Donostiako Saretxe elkarteak, Hondarpe groseko auzo elkarteak eta Laia abokatu taldeak salatu dutenez, udaleko idazkariak bere etxebizitza bati erabilera turistikoa eman nahi izan dio, EAEko Auzitegi Nagusiak etxe turistikoen legea atzera bota zuen arren.
2018ko martxoan Donostiako udal gobernuak ordenantza onartu zuen etxe turistikoak lehen solairutik gora ere egotea baimentzen zuena. Aitzitik, EAEko Auzitegi Nagusiak, helegite bat aztertu ondoren, ebatzi zuen ordenantza batek ezin zuela halakorik arautu Plan Orokorrean aldaketarik egin gabe.
"Geure buruari galdetu genion zenbat pisu turistiko zeuden Grosen lehenengo pisutik gora, eta ariketa horretan 7 pisu turistiko topatu genituen –azaldu du Hondarpe auzo elkarteak–. Geure buruari egin genion hurrengo galdera izan zen ea zeinek izan zezakeen interesa etxebizitzak negoziora bideratzeko, eta ez funtsezko bizi baldintza bat bermatzeko".
Bilaketa horretan, sorpresa batekin egin dute topo Groseko kolektibo horiek: ostegun honetan prentsaurrean salatu dutenez, etxebizitza horietako baten jabea Juan Carlos Echezarreta Donostiako udal idazkaria da. Usandizaga kaleko eraikin batean seigarren solairuan duen etxeari erabilera turistikoa egiteko eskaera egin zuen, bere senide baten izenean, diote.
"Udaletxeetako idazkarien funtzioen artean dago onartzen diren arauak legearen araberakoak diren edo ez aztertzea eta honen arabera aholkularitza lana egitea, eta honek egiten du egoera hau larria", azaldu dute. Euren esanetan bai EAEko Auzitegi Nagusiak bai Espainiako Auzitegi Gorenak esan dute 2018ko martxoan onartutako prozedura horrek ez duela legea betetzen.
Xehetasun hori "konfidantzazko abokatuen" esku utziko dutela jakinarazi dute eta "azalpenak eta ardurak" eskatu dizkiete Eneko Goia Donostiako alkateari eta Echezarreta idazkariari.
Nolanahi ere, "gertakari" hori etxebizitza eskubidearen aferan dagoen gatazkaren testuinguruan lotu dute eragileok: "Ez da kasualitatea", nabarmendu dute. "Etxebizitza produktu bilakatu dute eta horrekin batera baita gure auzoa ere, bata zein bestea, metaketa kapitalistarako merkantzia gisa erabili dituzte".
Hala, "auzodefentsan" jarraituko dutela iragarri dute eta etxebizitza eskubidearen alde ari direnei ere euren babesa eskaini diete. Hain justu,ostiralean Bilbon Santutxuko auzotar baten etxegabetzearen kontra manifestazioa egingo da, eta Donostian apirilaren 30ean Egiako eraikin bateko bizilagunak babesteko mobilizatuko dira.
Bruselan legez kanpokoa da etxebizitza hutsak izatea, eta hainbat komunek (Belgikako hiriburua banatzeko barruti modukoak) lege-tresna bat jarri dute martxan etxebizitzen kontrola hartu eta merkatura ateratzeko, arrazoizko prezioetan.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Groseko hainbat maizterrek, Saretxe etxebizitza sindikatuarekin elkarlanean, Azora putre funtsaren gehiegikeriak salatu dituzte. Bizilagunek elkarrekin egin nahi diote aurre jabetza duen enpresari, eta manifestaziora deitu dute, hilaren 25erako.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Donostiako auzokide horiek Saretxe Groseko Etxebizitza sindikatuarekin batera ari dira lanean, Azora enpresak Inmobiliaria Vascongadaren jabetzak erosi zituenetik pairatu dituzten arazoei konponbidea bilatzeko. "Klausula ilegalak" dira kexa nagusienetariko bat, eta... [+]
Alokairuzko etxebizitzaren prezioa %10,3 handitu da azken urtean Euskal Autonomia Erkidegoan, Idealista etxeak egindako azken txostenaren arabera. Hala, metro koadroaren prezioa 14 eurokoa da hilean, batez beste. Hiriburuka aztertuta, Donostiak dauzka preziorik altuenak.
Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.
Azora funts putrearen maizterrak diren beste lau familiaren etxegabetzea geldiarazi nahi dute Inquilinos de Azora, Alokairu Benta Berri eta Kaleratzeak Stop eragileek. Horretarako, Donostiako Udalari, Gipuzkoako Foru Ogasunari eta Eusko Jaurlaritzari zenbait eskaera egin... [+]
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.