Donostian Falangisten elkarretaratzearen aurka kalera atera diren herritarren kontra oldartu da Ertzaintza
Elkarretaratzea egin dute sei falangistak Donostian, "ETAko biktimen omenezko lore eskaintza bat" egiteko. Jarkik ekitaldiaren aurka mobilizatzeko deia egin du, eta hainbat gazte bertaratu dira, "faxismoaren aurrean Euskal Herri langilea antolatu" lemapean.
Sei falangistak elkarretaratzea egin dute ostegun arratsaldean Donostian, eta Jarkik deituta hainbat pertsonak ekitaldiaren aurka egin dute, "Faxismoaren aurrean Euskal Herri langilea antolatu" lemapean. Ertzaintzak ultraeskuindarrak babestu ditu, eta antifaxisten aurka oldartu da.
Gutxienez Ertzaintzaren sei furgoi bertaratu dira Alderdi Ederrera, eta zintaz banatu dituzte faxistak eta antifaxistak. Tentsio uneak izan dira Poliziaren eta mobilizazio antifaxistaren artean. Behin ekitaldia amaituta, Ertzaintzaren babespean egin dute alde falangistek.
ETA, ni olvido ni perdón liburuaren aurkezpena
Hasiera batean, ETA, ni olvido ni perdón liburua aurkeztekoak ziren Donostiako Club Cantábrico elkartean, SND argitaletxeak antolatuta. Gerora, ekitaldia Bilboko Ercilla hotelera lekualdatu zuten, ondoren Leioako La Avanzada hotelera, baina azkenean ez dute liburuaren aurkezpena inon egiterik izan, Jardunek azaldu duenez. Ekitaldi horiek bertan behera gelditu aurretik, Jarkik liburuaren aurkezpenean ere mobilizatzeko deia egina zuen, baina aurkezpenik ez denez izan, elkarretaratzeak ere bertan behera utzi dituzte. Azkenik, Alderdi Ederren "ETAren biktimen omenezko lore eskaintza" baino ez dute egin falangistek.
Martin Saenz de Ynestrillas falangista, Alvaro Romero frankista eta Jesus Longueira Espainiako Poliziako agente ultraeskuindarrak egin behar zuten liburuaren aurkezpena. Donostiako Udalak "probokaziotzat" jo zuen ekitaldia: EH Bilduk aurkeztu zuen adierazpena bozeramaileen batzordean, eta alderdi guztiek alde bozkatu zuten, PPk izan ezik.
Estirpe Imperial da talde neonazia, besteak beste ezagun egin dena erabiltzen dituen letra faxista eta arrazistengatik.
Euskal Herriko Unibertsitateak jakinarazi duenez, gutxienez astebetez ez du eskolarik emango Zuzenbide Fakultateko irakasleak. Astelehen goizean Leioako campuseko ehunka ikaslek sare sozialetan frankismoa goraipatzea eta mezu xenofobo, matxista eta homofoboak hedatu izana salatu... [+]
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
Ekainaren 9an Europako hauteskundeak izango dira, herritarrei gutxien interesatzen zaizkigun bozketak, antza, nahiz eta jokoan asko dugun. Agertzen zaigun panorama, gainera, ez da batere baikorra, ultraeskuinaren aurreratze nabarmena aurreikusten baita. Faxismoari aurre egitera... [+]
Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]
ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.
Otsailaren 20an La xarxa ultra... [+]
Memoria historikoaren aldeko hemeretzi eragilek bat egin dute, Askatasunaren Plazako eraikina eraisteko eskatzeko. “Ezinezkoa da frankismoaren monumentu honi nortasun berri bat ematea”, azaldu dute.
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
Ehunka lagun elkartu ziren ostiralean Aitor Zabaletaren omenez Bultzadak eta bestelako talde antifaxistek antolatu zuten manifestazioan. 25 urte bete berri dira ultraeskuindar batek Aitor Zabaleta realzalea hil zuenetik, eta hura gogoan, 19:00etan Bulebarretik abiatu zen... [+]