Donostiako Udalak Fiare bankuarekin akordioa sinatu du
Donostiako Udalak Fiare banku sozialarekin bat egin du eta erakunde horretan kontu bat irekiko duela iragarri du. Atzo eman zuten jakitera Donostiako alkate Juan Karlos Izagirrek eta Fiareko EAEko Garapenerako Zuzendari Nagusi Juan Garibik Donostiako Udalean emandako prentsaurrekoan. Joan den hilabetean Errenteriako Udalak ere antzeko akordioa sinatu zuen banku etikoarekin.
Donostiako Udalak dirua jartzeaz gain, lokalak erabiltzeko aukera emango dio Fiareri. Izagirrek adierazi zuen dirua "era etikoan" erabili behar dela "eta ez armen salerosketarako, etxebizitzen espekulaziorako edo giza eskubideak urratzen dituzten ekintzetarako".
Garibik bestalde, banku tradizionalen alternatiba direla esan zuen. Azaldu zuenez, Fiaren pertsona bakoitzak badakie bere diruarekin zer egiten duen; eta erabakiak hartzeko eskubidea dute bezeroek, bakoitzak boto bat baitu bezero izateagatik, ez bankuan sartu duen diruaren arabera.
Garibik ziurtatu zuen beraien bankuko mugimenduak gardentasunez egingo direla eta webgunean kontsulta daitekeela dirua zeini eta zertarako ematen zaion.
Izagirrek nabarmendu zuen gizartearekin, ingurumenarekin edo bidezko merkataritzarekin lotutako egitasmoak bultzatuko dituela Fiarek eta horrek gure bizi kalitatea hobetzeko balio dutela.
Fiarek, gaur egun 3.500 bazkide ditu eta herena Hego Euskal Herrikoak dira. Fiareko kide izateko 300 euro sartu behar dira gutxienez, pertsona juridikoa izanez gero 600 euro eta elkarte, erakunde edo entitate bat izanez gero 1.800 euro. Garibik akordio hau beraientzat "oso garrantzitsua" dela esan zuen, udal baten konfiantza izateak inguruko jendea beraiengana hurbiltzea erraztuko dielako.
Informazio gehiago:
ARGIA astekariaren 2.293. zenbakian banku etikoari buruzko erreportajea argitaratu genuen: Pertsonen zerbitzura dagoen ekonomia
ARGIA astekariaren 2.111. zenbakian Fiare bankuaren sorrerari buruz Daniel Udalaitzek idatzitako erreportajea: Europako banku etikoen sorburua?
Europako parlamentuan aurkeztu duten txosten batek erakusten ditu finantza etikoen azken hamar urteetako hazkunde datuak.
Andoain Town Council (Gipuzkoa, Basque Country) has signed an agreement with Fiare. Socially excluded citizens, and those in danger of being so, will be able to ask for loans from the ethical bank without the guarantees required by traditional banks.
Mañariko Udalak Banco Sabadellen zituen 209.201 euroak Fiare banku etikora eramatea erabaki du. Ebatzi horren bidez, “gizartea eraikitzeko bidean —gizartean balio justu, solidario eta humanoak sakontzeko bidean— gure harritxoa jarri gura izan... [+]
2008tik 2014era 1.500 milioi euro bildu dituzte Espainiako Estatuko banku etikoek. 2012an Rajoyren gobernuak EBri ia 220.000 euroko erreskatea eskatu zionetik gaur arte, 75.000 bezero inguru lortu dituzte eta dagoeneko 187.383 pertsonak dituzte aurrezkiak banku horietan.
Udalbiltzak (Euskal Herriko Garapen eta Kohesio Fondoaren bidez) martxan duen Euskal Pirinioetan lan eta bizi ekimenera batu dira Fiare banku etikoa eta Herrikoa arrisku kapitaleko elkartea. Pirinioen garapena bultzatuko duten proiektuak abiatzea eta finantzatzea da ekimenaren... [+]
Euskal Herrian indarra hartzen ari den Fiare banku etikoak baditu hainbat inspirazio iturri munduan. Horietako bat da Italiako Banca Popolare Etica. Urteak daramatza martxan eta proiektua ongi ezagutzen duen Andrea Baranes Italiako Ardura Etikoaren Kultur Fundazioko... [+]
Bidazi kontsumo taldeak Ekonomia alternatiboa eta solidarioa jardunaldiak antolatu ditu. Fiare banku etikoa eta Coop57 finantzazio eredua izango dituzte mintzagai nagusi, egungo eredu ekonomikoak "alternatibarik baduela" erakusteko asmoz.
1.800 euroko laguntza eman dio Hernaniko Udalak banka etikoa sustatzen duen Fiare elkarteari. Herritarrengan oinarritutako kreditu-kooperatiba sortzea da helburu eta dagoeneko hainbat Udalek eman diote babesa.
Errenteriako Udalak akordioa sinatu du Fiare banku etikoarekin. Hego Euskal Herrian 2005ean sortutako proiektua da Fiare. Ehundik gora erakunde sozialek bultzatzen dute eta aurreztaileen dirua gorde eta interes apaleko maileguak ematen dizkie gizarte bazterketaren aurka... [+]
Italiako Herri Banku Etikoko (BPE) presidentea da Ugo Biggeri. FIARE proiektuaren bidez, Italiatik kanpo ere zabalduko ditu ateak banku honek, tartean Euskal Herrian, Bilbon. Hori dela-eta, Baserri Bizian elkarrizketa egin diote presidenteari eta bankuen gardentasuna... [+]
Benetako aldaketa soziala bultzatu nahian, ekonomia solidarioa eta alternatiboa oinarri duten enpresa eta erakunde anitz biltzen ditu REAS sareak, lanpostu bat eskuratzeko zailtasun gehien duen jendeari lana emanez.
Sinplea dirudi: ohiko finantza erakundeek gure aurrezkiak baliatzen dituzte maileguak eman eta inbertsioak egiteko. Hori dute lehengai eta botere iturri. Gure ekarpena ezinbestekoa izanagatik ordea, inoiz gutxitan dakigu jarri ditugun sosek zein ibilbide egiten duten. Ez al dugu... [+]