Hiru atxilotu eta zauritu ugari etxerik gabeko pertsonek bizileku gisa okupatuta zuten eraikinean Ertzaintza sartu ostean
Donostiako Moraza kalean bizileku gisa okupatuta zeukaten eraikina hustu du Ertzaintza asteazken goizean. 45 gazte migrante zeuden bertan bizitzen. Denak kaleratu dituzte eta hainbat lagun zaurituta daude Ertzaintzak eraikinaren barnean emandako kolpeen ondorioz. Hiru atxilotu dituzte, Irutxuloko Hitzak informatu duenez. Ondoren, berriro sartzen utzi diete gainontzeko guztiei.
10:30 inguruan joan da polizia Donostiako erdigunean dagoen Moraza kalera. Bizilagunen kexa baten harira joan dira, Irutxuloko Hitzari esan diotenez. Udaltzainek kalea moztu dute eta Ertzaintza eraikinean sartu da. Inongo momentutan ez dute desalojo agindurik erakutsi, eraikinaren barnekoei laguntzera joan direnek salatu dutenez.
El Diario Vascok informatu duenez, iskanbila izan da barruan. Hainbat lagun borra-kolpeka zauritu dituzte, eta sei ertzain ere zauritu dira operazioan. Ertzainen azalpenak jaso ditu egunkari horrek: "Bi pertsona gure gainera etorri dira eta ertzainei eraso egingo zietela mehatxu egin digute". 17 eta 20 urteko bi pertsona horiek atxilotu egin dituzte, autoritatearen aurkako atentatua egotzita.
ARGIAk barruan bizi den tentsioaren erakusle den bideo bat jaso du.
Bertan izan da Irutxuloko Hitzako kazetari Iñaki Agirre. Informatu duenez, hainbat pertsona zauritu dituzte eraikinaren barnean borra kolpeka. Hiru atxilotuta eraman dituztela dio.
Hainbat zauritu daude borra kolpeen ondorioz. Poliziak gazte guztiak kanporatu ditu eta ez die etxebizitzara bueltatzen uzten. Ertzainen arabera, bizilagunen kexa batzuengatik etorri dira Hiru gazte eraman dituzte atxilotuta @irutxulo pic.twitter.com/Qnl3c2o1M1
— Iñaki Agirre (@ikiagirre) 2019(e)ko ekainaren 5(a)
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]
Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.