Donostiako Udal gobernuak ez du lizentzia berririk emango hotelak eta etxebizitza turistikoak irekitzeko
Neurriak ostatu erabilerak arautzeko Plan Orokorraren aldaketarekin du lotura, eta baimenik ez emateko etena urtebete ingurukoa izango da.
Eneko Goia alkateak eta Nekane Arzallus Hirigintza zinegotziak hiriko eskaintza turistikoa “arautzeko” neurri bat aurkezteko agerraldia egin dute udaletxean. Hain zuzen ere, udal gobernuak hotel berriak irekitzeko baimenak bertan behera utzi ditu, baita hiriko hainbat eremutan beste ostatu erabilerak jartzeko baimenak ere.
Datorren asteartean onartuko du neurria Tokiko Gobernu Batzordeak, eta martxoa bukaerako osoko bilkuran onartuta sartuko da indarrean. Horiek horrela, udalak ez du lizentzia berririk emango urtebetez edo Plan Orokorraren aldaketaren behin betiko onarpena eman bitarte.
Emandako lizentziak
Hotel berriak irekitzeko azken lizentziak 2021ean eman zituen udal gobernuak. Horrekin batera, Arzallusek adierazi du iaz eta aurten Hirigintza Sailak ez duela eskaera berririk izan. Aldiz, oraindik ireki gabe dauden hotelak bost bat direla gaineratu du. Horietako bat da, Arte Ederretako eraikinaren lekuan jarriko duten Hilton hotela. Gaur egungo ostatu eskaintzari dagokionez, Goiak esan du 18.000 plaza daudela, eta azken sei urtetan igoera %40koa izan dela gehitu du Arzallusek.
Erabilera turistikoko etxebizitzei eta etxebizitza pribatutako gela turistikoei dagokienez, Donostiak hazkunde handia izan du azken hamarkadan. Otsailean udalaren erabilera turistikoko etxebizitzen erroldan mota honetako 1.352 etxebizitza erregistratuta zeuden, hain zuzen ere 5.700 plaza eskaintzen dituzten etxebizitzak.
Baimen berriak ez emateko erabakia udalak duen estrategiaren barruan dagoela nabarmendu du Goiak, “turismo jasangarri eta arrazoizkoa izateko”. Horrekin batera, gogoraratu du 2030eko Plan Estrategikoak eta 2023-2027 Turismoko Gida Planak hainbat neurri sustatzen dituztela turismo jasangarria lortzeko.
“Donostian turismoak garrantzia du, eta zaindu beharreko eta zaindu nahi dugun jarduera da. Baina ezin dugu iparra galdu: gure lehentasuna donostiarrak dira. Eta horregatik mugak ezartzeko hainbat neurri sustatuko ditugu, bertan bizi garenok gustura egon gaitezen eta hazkunde handi batek izan ditzakeen ondorio negatiboak saihesteko”, azaldu du Goiak.
Bi eremu
Gaur aurkeztu duten neurriak hiriko bi eremu bereizten ditu. Alde batetik, Antigua-Ondarreta, Ategorrieta-Ulia, Erdialdea, Gros eta Ibaetako hirigintza eremu guztietan baimenak orokorrean bertan behera geldituko dira, eraikinen kalifikazioa edozein dela ere. Bestetik, hiriko gainerako eremuetan soilik bizitegi erabilera duten eraikinetan aplikatuko da. Hau da, hirugarren sektoreko erabilera duten eraikinetan hotelak eta etxebizitza turistikoak baimendu ahal izango dira.
Galarazpenaren ondorioz, ez da baimenik emango establezimendu eta ostatu erabilera berriak jartzeko, ezta horiek jartzeko egin beharreko lanak egiteko edo egun daudenak handitzeko ere.
Parte Zaharra galarazpenatik kanpo gelditu da, izan ere eremu saturatua da. Gogoratu 2020tik arautua dagoela ostatu erabilera berriak jartzearen mugaketa. Halaber, neurri honek ez du eraginik izango kanping, nekazaritza-turismo eta landetxetan, hain zuzen ere lurzoru ez urbanizagarrian jar daitezkeen horietan.
Ez da inongo lursailetan baimenik emango ondorengo eremutan:
- Antigua-Ondarreta: Antiguo, Seminario, Txantxa Erreka, Lizarriturri, Benta Berri, Ondarretako Ensantxea, Ondarretako Lorategi Hiria (I eta II), Miranda Alde, Erregenea, Satrustegi dorrea, Itsasargiko errepidea, Atrakzio parkea.
- Ategorrieta-Ulia: Manteo, Ulia-Barren, Mitxelene, Tokieder, Ategorrieta, Ategorrietako Erlojua.
- Erdialdea: Kaia, Ensantxea, San Bartolome, Amara Zaharra, Mirakontxa pasealekua , Aldapeta, San Roke (Parte Zaharra kanpo gelditzen da eremu saturatua delako).
- Gros: Gros (I eta II), Sagues.
- Ibaeta: Lorea, Igara.
Valentziako tanta hotzaren kudeaketa txarrak aldaketa ekarri du muturreko eguraldiagatik izan daitezkeen alerten inguruan, “neguko” lehenengo denboraldian agerian geratu den bezala. Hego Euskal Herrian ibaiek gainezka egingo zutelako mehatxuaren aurrean, hainbat... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Abenduaren 14an etxebizitzaren negozioaren aurkako manifestazioa egingo dute Bilbon, etxebizitza sindikatu nagusiek deituta. “Doako eta kalitatezko etxebizitzaren alde eta politikarien eta instituzioen fartsaren aurka” mobilizatzera dei egin dute. Ane Salvador... [+]
Etxebizitza Sindikatu Sozialistak eta Harituk antolatuta, manifestazio bat izan zen ostegun arratsaldean Iruñeko Alde Zaharrean. "Etxebizitzaren negozioaren aurrean, eta hura sustatzen duten politikarien aurrean, etxebizitza eskubide unibertsalaren benetako defentsa... [+]
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
Horren nabarmenki izan ez bada ere, Gipuzkoako gainontzeko lurraldeetan ere gora egin du etxebizitzaren prezioak. Modu berean higiezinen salerosketa ere handiagotu egin da, antza inflazioaren eta interes tasen jaitsiera dela eta, Gipuzkoako Higiezinen Jabetzako Agenteen Elkargo... [+]
Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Lanaren Ekonomiaren 8. denboraldia etxebizitzaren gatazkari helduz hasi da, Karla Pisano, Roser Espelt, Miguel Virizuela eta Argiako Jon Tornerrekin. Bi barikutan behin 11:00tan izango da irratsaioa.
