Metroko obren ondorioz, bi eraikin desalojatu behar izan dituzte Donostian
Donostiako erdialdean, Zubieta kalean dago lau izarreko hotela eta honekin batera Hegalak izeneko gimnasioa eta beste eraikin bat ere desalojatu dituzte, Sos Deiak jakinarazi duenez “ur jario baten” ondorioz. Metro polemikoaren obrak egiten ari dira hor azpian. Hasieran Nekane Arzallus zinegotziak ukatu egin du metroaren obrekin zerikusirik zuenik gertatuak.
Ur jarioak luizi bat sortu du eraikinaren sotoan eta bizilagunek, entzundako zarataren ondoren, suhiltzaileei deitu diete. Goizeko lehen orduetan atera dituzte bizilagunak euren etxeetatik.
Hotelaren ondoan Donostiako metroaren obrak egiten ari dira eta teknikariak aztertzen ari dira ea luiziak obrekin zerikusirik duen, Satorralaiak metroaren aurkako ekimenak adierazi duen bezala. Arratsaldeko lehen orduetatik aurrera Zubieta kalea itxi dute eta Kontxako Pasealekuaren zati bat ere bai.
ARGIAk jakin du langileen bidez, baietz, metroaren obretan gertatutako istripu bat izan dela. “Ireki den boketearen ondorioz, tunelean ura, hondarra eta eskonbro asko sartu da, egonkortasun falta handia da".
Aste honetan metroko bi langilek borondatezko baja aurkeztu dute. Ez dute bertan lanean jarraitu nahi. "Segurtasunagatik, ni banoa hemendik", esanez ospa egin dute.
.jpeg)
Asteazkenean ur jauzia obretan
Asteazkenean ur jauzia gertatu zen Donostiako metroaren lanetan, tunelaren zulaketa-lanetan ari zirenean. Obretako langileen arabera, Perla zentroaren inguruan aurreikusi ez zuten akats geologiko batekin egin dute topo eta ura belaunetik gora iritsi zaie. Gertakaria dela eta, baliteke tunelaren norabidea aldatu behar izatea.
ERNE!!! Donostiako metroko obretan urarekin topo egin dute!!! pic.twitter.com/lAew9f7Ds6
— Topometro (@topometro) June 3, 2020
Lur-jauziak ere bai
Ez da proiektu honek izan duen lehen arazo larria. Iazko azaroan, adibidez, eraikuntza-lanak egiten ari ziren mendian lur-jauzia gertatu zen Antigua auzoan, eta horrek gas jarioa eragin zuen aldi berean. Auzotarren hitzetan, Donostiako Udalak ez zuen mendi magalaren egoera “ezegonkorra” kontuan hartu metroaren obrei ekiterako orduan.
Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.
Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]
Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.
Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.
Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.
Donostiako metroko obretan kamioilari gisa lan egiten du Imanolek, eta bere testigantza eman dio Berriari. Irregulartasunak eguneroko ogi direla salatzeaz gain, horiek auzitara eramateagatik jasandako mehatxuez eta kalte psikologikoaz mintzatu da.
Euskal Trenbide Sareak Donostiako Metroaren obretan agerturiko azken zuloa aurrekoak baino lau aldiz handiagoa dela adierazi du. Maiatzaren 7an eragindako zuloak 138 metro kubiko dauzka.
Pasa den astean Donostiako Zubieta kalean agerturiko zuloa estaltzeko 100 metro kubo hormigoi behar izan dituztela jakinarazi du EH Bilduko zinegotzi Garbiñe Alkizak, eta azkeneko honen tamaina aurrekoen hirukoitza dela.
Donostiako EH Bilduk salatu duenez beste zulo bat agertu da metroaren obretan, oraingoan Kontxako hondartzako kabinetan. Herritarren eta langileen segurtasuna arriskuan jartzen dutelako eta dagoeneko atzerapen eta gainkostu handiak pilatzen ari delako "zentzugabekeria"... [+]
Donostiako metroaren lanetan istripua izan da ostiral goizean, Benta Berriko tunelean. Oraindik informazio xeherik ez badago ere, ARGIAk jakin ahal izan du kofratua egiten ari zen langile bat dela zauritua eta ospitalera eraman behar izan dutela anbulantzian.
Euskal Errepublikaren aldeko Ehun mugimenduak larunbatean Donostiako metroaren lau tunelen sarreretan pankartak jarri ditu. "Metroaren zuloak frankismotik datorren eta 78ko erregimenarekin jarraitu duen sare klientelar-mafiosoaren adierazlerik ilunenak dira", salatu... [+]
Donostiako Kontxa hondartzatik gertu dagoen Zubieta kalean metroko obretan berriro ere zulo bat agertu da astearte goizean. Horren harira, hainbat sindikatu, alderdi eta kolektibok obrak berehala gelditzea eskatu diote Eneko Goia Donostiako alkateari.
Kontxa hondartza ondoan dagoen Zubieta kalean, metroko obretan berriro ere zulo bat agertu da astearte goizean. Trafikoa moztu behar izan dute udaltzainek eta Donostiako alkateak adierazi du badirudiela ekainean gertatu zen zuloarekin zerikusia duela, modu horretan aitortuz... [+]
Satorralaia bizilagunen mugimenduak deituta, hainbat herritar kalera atera dira protesta egitera Donostian. Proiektuak izango duen gainkostua salatu eta lanak bertan behera uzteko exijitu dute.
Satorralaia bizilagunen mugimenduaren ustez metroaren lanak eten behar izatean “proiektuaren zentzugabekeria egiaztatu baino ez du egiten”. Manifestazioa azaroaren 14an abiatuko da eguerdiko 12:00etan Koldo Mitxelenatik.