrantzia azaltzea eta isunen bat jasotzean bete behar den fitxa helaraziko diete.
Mobilizazioak deitu dituzte
Lau mobilizazio iragarri dituzte: Urtarrilaren 13tik 20ra, eragile sozial guztiei dei egiten diete Adierazpen Askatasunaren Astea burutzera. "Ez gaitzaten kikildu, jar ditzagun kartel, pankarta eta nahi adina adierazpide kaleetan". Urtarrilaren 25ean, mobilizazioa deitu dute Pio XII plazatik Udaltzaingoaren biribilgunera, "salatzeko Donostiako Udaltzaingoa jokatzen ari den papera isunen kontu honetan". Otsailaren 1ean, greba orokorraren ondorengo balantze errepresiboa egingo dute Antiguako Ertzaintzaren komisaldegi aurrean. Azkenik, otsailaren 15ean mobilizazioa egingo dute Donostiako udaletxetik Egiako epaitegira, Mozal Legea eta Mozal Ordenantza bertan behera uzteko eskatuz.
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Duela hamar urteko martxoaren 31an Espainiako Estatuko Aldizkari Ofizialean argitaratu zuten denok Mozal Legea gisa ezagutzen dugun araudia. Espainiako Estatuan ez ezik, nazioartean parekorik gabeko aurkakotasuna eragin zuen lege makurra. Hamarkada pasa da eta jaio zenean bezain... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
.jpg)
Historia errepikatzen dela idatzi zuen Marxek, “lehenik tragedia gisa, gero fartsa moduan”. Armagintzaren eta militarismoaren inguruan errepikapen hutsa ez, espiralean goraka doan buklea ari gara bizitzen, fartsatik asko duena, eta tragedian amaitzeko gero eta aukera... [+]
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Europako Batzordeak aurkeztu duen plana ustezko gerra edo hondamendi baten aurrean “bizirauteko” kit batetik harago doa: hogeita hamar neurri proposatu ditu eskoletan, enpresetan eta herritarren artean militarismoa eta beldurra sustatuko dutenak.
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Joan den asteko kaleratze "ilegala" salatzeko, manifestaziora deitu dute ostiral arratsalderako.