Turistifikazioaren Aurkako Urria manifestazio jendetsu batekin borobildu zuen igandean desazkunde turistikoaren aldeko Bizilagunekin plataformak, baina turistifikazioaren inguruko eztabaidak bizirik jarraitzen du hirian. Hain zuzen ere, Donostiako azken urteko turismoaren... [+]
Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
larunbata 2024ko azaroaren 23an
Donostiako turismo bulegoa udaletxe barruan jartzeko lanean ari dira
Gipuzkoako hiriburuan, udaletxearen eraikinaren ekialdeko partean lanean ari dira duela zenbait hilabetetik. Udalak han ematen zituen zenbait zerbitzu eraikinetik atera eta turismo bulegoa ezartzeko. Hala, turistak hiriko eraikinik enblematikoeneraino sartzea da asmoa. Lanak onartu zirenean zortzi hilabeteko epea ezarri zuten egiteko, baita 1,88 milioi euroko aurrekontua ere. Apirilean, ordea, izan duten arazo tekniko baten harira, epea luzatzea eskatu dute, eta espero izatekoa da gainkostuak ere izango dituela obrak.
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.
Udalak donostiarrei ematen zizkien ondorengo zerbitzuak udaletxearen eraikinetik atera dituzte: programazio, azterlan eta aurrekontuen saila; ondare zerbitzua; kontratazio zerbitzua; ogasun zerbitzua eta diruzaintza atala. Gaur egun, horiek udaletxe ondoan dagoen Goikoa eraikinean daude. Sail horiek utzitako lekuan, Boulevardetik zuzeneko sarbidea izango duen turismo bulegoa egiten ari da Goia buru duen udala.
"Udaletxean turismo ofizina berria irekitzeko lanak egiten ari dira. Donostiarrak udaletxetik geroz eta kanpoago sentitzen diren honetan, turismo bulegoa jarriko dute bisitariak bertara sar daitezen", adierazi du EH Bilduko Markel Ormazabalek bideo batean. "Ez dago indarrean dagoen hiri ereduaz eta gobernantzaz metafora hoberik".
Turismoak eta etxebizitzarako sarbide faltak hiriko hauteskunde giroa markatu dute. Orain gutxi Donostiako Udalak eginiko inkesta baten arabera, herritarren %65ak uste du ez dela turista gehiago erakarri behar hirira.
Lanak atzeratuta, gainkostuak bidean?
2022ko azaroaren 8an onartu zuen Udal Gobernuak udaletxe barruraino sartzea turismo bulegoa. 1,88 milioi euroko aurrekontua izango zuen eta Altuna y Uria enpresari esleitu zizkioten lanak. 2023ko urtarrilaren 23an onartu ziren zuinketaren frogatze aktak, eta beraz, obrak egiteko gehienez zortzi hilabeteko epea ireki zen. Hainbat hedabidek eman zuten horren berri, baita fotomuntaiak zabaldu ere.
Ez da publikoki jakinarazi, ordea, irailaren 23rako amaituta egon behar luketen lanak, itxura guztien arabera, ez direla hala izango. Izan ere, apirilaren 13an, kontratua eteteko eskatu zuten proiektu eta obretako idazkari tekniko Monika Barok, proiektu eta obretako zuzendari Alfonso Vázquezek eta obrak eta hiri proiektuetako zinegotzi ordezkari Duñike Agirrezabalagak, etendako eraztun perimetrala gauzatzeko lanetan izan duten arazo baten harira. Atzerapenaz gain, gainkostuak ere egon daitezke, beraz.
Irakurrienak
Matomo erabiliz
#1
#2
#3
Estitxu Eizagirre
#5
Onintza Irureta Azkune
#6
Jon Garaño
Kanal honetatik interesatuko zaizu: Turismoa
2024-11-14
Urko Apaolaza Avila
Pisu turistikoentzako baimenak urtebetez eten ditu Bilbok
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
2024-11-08
Euskal Irratiak
AirBnb motako epe laburreko alokairuen abantaila fiskala murriztu dute Ipar Euskal Herrian
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.
Donostia tentsio handiko eremu izenda dezala eskatu dio udalak Jaurlaritzari
Izendapenak ohiko etxebizitzarako alokairuaren prezioen arautzea ekarriko du. Nolanahi ere, udal ordezkariek argi utzi dute, legediaren bitartez soilik, ezin izango zaiola aurre egin etxebizitzaren aferari. Ondo bidean, 2025eko lehen hilabeteetan indarrean sartzea aurreikusten... [+]
2024-11-06
Ula Iruretagoiena
Lurraldea eta arkitektura
Oinordetzan
Asteburu luze bat. Ingurutik bueltatxo bat eman eta pikoteoa egiteko probestu dugu. Turistak selfie-ak egiten. Turistentzako bideak, alokairuak, dendak, hotelak, aparkalekuak, menuko platerak, seinaleen kartelak munduko hizkuntza orotan. Turistak ohiko lekuak leku arrotz... [+]
Mila lagunetik gora mobilizatu dira turistifikazioaren eraginen aurka
Bizilagunekin plataformak deituta, hiri eredua eraldatu eta herritarren bizi baldintzak erdigunean jar daitezen eskatu dute ehunka lagunek. Etxebizitzaren eskasia eta garestitzea salatu dute, bai eta egoera horren aurrean, Donostiako udalak izan duen jarrera ere.
Donostiako 50 eragilek “desazkunde turistikoa” aldarrikatuko dute igandean
Donostiako denetariko elkarte, talde eta antolakundeek bat egin dute Bizilagunekin plataformak datorren iganderako, urriak 27, deitutako manifestazioarekin. Alderdi Ederretik abiatuko da 12:00etan.
2024-10-22
Leire Ibar
Milaka pertsona mobilizatu dira Kanarietako turismo masiboa salatzeko
Uharteetako 25.000 biztanle inguru mobilizatu ziren urriaren 20an turismoaren “gehiegikeriaren”, masifikazioaren eta etxebizitzaren merkatuaren aurka protesta egiteko. Turismoak euren hiri eta herrietatik kanporatzen dituztela salatu dute bertako biztanleek.
2024-10-08
ARGIA
Hego Euskal Herriko bizilagunek etxe turistikoak debekatzeko aukera izango dute, 3/5eko gehiengoz
Espainiako Auzitegi Gorenak ebatzi duenez, bizilagunen komunitateek eraikin edo urbanizazio batean etxe turistiko gehiago jartzea debekatzeko ahalmena izango dute, betiere bostetik hiruko gehiengoa lortuz gero. Modu horretan, atzera bota ditu Espainiako Estatuan etxe turistikoen... [+]
Turistifikazioaren Aurkako Urria antolatu dute, hiri bizigarri baten alde
Turismoaren Nazioarteko Egunean, joan den ostiralean, aurkeztu zuen Bizilagunekin plataformak Turistikazioaren Aurkako Urria egitasmoa.
2024-09-11
Nagore Irazustabarrena Uranga
Turismoa vs. geoglifoak
Atacamako Desertua Fundazioak eremu horretako geoglifoak suntsitzen ari direla salatu du sare sozialetan; hainbat argazkiren bidez, basamortura 4x4 ibilgailuetan doazen bisitariak eragiten ari diren triskantza erakutsi dute. 1000 eta 1520 urteen artean egindako geoglifo handiak... [+]
2024-09-09
ARGIA
Iruñeko Alde Zaharrean etxe turistikoei lizentzia gehiago ez ematea erabaki du Udalak
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Eguneraketa berriak daude