Cristina Lage Turismo zinegotziak Urrezko Maskorra saria eman dio berriki Roca Rey toreatzaileari, 2022ko Aste Nagusian faenarik onena egiteagatik. Horren aurrean, Eguzki Erakunde Ekologistak salatu du Donostiako Udaleko zinegotzi batek toreatzaile bati sari bat emateak erakusten duela “udalak Illunbeko zezenketak laguntzen jarraitzen” duela.
“Azken urteotan, udalak, auzi honetan duen erantzukizun zuzena ezkutatu nahian, argudiatu du zezenketak jarduera pribatua direla eta berak ez duela jarduera horretan inolako erantzukizunik. Baina, horrela balitz, Turismo zinegotziak zergatik eman beharko luke sari bat? Udalaren egitekoa al da pertsona bat saritzea zezenak hiltzeagatik espektakulu bihurtuta?”, kritikatu du Eguzkik.
Halaber, ekologistek gogorarazi dute donostiarren %71aren ustez ez dela “onartu behar udal instalazioak ikuskizun taurinoetarako erabiltzea”, udalak berak egindako inkesta baten arabera. “Nor ordezkatzen ari zen zinegotzia aipatutako saria eman zuenean? Donostia zezen sarraskiekin nahastea nahi ez duen gehiengoa edo zezen sarraskiekin gozatzen omen duen gutxiengoa? Gainera, prentsa kronikaren batean irakurri dugunez, faena biribiltzeko edo, Lage zinegotziak esan zuen ‘zezenketa kultur munduaren funtsezko zutabea’ dela”, gehitu du Eguzkik.
Horrela, ekologistek Eneko Goia alkateari galdetu diote ea bat datorren Lagek toreatzaileari sari bat ematearekin eta esandakoarekin, eta gaineratu dute ez dela lehenengo aldia PSE-EEko zinegotziek halako zerbait egiten dutela: “PSE-EEko zinegotziek urteak daramatzate toreatzaileei sariak ematen, seguruena mundu horretan bozka batzuk lortuko dituztelakoan. Baina, Donostiako Udalaren eta donostiarren izenean ari dira. Eta hori larria da. Hori ezin da nolanahi onartu. Zezenketei dagokienez, PSE-EEko zinegotziek beren burua ordezkatzen dute, edo, gehienez ere, alderdiarena Ez besterik. Eta donostiarron iritziaren inguruan oraindik zalantzarik badituzte, galdetu baino ez dute egin behar”.
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Zezenak torturatu eta hilko dituzte aurten ere Donostiako Aste Nagusian, hiru egunez. Arte y Cultura BMF enpresak iragarri ditu Illunben aurten egingo dituzten zezenketak, eta Aste Nagusiko bigarren asteburuan izango dira, abuztuaren 15ean, 16an eta 17an (18:00etan).
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Antiespezismoa akademiara hurbiltzeko asmoz zenbait ikertzaile eta ikasleren artean ‘Animalia ikasketa kritikoen EHU/UPVko I. kongresua’ antolatu dute martxoaren 20tik 22ra Leioan.
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
Ez nuen usteko egun batean zozoarekin komunikatzeko gai izango nintzenik. Miraria duela bizpahiru urte gertatu zen. Atarian geundela, zozo bat zalapartan entzun zen baratzean, zer arraio zen begiratzera joan eta erdiko pasabidean katua, ondoan tomate-makila gainetik txoria... [+]
AnimaNaturalis eta PETA erakundeak antolatu dute protesta, Udal Plazan 12:00etan, festak hasi baino egun bat lehenago. Nafarroako, Espainiako eta Europako aktibistak elkartuko dira. Manifestazioa AnimaNaturalisen “odolik gabeko Sanfermin” kanpainaren barruan dago.
Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.
Alemanian oilaskoak hazten dituen etxalde erraldoi bateko irudiak zabaldu ditu Equalia GKE-ak. Bertan irregulartasun ugari atzeman daitezke, bereziki animalien aurkako tratu txarrak eta pilaketak, non bizirik dauden txitoak ondoan hilda daudenak jatera iristen diren. Lidl... [+]
Iaz erabaki zuen Lekeitioko Udalak Antzar Egunean antzara bizidunik ez erabiltzea, eta 300 urte baino gehiagoko ibilbidean lehen aldiz, irailaren 5 honetan erabilitako antzara guztiak plastikozkoak izan dira.